¹ Ni devu na leya tata takiniya o Jisu, a qai layaji o keya qaneya na leya jisaiveli i jiliva ni vasoniwai o Kijioni, avo kiya na were, avo unuyaji ke o keya qainedru na la jisaiveli. ² Ia o Jutasa o keya a soliya yaji,avo kilajiya na vanuwa e dau yagwaji ke o Jisu, qainidru na leya jisaiveli. ³ Ia nivo rewajiya o Jutasa na mata ni sojiya qanedru ru yavalu na ovisa, mai vuwadru na bete levu vata o rau na Farisi, evo yaco ke, eru vo kau eru yavalu na tabu cagi vata na sina, qaneya na yaragi ni valu. ⁴ Nivo kilajiya o Jisu na vikwa e na yaco vuwa, a layaji o kwa vuwadru, O cei mutu vo vadaniya? ⁵ Eru vo kwa vuwa, o Jisu na kwai Nasareci. A kwa vuwadru o Jisu, o au, A vo no vata qanedru o Jutasa, o keya a soliya yaji vuwadru. ⁶ E qai kwa vuwadru o keya, O au ikwe, aru vo suka yatakuli jidru aru qai ravoki bale i na qwele. ⁷ A qai tarogidru tale o keya O cei mutu vatolaviya? Aru vo kwa, o Jisu na kwai Nasareci. ⁸ A qai kwa o Jisu, aqu vo kwa vuwako mutou devu nio au ga, ia kodaki mutu vo vatolaviko au, vadei nidru o rau ikwe meru ladai. ⁹ Me vayacori ke na tata a kwa o keya, aqu vo jikai ni valavele niya e kiya vuwadru o wa soliya mai vuwako au. ¹⁰ E qai ucuniya mai Saimoni Pita na i selewau a nokoto vuwa, a qai cebekiya ke na leya tamata na bete levu, a cebejiya dai e bebe i matau. e yaca na tamata ikwe o Maliko. ¹¹ A qai kwa vuwa o Pita o Jisu, ''tawaniya lemu i seleiwau i na keya taga. Na bilo avo soliya mai vuwako au o Tamaqu aqu vo jikai ga re ni somiya? ¹² O rau na mataivalu, vata o rau na keya turaga, qanedru na ledru ovisa na kwai Jutiya, eru qai vesukiya. ¹³ Aru vo tuiya i mata o Anasa, ni vo jiya leya i sa o Kaiyafa, o keya na bete levu na yabaki igi. ¹⁴ Ia o Kaiyafa ikwe, o keya eya vavulicidru na kwai Jutiya, nivo yaga me mate e kiya na tamata eru vuku na tamata. ¹⁵ ru vo tekuciya yaji o Jisu o Saimoni Pita e kiya tale na jisaiveli, a qai kilai na jisaiveli igi vuwa na bete levu, aru vo unu vata yaji o Jisu i na were ni bete levu. ¹⁶ Avo tucake i rara o Pita eya voleka jiya na mataniwere. A qai unu yaji e kiya vuwadru na jisaiveli, o kiya vuwadru avo lai kilai tu vuwadru na bete levu, a tata vuwa na lewa e vatawaniya no na mataniwere, a vauniya o Pita. ¹⁷ A qai kwa vua o Pita na yada e vatawaniya na matani were, ''o iko muni saraga ikwe na jisaiveli ni tamata ikwe?'' ¹⁸ Aru vo nokoto no ke o rau na dau ni viqwaravi qanedru na Ovisa aru vo visakinia no na quto, ni ru vo kakasali aru vo vararai no ke, a no vata no qanedru no ovisa aru vo vasaniya no na quto, niru vo kakasali aru vo vararagi no ke, a no vata qanedru no o Pita me vararagi muni. ¹⁹ A qai tarogiya o Jisu eru vuku na leya jisaiveli, e vuku muni leya i vavuvuli. ²⁰ A kwaya vuwa o Jisu, A tata vadodonu i vuravura a vai vuli no ga i viwere ni soro, eru dau layaji ke na kwai Jutiya, ia aqu jikai ni cilomaki niya e kiya nakwa. ²¹ E cava e vu lemu vuni vatarogiko au ke? tarogidru yaji o rau na varogociya, se cava qu dau kwaya vuwadru eru kilajiya na vikwa qu dau kwaya. ²² Ia nivo tata devu o keya kodaki ikwe, e kiya vuwadru na ovisa a tucake voleka no a sabiciya o Jisu ve lima, a kwaya, Ovo tata vacava vuwa na bete levu? ²³ A kwaya vuwa o Jisu, ''Kodaki e oka ovo sabiciko au i na vuku ni cava?'' ²⁴ Ia o Anasa a vatalajiya niya vesu tu, vuwa o Kaiafa na bete levu. ²⁵ Ia nivo nokoto o Saimoni Pita a vararagi no. Eru qai kwaya ''O iko talega ikwena e kiya vuwadru na leya jisaiveli? A qai cakitaki niya o keya, a kwaya, ''E tasiniko au.'' ²⁶ E kiya vuwadru na leya tamata na bete levu, e wekaya muni o keya a lai cebejiya e bebe o Pita a kwaya, ''Aqu jikai ni tolaviko vata i na were?'' ²⁷ A qai cakitakiniya tale o Pita avo tagi sara na to. ²⁸ Eru qai meiya dai o Jisu vuwa o Kaiafa i na were ni vilewai, i na qena qwata lailai, ia o rau taucoko eru jikai ni unu i na were ni vilewai, meru kuwa ga ni vadukaduka takiniya na were ni kana vata ni lako siviya. ²⁹ A qai unuyaji vuwadru o Pailato, a kwa , ''Na cavana kwa bura mutu vo beitaakiniya vuwa na tamata ikwe?'' ³⁰ Eru vo tata ru kwa vuwa, ''Kodaki vo jikai ni tamata bura o keya ikwe, madu na jikai ni soliya yaji vuwako.'' ³¹ A qai kwa vuwadru o Pailato, ''Mutu meiya, mutu lewaiya me kodaki lemutu lawa.'' O keya eru qai kwa vuwa o rau na kwai Jutiya, ''E jikai ni vatarai vuwako madou madu vamateniya e kiya na tamata.'' ³² Me vayacori ke na leya tata a kwa o Jisu ni na vatakiya ke na i valavala ni mate ena mate ke. ³³ A qai unu tale yaji i na were ni vilewai o Pailato, a coviya mai o Jisu, a kwa vuwa, ''O iko na ledru Tui na kwai Jutiya, se jikai?'' ³⁴ A qai kwa o Jisu, ''Ovo tata takiniya na vikwa ikwe vainiko ga, se ru vaunu tata vuwako eru yavalu tale na tamata?'' ³⁵ A qai kwa vuwa o Pailato, ''O au muni na kwai Jutiya? O rau na kwai lemu qanedru na bete levu aru vo soliko mai vuwako au. Na cava ovo vaveya?'' ³⁶ A kwaya o Jisu, ''E jikai ni vavuravura na lequ matanitu, kodaki a ke vavuravura na lequ matanitu, eru na qai vala mai na lequ tamata, mequ kuwa ni soliya yaji vuwadru na kwai Jutiya, ia ikwe e jikai ni vu ikei na lequ matanitu.'' ³⁷ A qai kwa vuwa o Pailato, O iko ga ikwe na tui?'' a kwa o Jisu, ovo kwa niqu jiya Tui. Na kwa ga ikwe qu vo sucu mai ke, ia na kwa ikwe aqu a lamai ke i vuravura, mequ lamai tukuniya na vikwa djina, Ovo rogociya na lequ tata. ³⁸ A kwa vuwa o Pailato, ''Na cava na kwadjina?'' Ia nivo tatadevu kodaki ikwena, a unu tale yaji vuwadru na kwai Jutiya, a kwa vuwadru, ''Aqu vo jikai ni daniya vuwa e kiya na i valavala bura.'' ³⁹ Ia vo kiya na lemutu i valavala, me qu serekiya vuwako mutou e kiya i na kana vata ni lako siviya, mutu vo okajiya se jikai mequ na serekiya yaji vuwako mutou na ledru Tui na kwai Jutiya?'' ⁴⁰ Eru qai muyotaki niya tale eru kwa, ''Me kuwa ni niya na tamata ikwe, o Parapa ga. Ia na daudriva o Parapa.