¹ Ni sibere na kana vata ni lako siviya, avo kilajiya o Jisu nivo cava mai na leya gauna me ladai yaji ke i vuravura ikwe vuwa o Tamaya. Nivo lomanidru na leya eru nokoto no i vuravura, a lomanidru i na i devudevu. ² Niru vo vaiyavi no, a tubuniya devu i na yaloga o Jutasa Isikarioji, o luveya o Saimoni me soliya yaji. ³ A kilajiya o Jisu nivo soliya vuwa o Tamaya na kwa taucoko ga ve lima, ni lamai vuwa na Kalou. ⁴ A tucake mai na vaiyavi, a luvajiya na leya i sulu, a kau mai e kiya na i solo a viviya ve luveya. ⁵ Nivo devu ikwe avo sovajiya na wai ina dare, a tekivu me savajiya ru la na jisaiveli, a solojiya i na i solo a viviya ve luvuka. ⁶ A qai lamai o keya vo Saimoni Pita, Akwa vuwa o keya, "Lequ Turaga, o vo savajiya re qu la? ⁷ A tata o Jisu, a kwa vuwa, na kwa qu vaveya o tasi kilajiya nikuwa, io mai bere ga o na qai kilajiya. ⁸ A kwa vuwa o Pita, "O mutou mutu na tasi savajiya sara qu la", o na tasi rewajiya e kiya nakwa vuwako au. ⁹ A kwa vuwa o Saimoni Pita, "Lequ Turaga me kuwa ga qu la, qu lima vata qu ulu. ¹⁰ A kwa vuwa o Jisu, O keya evo sili devu, e yaga vuwa me sava ga e laga, evo savasava taucoko mutu vo savasava, se mutu jikai taucoko. ¹¹ Nivo kilajiya o keya ena soliya yaji na kwa ikwe e kwa ke o keya, mutu tasi savasava taucoko. ¹² Nivo savajiya devu eru la, a uku tale na leya i sulu,a no bale tale a kwa vuwadru, mutu vo kilajiya na kwa aqu vaveya vuwako mutou se jikai? ¹³ Mutu vo tokoniko au mequ jiya Turaga mequ jiya i vavuvuli muni, io mutu vo tata djina niqu vo kodaki ke. ¹⁴ Kodaki qu vo savajiya mutu la, o na Turaga qeiniya na i vavuvuli, e dodonu muni me mutu vivu yava. ¹⁵ Niqu vo soliya e kiya na i varau i vuwako mutou, mutu vaveya me kodaki qu vo vaveya devu vuwako mutou. ¹⁶ E djina, e djina, Aqu vo kwa vuwako mutou,e tasi levu na tamata me lailai la Turaga se levu o keya a lai vatala o lailai o keya vatalajiko mai. ¹⁷ Kodaki mutu kilajiya na vikwa ikwe, mutu vo kalougata kodaki mutu vaveya. ¹⁸ Aqu tasi tataki jiko mutou taucoko ga, aqu kilajiya o keya qu djigitaki niya, me yaco ke na i vola tabu, O keya maru kana madrai vata, e leqe jiko au e kubukubu ni la. ¹⁹ Aqu qai kwa vuwako mutou ni sibere ni cava mai, me mutu vabaujiko au nivo cava mai. ²⁰ E djina, e djina, qu vo kwa vuwako mutou o kiya yakiya e vacegu niya e kiya equ vatalajiya,e vacegu niko au, o keya e vacegu niko au, o kiya evacegu niko au, e vaceguniya o kiya e vatalajiko au mai. ²¹ Nivo tata devu o Jisu, a rarawa e yalo, a vadeitaki niya, a kwa, "E djina,e djina, aqu kwa vuwako mutou, e kiya vuwako mutou e na soliko au yaji." ²² Aru qai laidani na jisaiveli, niru tasi kilajiya e tataki jiya o cei o keya. ²³ A ravi ve saro o Jisu ekiya vuwadru na jisaiveli, o keya e dau lomaniya o Jisu. ²⁴ A qai degu vacu takiniya o Saimoni Pita, me tarogiya se o cei e tataki jiya. ²⁵ O keya e ravi ve saro o Jisu, a kwa vuwa, O mutou na Turaga, O cei igi? ²⁶ A kwa o Jisu, o keya qu soliya vuwa na jiki ni madrai qu vo vukiciya, no vo vukiciya devu na jiki ni madrai, avo soliya vuwa o Jutasa Isikarioji, o luveya o Saimoni. ²⁷ Nivo devu na jiki ni madrai, a qai unu viya o Setani. A qai kwa vuwa o Jisu na kwa o mata vaveya, vaveya rewa sara. ²⁸ E tasi kilajiya e kiya vuwadru e nokoto me kana,se na cava e tata ke kodaki o keya. ²⁹ Aru vakasama eru yavalu, ni vo qulu na taga i lavo o Jutasa, a kwa vuwa o Jisu, voliya na vikwa e yaga vuwako datou na kana vata, se me soliya e yavalu na kwa vuwadru na dravudravuwa. ³⁰ Nivo qulumiya devu na jiki ni madrai o keya, avo la sara i rara nivo bogi. ³¹ Nivo unu yaji o keya, a qai kwa o Jisu, e qai varokorokotaki na luve ni tamata, a varokorokotaki na Kalou e vuku : ³² E varokorokotaki niya muni na Kalou vai niya, io na varokorokotaki niya sara. ³³ O luvequ lomani, qu na no valailai ga qaneko mutou.Mutu na vadaniko au: io kodaki qu vo kwa vuwadru na kwai Jutia, mutu vo tasi rewa ni la I na vanuwa qu vo la yaji ke; qu vo kwa muni kodaki ke vuwako mutou. ³⁴ E kiya na vanuwa vou qu vo soliya vuwako mutou, me mutu vi lomani; mutu vi lomani kodaki niqu lomaniko mutou,mutu vi lomani kodaki tale ga ke. ³⁵ kwa I kwe e ru kila jiya ke na tamata taucoko ga ni mutu vo lequ tisaiveli, kodaki mutu vo vi lomani. ³⁶ A kwa vuwa o Saimoni Pita, o mutou na Turaga,mutu vo la I vei? a kwa vuwa o Jisu, na vanuwa qu la ke, o na tasi tekuciko au rewa ke nikuwa; io mai bere ga, o na tekuciko au. ³⁷ A kwa vuwa o Pita o mutou na turaga, qu vo tasi tekuciko mutou rewa nikuwa bale jiya na cava?qu na soliya na lequ cola balejiko . ³⁸ A kwa vuwa o Jisu, o na soliya na lemu cola balejiko au? E djina, edjina,qu vo kwa vuwako, si bere ni tagi na to, o na vo giritaki niko au va tolu.