¹ Nivo oji na vikwa ikwe, a qai lesiya na turaga ni lewae vitusagavulu tani, a vatalajidru yaruwa meru layaji ina virara taucoko, qaneya na vijikina e mata layaji ke o keya. ² Avo kwa vuwadru, ''E djina evo valewe na yabaki, eru vo lailai ga nai vatawa ni were ina leya teitei, o kiya me mutu qai masujiya na i vatawa ni were, me vatalajiya yaji ru yavalu meru lai vatawa niya leya i teitei. ³ Mutu layaji, tolaviya aqu vo talajiko mutou yaji me kodaki na lami ina kedru maliwa na wolifa. ⁴ Kuwa ni kau na i taga i lavo, se na taga cawa, se na i vava, mo kuwa ni kidavaki niya e kiya muru sota i calevu. ⁵ Ia ni viwere yakiya mutu unuyaji ke, kwa re i mata, Me yaco na vacegu i na were ikwe. ⁶ Ia kodaki e nokoto no ke e kiya na tamata e dodonu me vacegui, ena nokoto no vuwako mutou na leya vacegui, ia kodaki e jikai o keya ena lesu tale vuwako mutou. ⁷ Ia na were igi mutu nokoto no ke, mutu kaniya mutu somiya na vikwa eru soliya, nivo dodonu me soli vuwa na tamata daucakacaka na keya i sau. Mutu kuwa ni vitokiyaki ina viwere were. ⁸ Ia na virara taucoko ga mutu unu ke, eru na vacegu niko mutou, mutu kaniya na vikwa eru biujiya mutu mata, ⁹ mutu vacola nidru na tauvimate, eru nokoto no ke, kwa vuwadru 'E voleka vuwako mutou na matanitu ni Kalou.' ¹⁰ Ia na virara taucoko ga mutu unuvidru ru tasi vacegu niko mutou, mutu la na vi calevu mutu kwa, ¹¹ 'Na kuvu ni qwele ni lemutu rara, evo kabijiya madu la, madu vo kusiya tale vuwako mutou, ia mutu kilajiya oka no ikwe, e voleka vuwako mutou na matanitu ni Kalou.' ¹² Ia qu vo kwaya vuwako mutou, e na bura valailai o Sotoma ena visiga igi, ena bura valevu na rara igi. ¹³ E bura vuwako Koresini! e bura vuwako Peciseita! ia kodaki e a vai mai Taia kei Saitoni na cakacaka mana e vai vuwako muru, eru na vivutuni makawa, ru na no bale no ina sulu taga qaneya na ravu. ¹⁴ Ia ena bura valailai o Taia qaneya o Saitoni ina vilewai. ¹⁵ O muru na bura valevu sara. O iko muni, Capenaumi, ovo laveji cake i lomalagi? o na biu bale i Etesi. ¹⁶ O kiya evo rogociko mutou evo rogociko au, ia o keya e beciko mutou evo beciko au, evo beciya o kiya e vatalajiko au mai. ^{20 30} Ia o keya e mata vadoniya,a torogiya o Jisu, O cei na kwai lequ? A vo kwakwa o Jisu kwa, e kiya na tamata avo labale mai i Jeruisalemi ki Jeriko, aru drivajiya ru yavalu na dau driva, eru livajiya dai na leya i sulu, ru vamavowatakiniya, aru ladai yaji, aru biujiya a voleka ni mate. ²¹ I na jiki ni siga igi, ena reki valevu ke o Jisu e yaloga, ena kwa, ''Aqu vaokaoka vuwako Tamaqu, na Turaga i lomalagi qaneya o vuravura, nivo cilotaki niya vuwadru na vuku qaneya na yalomatuwa, ovo vatakiya ga vuwadru na i luve yalai, nivo kodaki ikwe Tamaqu, ena vo oka mu matame kodaki ke. ²² "Evo soliya mai vuwako au o Tamaqu na vikwa taucoko,ia e jikai ni kiya e kilajiya, se o cei e Luveya, o Tamaya takiya ga, se o cei o Tamaqu, o luvequ takiya ga, qaneya e okajiya e luveya me varaitakiniya." ²³ A vuki vuwadru na leya jisaiveli, a kwa io, ''Evo kalougata na mata e tolaviya na vikwa mutu tolaviya. ²⁴ Niqu vo kwa vuwako mutou, eru vo levu na parovita qaneya na tui ru mata tolaviya na vikwa mutu tolaviya, aru vo tasi tolaviya, meru rogociya muni na vikwa mutu rogociya, aru vo tasi rogociya.'' ²⁵ Tolaviya, evo kiya na vuni vunau eya tucake, a vatovoliya, e tarogiya, ''Vavuvuli, na cava mequ vaveya mequ rewajiya ke na cola tawa mudu? ²⁶ A kwa vuwa o keya, "Na cava e volai i na vunau? Na cava o wilikiya ke?" ²⁷ Avo kwa o keya, Mo lomaniya o Jiova na lemu Kalou mu yaloga taucoko, qaneya mu yalo taucoko, na lemu kaukauwa taucoko, qaneya na lemu numiya taucoko, qaneya na kwai lemu me kodaki o iko.'' ²⁸ Avo kwa vuwa o keya, ''O vo kwa mai vadodonu, vaveya ikwe, o na colo ke.'' ²⁹ Ia o keya e mata vadoniya, a torogiya o Jisu, "O cei na kwai lequ?" ³⁰ Avo kwakwa o Jisu kwa, e kiya na tamata avo labale mai i Jeruisalemi ki Jeriko, aru drivajiya ru yavalu na dau driva, eru livajiya dai na leya i sulu, ru vamavowatakiniya, aru ladai yaji, aru biujiya a voleka ni mate. ³¹ Avo taubale yaji na e kiya na bete, ia nivo tolaviya, a yato sara vajikijiki. ³² E kodaki tale ga ke e kiya na luve ni livai, nivo yaco na vanuwa igi, e lamai me tolaviya, a qai la vajikijiki dai. ³³ A kiya na kwai Samariya avo layaji, e yaco vuwa, ia nivo tolaviya evo lomaniya sara. ³⁴ Avo lamai, a vadreji jiya na mavowa, a sovajiya ke na waiwai qaneya na waini, qai vavodoniya ina leya manumanu, eya meiya ina bure ni vulagi, me mamaroi ke. ³⁵ Ia ena qwata igi nivo ladai keigi, a qulumiya e ruwa na pene, e soliya vuwa nai taukei ni bure, a kwa vuwa, 'Mo tolaviya no, ia na vikwa o kuriya, qu na qai saumiya vuwako niqu na lesu tale mai.' ³⁶ lewaiya ga mai se o cei vuwadru na lewe tolu ikwe, e kwai leya a drivajidru na dau driva? ³⁷ Avo kwa o keya, ''O keya ga e lomaniya.'' A qai kwa vuwa o Jisu ''Mo layaji o iko mo vaveya kodaki muni igi.'' ³⁸ Avo yaco, niru vo latu, a unu o keya ina kiya na rara lailai, a meiya i na leya were, ekiya na yalewa e yaca o Marica. ³⁹ E kiya na leya tacini e yaca o Meri, e nokoto nomuni e yava o Jisu, e rogo no muni leya tata o Jisu. ⁴⁰ Ia o Marica e vidreyaki no e yaloga, ni vo varau no valevu, avo lamai a kwa, O muru na Turaga, o vo wele ga ni vo biujiko au na lequ tacini mequ varau takiya ga? mo kwa re vuwa me lamai vukeiko au. ⁴¹ Avo tata o Jisu a kwa vuwa, "I Marica, I Marica, ovo lomaocaoca na vinumiyakiniya na vikwa e vuqa. ⁴² Ia e kiya na kwa e yaga e djigitakiniya o Meri nai votavota oka, e na tasi kaudai mai vuwa."