¹ E djina, e djina, a qu vo kwa vuwako mutou, o keya e tasi unu I na mata ni were ni ba ni sivi, e cake i na kani kiya na vanuwa, o keya igi na dau driva na dau kovekove. ² O keya e unu i mata ni were, o keya igi na i vatawa ni sivi. ³ A vo dolaviya vuwa na i vatawa ni mata ni were! aru vo varogo e domo o rau nana sivi! a covidru na leya sivi eru yaca o keya, a tubecidru i rara. ⁴ Ni vo medru na leya sivi I rara a simatataki nidru, a ru tekuciya o rau na sivi! niru vo kila jiya e domo. ⁵ E ru na tasi tekucidru na vunilagi! e ru na tuba ga vuwa! niru tasi kila jiya na domo ni vunilagi. ⁶ A kwa vuwadru na tata va tautauvata I kwe o Jisu! a ru tasi kila jiya na vi k2a e kwa vuwadru o keya. ⁷ A qai kwa tale vuwadru o Jisu, e djina, e djina, a qu vo kwa vuwako mutou, o au na mata ni were ni sivi. ⁸ O rau taucoko e ru simata mai vuwako au e ru dau driva B e ru kovekove! a ru tasi varogo na kwa e ru kwa na sivi. ⁹ O au na mata ni were! kodaki e unu ke e kiya n kwai tamata bale jiko au e na va colai, o na dau unu mai o na dau unu yaji, o na daniya na cawa. ¹⁰ E tasi dau la boto mai na dau driva, me driva ga, e ravuravu, e varauta niya! a qu la mai me rewa vuwadru na cola, io me rewa va levu sara. ¹¹ O au na I vatawa oka! a soliya la cola na I vatawa oka e ru vuku na sivi. ¹² O keya e voli la cakacaka e tasi niya na I vatawa, e tasi taukeni jidru na sivi, e daniya na soliya ni la no mai, a vo dai ¹³ nidru na sivi okeya, a tuba! a kajidru na soliya, a va balavu sees nidru! a tuba o keya a voli la cakacaka, e kodaki o keya, ni tasi dau numidru na sivi. ¹⁴ O au na I vatawa oka! io qu kila jidru o rau na lequ, ¹⁵ io o rau e ru lequ e ru kila jiko au!me kodaki e kila jiko au o Tamaqu, me kodaki qu kila jiya o Tamaqu! a qu soliya muni na lequ cola vuwadru na sivi. ¹⁶ E ru yavalu tale na lequ sivi, e ru tasi nokoto I na ba I kwe! e dodonu mequ meidru muni mai, e ru na varogo qu domo! e qai kiya ga na qwele ni sivi, e kiya na I vatawa. ¹⁷ Na kwa I kwe e lomaniko au ke o Tamaqu niqu vo soliya na lequ cola, mequ kau tale ¹⁸ E tasi kiya e sugu hiya vuwako au I kwe, a qu soliya vai niko au va. A qu rewa jiya mequ soliya, is a qu rewa jiya mequ kau tale. Na i vunau i kwe a soliya mai voko au o Tamaqu. ¹⁹ A ru qai vileji tale na kwai Jutia I na vuku ni tata I kwe. ²⁰ A ru levu vuwadru e ru kwa, e unu viya e kiya na nitu B a lialia!a mutu varogo jiya bale jiya na cava? ²¹ E yavalu e ru kwa, e tasi kodaki I kwe na leya tata na tamata e unu viya e kiya na nitu! e rewa jiya e kiya na nitu me basu kiya e mata na mataboko? ²² A qai vai mai Jerusalemi na solevu nova savasavataki ni were ni lotu, a vo vula I driwadriwa. ²³ A la vali o Jisu I na were ni lotu, la varada o Solomoni. ²⁴ A ru qai wavoki jiya na kwai Jutia, a kwa vuwa, na cava na keya balavu na lemu tasi va beitaki niya ke madu yalo? kodaki a vo jiya Karisito, kwa mai va dodonu vuwako madou. ²⁵ A kwa vuwadru o Jisu, a qu kwa vuwako mutou, mutu tasi va djina jiya! na cakacaka qu vaveya e yaca o Tamaqu, ok keya I kwe e va djinadjina vuwako au. ²⁶ Mutu tasi va djina jiya, ni mutu tasi niya na lequ sivi. ²⁷ A ru varogo na lequ tata o rau na lequ sivi io qu kila jidru, a ru vo tekuciya au! ²⁸ a qu vo soliya vuwadru na cola tawa mudu, e ru na jikai sara ni rusa ,se kiya me kwaliraki niya mai vuwa qu lima. ²⁹ O Tamaqu, o keya a soliya vuwako au, e uwasivi I na kwa taucoko ga! e jikai e kiya me rewa jiya me kwaliraki niya mai ve lima o Tamaqu. ³⁰ Maru kiya ga o Tamaqu ³¹ A ru qai lugiya tale na vatu o rau na kwai Jutia, Meri va viri kiya. ³² A kwa vuwadru o Jisu, e levu na cakacaka oka a qu vata keya vuwako mutou nai vuwa o Tamaqu! na cava na cakacaka vuwadru I kwe me mutu va viri jiko au ke? ³³ A kwa vuwadru na kwai Jutia, e jikai I na vuku ni cakacaka oka me madu va viri jiko ke! na vuku ga ni lemu tata vaburaburataki niya na Kalou! ina vuku ni o jiya tamata ga, a qisi jiko mo Kalou. ³⁴ A kwa vuwadru o Jisu, e tasi volai I na lemutu I vunau, a qu kwa, mutu jiya Kalou? ³⁵ kodaki a tokoniya me jiya Kalou o keya, ni vo cava vuwadru na tata ni Kalou, e tasi dai rewa na I vola tabu! ³⁶ a mutu kwa vuwa a vo lesiya o Tamaqu a tata I vuravura, o vo tata va buraburataki niya na Kalou! a qu vo kwa, o au na luve ni Kalou? ³⁷ kodaki qu tasi vaveya na leya cakacaka o Tamaqu, kuwa ni vabau jiko au! ³⁸ kodaki qu vaveya, mutu vadjina jiya na cakacaka, kodaki mutu tasi vabau jiko au, mutu kila jiya ke, va djina jiya ni vo nokoto voko au o Tamaqu a qu vo nokoto vuwa. ³⁹ A ru mata qulumiya tale ,a vo la dai o keya mai voru lima. ⁴⁰ A vo la dai tale yaji o keya e kiya e tavo o Joritani, e tavo a vo vavitaiso ke o Joni, a nokoto ke. ⁴¹ A ru levu a ru la vu A a, a ru kwa, a ttasi vaveya e kiya na kwa mana o Joni! e djina ga na kwa taucoko ga e tata ke o Joni e vuku na tamata I kwe. ⁴² A ru levu a ru vabau jiya mai kei gi.