¹ O au na vaini djina, ai vatawa ni teitei o Tamaqu. ² Qu katula taucoko ga e tasi vuwa, a kau dai o keya: qu katula taucoko ga e vuwa, e saumaki niya o keya, me vuwa va levu sara. ³ Mutu vo saumaki na vuku ni tata qu tata vuwako mutou. ⁴ Mutu no voko au, qu na no vuwako mutou. Me kodaki ni vo tasi vuwa rewa e katula vai niya, kodaki e tasi no vata na vaini; e kodaki muni ke o mutou,kodaki mutu tasi no vuwako au. ⁵ O au na vaini,o mutou qu katula: o keya e no vuwako au,o au muni vuwa, e vuwa va levu: kodaki mutu vola la dai mutu na tasi rewa jiya e kiya na kwa. ⁶ Kodaki e tasi no voko au e kiya, e biu dai me kodaki na katula ni vaini, e vo wave; a ru lugiya, a ru biu jiya I na quto mudre, me visaki. ⁷ Kodaki mutu vo no vuwako au, e no vuwakomutou na lequ tata, mutu na kereviya na kwa mutu oka jiya, e na cava vuwako mutou. ⁸ Na kwa I kwe a va rokorokotaki ke o Tamaqu, mutu vo vuwa va levu: mutu qai lequ tisaiveli. ⁹ E kodaki ni lomaniko au o Tamaqu, qu vo lomaniko mutou tale ga ke: mutu nokoto ga I na lequ loloma. ¹⁰ Kodaki mutu talai rewarewa I na lequ I vunau, mutu nokoto I na lequ loloma; kodaki niqu vo talai rewarewa I na leya I vunau o Tamaqu, nokoto no ga ina leya loloma. ¹¹ Qu vo kwa na vi kwa I kwe vuwako mutou, mequ marau no ga balejiko mutou; me vuqa na lemutu marau. ¹² Na lequ I vunau I kwe, me mutu vi lomani me kodaki na lequ lomaniko mutou, ¹³ E jikai na leya loloma e kiya na tamata me oka cake i na kwa i kwe, me soliya la cola vuwadru o wekaya. ¹⁴ Mutu vo wekaqu, kodaki mutu vo vaveya na kwa taucoko ga qu varojiya vuwako mutou. ¹⁵ Qu vo tasi vatokai niko mutou tale me lequ tamata: ni vo tasi kila jiya na tamata na kwa e vaveya naleya turaga; qu vo vatokai niko mutou me o wekaqu; niqu vo vatakeya vuwako mutou na kwa taucoko ga qu varogo mai vuwa o Tamaqu. ¹⁶ Mutu tasi djigitaki niko au, io qu vo djigitaki niko mutou,la lesiko mutou me mutu la vuwa, me no muni mutu vuwa; me soliya ke vuwako mutou o tamaqu na kwa taucoko ga mutu kere viya vuwa qu yaca. ¹⁷ Na vi kwa I kwe qu varojiya vuwako mutou me mutu vi lomani. ¹⁸ Kodaki e burajiko mutou o vuravura, mutu kila jiya niru bura jiko au I mata, eru bura jiko mutou I bere. ¹⁹ Kodaki mutu vo va vuravura, e lomaniya na kwai leya o vuravura: ni mutu vo tasi va vuravura, niqu vo djigitaki niko mutou mai vuravura, ni o keya I kwe e burajiko mutou o vuravura. ²⁰ Mutu numiya na tata qu tatataki niya vuwako mutou, e tasilevu na tamata ka lailai na Turaga. kodaki e ru va bura niko au, e ru na vabura niko mutou muni: kodaki e ru talai rewarewa I na lequ tata, e ru na talai rewarewa muni I na lemutu tata. ²¹ Na kwa taucoko ga I kwe eru na vaveya vuwako mutou e vuku ga qu yaca, niru tasi kila jiya o keya vatala jiko au mai. ²² Kodaki qu tasi la mai mequ tata vuwadru, e qai jikai na ledru I valavala ca: e qai jikai na ledru I ulubale I na ledru iv valavala ca. ²³ O keya burajiko au, e bura jiya tale ga o Tamaqu. ²⁴ kodaki qu tasi vaveya vuwadru na cakacaka e tasi vaveya e kiya na tamata kani kiya, e jikai na ledru I valavala ca: e ru qai daniya, e ru bura jiko au qa neya o Tamaqu; ²⁵ me vai ke na I tukutuku a volai I na ledru I vunau, e ru bura jiko au ga. ²⁶ Ni vo la mai na dauvivacegui, o keya qu vatala jiya vuwako mutou nai vuwa o Tamaqu, na yalo Tabu na vuni kwa djina, o keya a la mai vuwa o Tamaqu, e na tuku niko au o keya. ²⁷ Mut u na dau tukutuku muni o mutou, ni mutu vo no qaneko au mai na I vatekivu.