¹ Na gauna igi, eru udolu valevu na tamata aru soqo vata mai, aru vibutu qaqi ga, a qai kwa mai i mata vuwadru leya jisaiveli o keya, mutu qarauniko mutou mai na ledru leveni na Farisi, iqoi na vivakwaisini. ² Evo jikai na kwa e cilo, me kuwa ni vatakei, se cilotaki, me kuwa niru kilajiya. ³ Na kwa mutu vo kwa e gilogilo e na rogo mai. Na kwa mutu kwa ve rubebe ina jiki e cilo, e kacivaki mai i yataga ni were. ⁴ Aqu vo kwa vuwako mutou, na wekaqu, mutu kuwa ni matakucidru o rau eru vamate niya na yago ga, i bere eru tasi vaveya rewa e kiya na kwa. ⁵ Aqu vo kwa vuwako mutou se o cei me mutu matakuciya, Mutu matakuciya o keya e rewa ni vamateniya, a devu e rewajiya muni me dainiya i eli. Io aqu vo kwa vuwako mutou, mutu matakuciya. ⁶ E tasi volitaki na siparo e lima na facigi e ruwa? e jikai vuwadru e kiya e numi dai in mata ni Kalou. Ia evo wili mutu rau ni ulu. ⁷ O keya ikwe mutu kuwa ni mataku; mutu vo levu cake sara vuwadru na separo e levu. ⁸ Aqu vo kwa tale vuwako mutou, O keya yakiya eva tusaniko au veru mata na tamata, ena vatusaniya muni o keya vuwa na luve ni tamata veru mata na agilosi ni Kalou, ⁹ o keya cakitaki niko au veru mata na tamata, e cakitaki muni veru mata na agilosi ni Kalou. ¹⁰ O keya yakiya e tata bura taki niya na luve ni tamata, ena rewa me kuwa ni lai ocaji ke. o keya e tata bura takiniya na Yalo Tabu e tasi rewa sara me kuwa ni lai ocaji. ¹² ena vavuliciko mutou na Yalo Tabu na jiki ni siga igina kwa e dodonu mo kwa. ¹⁴ A kwa vuwa o keya, o iko, o cei o lesiko au mequ turaga ni lewa se qu dau vivotai vuwako mutou? ¹⁵ A kwa tale vuwadru o keya, mutu tolaviko mutou oka, mutu taroviko mutou mai na kocokoco; e tasi kalougata na tamata ina vuku ni levu na kwa e notu vuwa. ¹⁶ A kwa o keya e kiya na tata vatautauvata vuwadru, a kwa, ¹⁷ "E kiya na tamata vutuniyau e makuga oka sara na leya vanuwa, a qai vanumiya e yaloga, a kwa, na cava mequ vaveya, nivo jikai na lequ lololo mequ koroniya ke na lequ i teitei? ¹⁸ A qai kwa, ikwe ga na kwa qu na vaveya; aqu vo basukiya na lequ lololo, qu vaveya tale e kiya na kwa levu; qu na qai koroniya taucoko ga ke na lequ i teitei qa neya na lequ i yau. ¹⁹ Aqu na qai kwa i qu yalo, ''qu yalo, evo levu na lemu i yau evo koro tu ina yabaki e wara, mo vacegu re, mo kana, mosomu, mo marau no." ²⁰ A kwa vuwa na Kalou, 'O iko na riva, na bogi ni ga ni kuwa e na lai tarogi tale vuwako mu yalo; e na qai leya o cei na kwa o varautakiniya tu?' ²¹ E kodaki ke o keya e dau koroniya nai yau me leya, e tasi vutuniyau na kwa balejiya na kalou. ²² A qai kwa o keya vuwadru na leya jisaiveli, o keya ikwe qu kwa ke vuwako mutou, mutu kuwa ni lomaocaoca me balejiya na lemutu cola, na kwa mutu kaniya; se me balejiya mutu lala, me balejiya na kwa me mutu vai sulu ke. ²³ E kwa levu na cola, e kwa lailai na cawa; e kwa levu na yago e kwa lailai na i sulu. ²⁴ Mutu va numiya na reveni; eru tasi ka burakiniya, se musukiya; evo jikai na ledru were ni yau se na ledru lololo; evo vakanidru na Kalou. E djina mutu vo yaga valevu cake vuwadru na manumanu! ²⁵ O cei vuwako mutou e kodaki e lomaocaoca e rewajiya me vai kuriniya na leya cola? ²⁶ E kodaki mutu tasi vaveya rewa na kwa lailai ga ikwe, mutu vo lomaocaoca ina vuku ni cava? ²⁷ Mutu va numiya na viavia, eru cola va cava. eru tasi cakacaka, se dau tatali. A qu vo kwa vuwako mutou, O Solomoni na leya i ukuuku taucoko ga e tasi kodaki ve kiya vuwadru ikwe. ²⁸ Kodaki e vai sulujiya na kalou na mau eno nikuwa ina i teitei, a vo biu i na i vavi siqwata lailai; ena tasi okajiya valevu me vaisulu jiko datou, o mutou na lailai na lemutu vabaujiya? ²⁹ Mutu kuwa ni vadaniya na kwa me mutu kaniya, se na kwa me mutu somiya, me kuwa muni ni vidre mutu yaloga. ³⁰ Eru vadaniya na na kwa taucoko ga o rau na vivanuwa taucoko ga i vuravura, nivo kilajiya o Tamamutou nivo yaga vuwako mutou na kwa iqoi. ³¹ Me mutu vadaniya ga na leya matanitu; e qai soli vuwako mutou me keya i kuri na kwa taucoko ga ikwe. ³² Kuwa ni mataku, na qwele ni sivi lailai, evo okajiya o tamamutou me soliya na matanitu. ³³ Mutu volitakiniya na kwa eno vuwako mutou, soliya ni loloma; varautakiniya vuwako mutou na taga ni lavo e tasi madra, na i yau mai lomalagi e tasi devu rewa, e jikai na dau driva me taroviya, se na sarasara me kaniya. ³⁴ Ena no mutu yalo i na vanuwa eno ke na lemutu i yau. ³⁵ Me no ga mutu luvuka, me mudre no ga na lemutu sina; ³⁶ mutu kodaki na tamata e ru waciya na turaga, me la tale mai i na magiji ni vawaji, meru dolaviya vawatoto sara, nivo lamai e na tukituki o keya. ³⁷ Eru vo kalougata o rau na tamata iqoi, ena danidru na turaga niru vatawa no, nivo lamai o keya; aqu kwa vaidjina vuwako mutou, e vau na leya i sulu, a kwa meru no i ra, ena lamai o keya e na qaravidru. ³⁸ Kodaki e lamai o keya i na i karuwa ni wase ni bogi, se lamai i na i katolu, eru vo kalougata o rau na tamata iqoi. ³⁹ Mutu kilajiya ga ikwe, kodaki e kilajiya na i taukei ni were na jiki ni bogi e lamai ke na dau driva, eva tawa ga, e tasi dainiya la were me basulaki. ⁴⁰ Mutu varau tu o mutou tale ga, nivo lamai na luve ni tamatai na jikinisiga mutu vo tasi numiya ke. ⁴² A kwa na turaga, "O cei na tamata yalo dodonu a vuku, ena lesiya na turaga me lewai yadru na leya vu were, me soliya na kedru i votavota i na gauna dodonu? ⁴³ Evo kalougata na tamata igi, o keya ena daniya na leya turaga nivo vaveya kodaki ke, nivo lamai o keya. ⁴⁴ Aqu vo kwa vaidjina vuwako mutou, e lesiya o keya me lewa na leya kwa taucoko ga. ⁴⁵ Kodaki e kwa e yaloga na tamata igi, eva berebereniya lamai na lequ turaga; avo tekivu me yavijidru na vuwere na teigwane qaneya na vada, me dau kana muni dau somu, dau mateni, ⁴⁶ ena lamai na turaga ni tamata igi ina siga e tasi lai numi ke, qeiniya na jikinisiga e tasi kilai ke; e qai musukiya i ruwa a lesiya o keya meru votai vata o rau na tasi vabaujiya. ⁴⁷ Na tamata igi, e kilajiya e yaloga na turaga, e tasi varau ke, se me vaveya me kodaki e yaloga me yaviji va levu. ⁴⁸ O keya e tasi kilajiya, e vaveya na kwa e dodonu me yaviji ke; e yaviji valailai ga. Ena tarogi valevu mai vuwa e vosoli valevu vuwa; e na tarogiya valevu o rau na tamata vuwa o rau na soliya valevu vuwa. ⁴⁹ Aqu vo lamai mequ dainiya na quto mudre i vuravura, na cava tale mequ vaveya, kodaki evo mudre tu. ⁵⁰ Evo kiya na lequ vavitaiso mequ vavitaisotaki ke, e rarawa valevu kequ yaloga me devu re ikwe! ⁵¹ Mutu vo vakasama re niqu vo lamai mequ vaveya na viokaji i vuravura? Aqu kwa vuwako mutou, e jikai, na visei ga. ⁵² Evo tekivu na gauna ikwe meru lima ina kiya na were eru vo viburaji, eru tolu qeinidru na ruwa, eru ruwa tale qeinidru na tolu. ⁵³ Eru na viburaji na viluveni teigwane; qeinidru na viluveni lewa qeinidru na vivugani lewa. ⁵⁴ A kwa vuwadru na lewe levu, ni mutu vo tolaviya nivo tubu mai i ra na o, mutu kwa sara, e kiya na luvu e lamai; e vo kodaki ke. ⁵⁵ Nivo liwa mai na cagi, mutu kwa, e kiya na katakata levu; evo lamai. ⁵⁶ Na vivakwaisini, ni mutu vo kilajiya rewa mata i vuravura qeiniya o lomalagi, ivei e kodaki ni mutu vo tasi kilajiya na kwa ikwe? ⁵⁷ Ivei e kodaki ni mutu vo tasi lewaiya vai niko mutou na kwa e dodonu? ⁵⁸ Ni muru vo lavata avo beitaki niko vuwa na turaga ni lewa, mo vakaikai sara i calevu me devu re na leya beitaki niko, ke mei ko vuwa na turaga ni lewa vuwa na ovisa, a qai meiko na ovisa i were ni vivesu. ⁵⁹ Aqu kwa vuwako, o na tasi sereki mai ke, mo saumiya taucoko sara nai lavo.