¹ E kiya na tamata e tauvi mate, o Lasarusa, na kwai Pecani, na ledru rara o Meri qei niya o Marica la tacini. ² o Meri I kwe a walicia vuwa na turaga na waiwai, quwalaki niya ve la e rau ni ulu, a tauvi mate o gwaneya o lasarusa. ³ I kwe a lai vatala ke vuwa qai nidru o gwaneya, a kwa, o mutou na Turaga, daniya, a keya o lomaniya e vo tauvi mate. ⁴ Ni vo varogo o Jisu e kwa e tasi na viba jiya o keya I na mate I qoi o keya, e na varokorokotaki ke na Kalou, e varokorokotaki tale ke na luve ni Kalou. ⁵ A dau lomaniya o Marica o Jisu, qaneya la tacini, qaneya o Lasarusa. ⁶ A vo varogo o keya ni vo tauvi mate, a no me bogi ruwa tale I na vanuwa igi. ⁷ A vo devu a qai kwa vuwadru na leya tisaiveli, medu la tale I Jutia. ⁸ A ru kwa vuwa na leya tisaiveli, vavuvuli e ru mata va viri jiko ni kuwa ga na vatu o rau na kwai Jutia! o baci vo la tale I na vanuwa igi? ⁹ A kwa o Jisu, e tasi jini karuwa ga na auwa I na kiya na siga? kodaki e lae kiya I vai siga, e tasi vatau caqe o keya, ni vo daniya na kakarama ni vuravura I kwe! ¹⁰ kodaki e la e kiya vai bogi, e vataucaqe o keya ni tasi no tu vuwa na kakarama. ¹¹ A tatataki niya na kwa I kwe o keya! a vadevu a qai kwa vuwadru, e moce o wekaya tou o Lasarusa! qu vo la mequ vayadra jiya ¹² A ru qai kwa o rau na tisaiveli, o mutou na Turaga, kodaki e moce o keya, e na cola. ¹³ A tatataki niya la mate o Jisu! a ru numiya ni tatataki niya o keya na vacegu ni moce. ¹⁴ A qai kwa va macala vuwadru o Jisu, a vo mate o Lasarusa. ¹⁵ a qu vo marau bale jiko mutou ni qu a tasi no ke, mutu vabau jiya! io medu la ga vuwa. ¹⁶ A qai kwa o Tomasi, o keya a va tokai otitis, vuwadru na leya I vava na tisaiveli, medu la muni, medu mate vata qei niya. ¹⁷ iNi vo la mai o Jisu, e vo kila jiya ni vo dara bogi va I na I bulubulu. ¹⁸ A vo voleka I Jerusalemi o Pecani, nankeya vayawa bara ruwa na maile. ¹⁹ A ru levu na kwai Jutia e ru la mai vuwa o Marica qei niya o Meri, Meri vacegu nidru, bale jiya o gwanedru. ²⁰ Ni vo varogo o Marica ni vo la mai o Jisu, a vo la I yabaki niya! a nokoto ga I were o Meri. ²¹ A qai kwa vo Jisu o Marica, o mutou na Turaga, kodaki o nokoto I kei, e tasi viba o gwanequ! ²² io qu vo kila jiya e soliya vuwako nikuwa na Kalou na kwa taucoko ga o kere viya vuwa na Kalou. ²³ A kwa vuwa o Jisu, e na tu cake tale o gwanequ. ²⁴ A kwa vuwa o Marica, a qu kila jiya na tu cake tale o keya I na siga mai bere e ru tu tale ke na mate. ²⁵ A kwa vuwa o Jisu, o au na vuni tu cake tale, qei niya na vu ni cola! o keya e vabau jiko au, kodaki o vo mate, o na cola ga! ²⁶ o keya yakiya e cola e vabaujiko au, e na jikai sara ni mate, o vo vadjina jiya na kwa I kwe, se jikai? ²⁷ A kwa vuwa o keya, io,Turaga a qu vo va djina jiya ni o Karisito o Mutou, na luve ni Kalou, o keya e dodonu me la mai I vuravura. ²⁸ Ni vo tata kodaki I kwe o keya, a la yaji, a coviya la tacini o Meri a kwa, a vo la mai na I va vuvuli, a tarogiko. ²⁹ A qai varogo o keya, a tu cake sara, a la yaji vuwa. ³⁰ (Si bere ni unu I rara o Jisu, e nokoto ga na vanuwa e ru viritaki ke o Marica) ³¹ O rau na kwai Jutia e ru no vata o Meri I were, a ru vacegu niya, ni ru vo daniya ni vo tu cake o keya, a la yaji, a ru tekuciya, a ru numiya, ni vo la i na i bulubulu o keya me lai tagi mai ke. ³² A vo cava o Meri i na vanuwa a nokoto ke o Jisu, a daniya, a kere bale ve la a kwa vuwa, o mutou na Turaga, kodaki o nokoto I kei,e tasi viba ogwanequ. ³³ A qai daniya o Jisu la tagi, qei niya na ledru tagi na kwai Jutia a ru la vata mai, e vutu e yalo, a vo rarawa valevu e yalo, ³⁴ a kwa, I vai na vanuwa mutu bulu jiya ke? a ru kwa vuwa Turaga, la mai mo daniya. ³⁵ E tagi o Jisu. ³⁶ A ru qai kwa na kwai Jutia, daniya na keya levu na leya loloma vuwa! ³⁷ E yavalu vuwadru a ru kwa, e tasi rewa jiya o keya I kwe, o keya a basukiya na mata ni mataboko, me lewaiya muni me kuwa ni mate na tamata I kwe? ³⁸ A qai vutu tale e yalo o Jisu, a la I na I bulubulu. E kiya na qwata vatu, na keya e kiya na vatu. ³⁹ A kwa o Jisu, mutu kau dai na vatu.A kwa vuwa o Marica,o gwaneya o keya a vo mate, o mutou na Turaga, e navi Mata o keya! ni vo bogi va la mate. ⁴⁰ A kwa vuwa o Jisu, a qu tasi kwa vuwako, o na daniya na Kaikai ni Kalou,e kodaki o vabaujiya? ⁴¹ A ru qai kau dai na vatu. A ta cake o jisu, a kwa, I Tamau, a qu vo va okaoka vuwako ni o varogo jiko au mai! ⁴² Ni qu vo kila jiya ni o vo varogo jiko au no ga a qu tata bale jidru na tamata e ru na nokoto ikei, Meri va djina jiya ni o vatala jiko au mai. ⁴³ Vo tata devu kodaki i kwe, a coco i na domo levu, Lasarusa, la mai. ⁴⁴ O keya e vo mate a la mai, a vo vavivi tu e lima qei niya e la i na i sele ni mate! e va vivi e ulu ve kiya na i tavoi, e kwa vuwadru o Jisu mutu serekiya, dei niya me la. ^{46 9 10 11} E levu sara na kwai Jutia, niru kila jiya ni no mai ke o keya, a ru vo lamai, e jikai e vuku ga o Jisu, Meri daniya o Lasarusa tale ga,o keya a va tu niya mai na mate o keya. O rau na bete levu e ru bose vata meru va mate niya muni o Lasarusa ! ni ru vo levu na kwai Jutia e ru la yaji e vuku, a vabau jiya o Jisu. ⁴⁷ A ru qai soqo vata o rau na bete levu qa medru na Farisi meru bose, a ru kwa na cava medu vaveya? ni vo vaveya na cakacaka mana e levu na tamata I kwe. ⁴⁸ Kodaki du va kawale taki niya kodaki I kwe, e ru na vabaujiya na tamata taucoko ga! e ru na qai la mai na kwai Roma, e ru na qai sugu jiya ma ledru rara qai niya na matanitu. ⁴⁹ A kiya vuwadru o Kaiafa o keya a bete levu na yabaki igi, a kwa vuwadru, mutu tasi kila jiya e kiya na kwa, ⁵⁰ Se du va numiya ni yaga voko datou me mate e kiya na tamata e ru vuku na tamata, me kuwa ni rusa namatanitu taucoko. ⁵¹ A tasi tatataki niya na kwa i kwe vai niya! ni vo bete levu o keya na yabaki igi, a parofisai o keya ni na mate o Jisu e vuku na matanitu igi! ⁵² e jikai i na vuku ni matanitu takiya ga igi, me va soqoni jidru vata na luve ni Kalou e ru vi sereki meru kiya ga . ⁵³ I na siga igi a ru tuvaniya jiya meru va mate niya. ⁵⁴ O keya I kwe e tasi la vitu mai ke o Jisu ve ru maliwa na kwai Jutia! a vo la yaji I kei gi I vanuwa voleka I vi kaikai, I na kiya na rara e e yaca o Ifereimi, a ru no ke na leya tisaiveli. ⁵⁵ A vo voleka na ledru soqo na kwai Jutia! a ru levu na la cake i Jerusalemi, i vanuwa, ni si bere na soqo levu ni lako siviya, Meri va savasavataki nidru. ⁵⁶ A ru qai vadaniya o Jisu, a ru vi kwa takiniya vai nidru ga, niru vo no I na were ni lotu, na cava mutu numiya? e na la mai o keya I na soqo levu se jikai? ⁵⁷ A ru vo varojiya na bete levu qai nidru na Farisi B kodaki e kila jiya na vanuwa e no o keya, me kwa mai, Meri qai qulumiya.