¹ Me kuwa ni rarawa mutu yalo:mutu vabau jiya na Kalou: mutu vabaujiyako au tale ga. ² E levu e jiki la were o Tamaqu: kodaki e jikai,qu vo kwa vuwako mutou.Ni qu vo la mequ varautaki niya e jiki me lemutou. ³ Kodaki qu vo la mequ varautaki niya e jiki me lemutou, qu na la tale mai, qu na meiko mutou voko au; me mutu no muni na vanuwa qu no ke. ⁴ Mutu vo kila jiya na vanuwa qu la ke, mutu vo kila jiya muni ka calevu. ⁵ A kwa vuwa o Tomasi, o mutou na Turaga, madu tasi kila jiya o vo la I vei: me madu kil jiya vacava na keya calevu? ⁶ A kwa vuwa o Jisu, O au na calevu, qei niya na vuni djina, qei niya na vuni cola; e tasi toroviya o tamaqu bale jiko au ga. ⁷ Kodaki mutu vo kila jiko au, mutu vo kila jiko au muni: I na siga I kwe mutu vo kila jiya, mutu daniya. ⁸ A kwa vuwa o Filipi,Turaga, vatakeya mai o Tamamu vuwako madou; madu na qai va cegu. ⁹ A kwa vuwa o Jisu, niqu vo no balavu kodaki I kwe qei niko mutou o tasi kila jiko au, Filipi? o keya e daniko au, e daniya o Tamaqu: 0 kwa va cava, ¹⁰ O tasi vabau jiko au o tamaqu o Tamaqu eno qaneko au? na kwa qu kwa vuwako qu tasi tata I na lequ kaikai, o Tamaqu e no qaneko au e vaveya la cakacaka. ¹¹ Vabau jiko au niqu no qaneya o Tamaqu, o Tamaqu e no qaneko au, o rau muni eru vabaujiya. ¹² E djina,e djina, qu kwa vuwako, o keya e vabaujiko au e vaveya na kwa qu vaveya, e vaveya na cakacaka levu bale jiya aqu na la vo Tamaqu. ¹³ Na cava o kwa balejiko au, qu na vaveya balejiya o tamaqu me va kalougatataki niya o luveya. ¹⁴ Kodaki o tarogiko au e kiya na kwa qu yaca, aqu na vaveya. ¹⁵ Kodaki, mutu lomaniko au, mutu va rorogo ina lequ I vunau. ¹⁶ Qu na masu jiya o Tamaqu,e na soliya vuwako mutou e kiya tale na vi vacegui, me nokoto ga vuwako mutou me tawa mudu; ¹⁷ na yalo tabu na vuni kwa djina, o keya e tasi vabaujiya rewa na kwai vuravura,niru tasi daniya se kila jiya: o mutou ga mutu kilajiya:ni mutu no vata no, e unuviko mutou. ¹⁸ Qu na tasi deiniko mutou me mutu luve- ni- yali: qu na la mai vuwako mutou. ¹⁹ Wawa re va lailai, eru na tasi daniko au tale na kwai vuravura: mutu vo tolaviko au: niqu vo cola, mutu na cola muni. ²⁰ I na siga igi mutu kilajiya ni maru vo kiya vata o Tamaqu, mutu vo kiya vata qaneko au, qu na kiya vata qaneko mutou. ²¹ O keya e numiya na lequ I vunau me talai rewarewa ke, o keya I kwe e lomaniko au: o keya e lomani ko au e na lomaniya o Tamaqu, qu na lomaniya,qu na vikilaitaki niya vuwa. ²² A kwa vuwa Jiutasa,(e kanikiya o Isikarioti.)o mutou na Turaga, o na vatakeya vuwako madou balejiya na cava, e jikai vuwadru na kwai vuravura? ²³ A tata o Jisu,a ,kwa vuwa, kodaki e lomaniko au e kiya,e talai rewarewa I na lequ tukutuku; e qai lomaniya o Tamaqu, Maru na la mai vuwa, e no ga vuwa. ²⁴ O keya e tasi lomaniko au, e tasi talai rewarewa I na lequ I tukutuku: io na I tukutuku mutu varogo, e tasi lequ, e leya o Tamaqu a vatala jiko au mai. ²⁵ A qu tatataki niya na vi kwa vuwako mutou, niqu no vata qaneko mutou. ²⁶ Na dau vi vacegui, na yalo Tabu, o keya e vatala jiya mai o Tamaqu e yaca, e va vuliciko mutou I na kwa taucoko ga a qu kwa vuwako mutou. ²⁷ A qu vo deiniya vuwako mutou na vacegu, qu vo soliya vuwako mutou na lequ vacegu; qu na tasi soliya vuwako mutou, me kodaki a soliya o vuravura. Me kuwa ni rarawa mutu yalo, se mutu mataku. ²⁸ Mutu varogo qu kwa vuwako mutou,qu vola yaji, qu qai la tale mai vuwako mutou. kodaki mutu lomaniko au, mutu na marau niqu la vo Tamaqu: ni oka cake voko au o tamaqu. ²⁹ A qu qai kwa I mata vuwako mutou ni si bere ni cava mai, me mUtu va djina jiya na gauna e la mai ke. ³⁰ I na visiga mai bere qu na tasi vi tataki va levu qaneko mutou: no vo la mai na turaga ni vuravura I kwe, a tasI daniya e ki .ya na kwa vuwako au. ³¹ Meru kila jiya na kwai vuravura ni qu lomaniya o Tamaqu, me kodaki ni tata voko au o Tamaqu, qu vo vaveya kodaki ke.Tu cake medu la yaji.