¹ Ulo imfumu Darius yali kateka pa myaka amakumi yane, pabushiku bwalenga bune ubwakwa Kislev(uwali mweshi walenga pabula), ishiwi lyakwa Yahweh lyaishile kuli Zechariah. ² Abantu baku Betele balitumine Sharezer na Regem-Melek na bantu babo kukupapata pacinso cakwa Yahweh. ³ Balilandile kuli bashi mapepo abali pa ng'anda yakwa Yahweh wamilalo nakuli bakasesema; balandile, ''Bushe kuti nalila mumweshi walenga busano mukupilibula ukukana lya, ngefyo nacita iyi imyaka iyingi?'' ⁴ Eco ishiwi lyakwa Yahweh wamilalo lyaishile kuli ne, ukulanda, ⁵ ''Sosa kubantu bonse aba mucalo nakuli bashi mapepo kabili ulande, 'Ulo mwalekele ukulya mumweshi walenga busano na cine lubali pamyaka amakumi cine lubali, bushe mucine mwalekele ukulya pali ne? ⁶ Ulo mwalile nokunwa, bushe tamwalile nokunwa pa lwenu mwebene? ⁷ Bushe aya temashiwi yamoneyene ayo Yahweh alandile pamaboko yaba kasesema bakale, ulo Yerusalemu ne ncede shashinguluka shaikele noku funguluka, na Negev ne ncdende sha munshi ukuya nakuka pinda kakumasamba shalikelwemo?''' ⁸ Ishiwi lyakwa Yahweh lyaishile kukli Zechariah, ukulanda, ⁹ ''Yahweh wamilalo alandile ifi: 'Pingula nomulinganya wa cine, ne cipangano ca cine, noluse. Leka cila muntu acite ici kuli wabo. ¹⁰ Pali mukamfwilwa no mwana wanshiwa, mwisa, no muntu umulanda- mwibatitikisha, kabili pali mwe peba nangu umo uwa kupingila ububi umunankwe mumutima.' ¹¹ Lelo balikene ukuposako amano kabili bali tutumwine ifipeya fyabo. Balishinkile amatwi yabo ukuti bekutika. ¹² Balikoseshe imitima yabo ukuti be tesha amafunde nangu amashiwi yakwa Yahweh wamilalo. Alitumine utu tusebo kubantu bakwe ukupitila mumupashi wamushilo munshita shakale, kukanwa kaba kasesema. Lelo abantu balikene ukumfwa, eco Yahweh wamilalo alibafulililwe. ¹³ Calicitikile ulo akutile, tabaumfwile. Munshila imoine, '' efilandile Yahweh wamilalo, ''bakakuta kuli ne, lelo ntakomfwe. ¹⁴ Pantu nkabapasanganya kuka nkungwala kunko shonse isho tabaishiba, kabili ne ncende ikaba amatololo panuma yabo. Pantu tapali nangu umo uukabwekelamo apo abantu balipanga ukubekwa kwabo muncende iitawama.''