¹ Elo nalyalukile nokwimya amenso yandi kabili nali mwene amaceleta yane yakofuma pakati ka mpili shibili; ne mpili shibili shapangilwe na bronze. ² Iceleta lyakubalilapo lyakwete bakabalwe bakukashika, iceleta lyakonkelepo lyakwete bakabalwe bakufita, ³ iceleta lya butatu lyakwete bakabalwe abakubuta, ne celeta ca bune lyakwete bakabalwe bama mbalawila yakufitulukila. ⁴ Eco nalyasukile nokulanda kuli malaika uwalikulanda nandi; ''Bushe findo ifi, mwe shikulu?'' ⁵ Malaika alyasukile nokulanda kuli ne, ''Iyi emyela ine iya mumulu iyo iifuma ku ncende uko yaciminina pacinso cakwa Yahweh we sonde lyonse. ⁶ Uwabaka balwe bafiita akoya mucalo cakukapinda kakukuso; bakabalwe babuta bakoya kucalo cakumasamba; nabakabalwe abama mbalawila yaku fitulukila bakoya kucalo caku kapinda kakukulyo.'' ⁷ Aba bakabalwe abakukosa balile nokubatuma nokulonda pe sonde, eco malaika alandile, ''Kabiyeni nokulonda pe sonde!'' kabili balile pesonde lyonse. ⁸ Elo akutile kuli ne noku sosa kuli ne alandile, ''Lolesha kuli isho ishikoya ku calo caku kapinda kaku kulyo; bala bwesha umupashi wandi pa calo caku ka pinda kaku kuso.'' ⁹ Eco ishiwi lyakwa Yahweh lyaishile kuli ne, ukulanda, ¹⁰ ''Pita umutulo ukufuma kuli bankole- ukufuma kuli Heldai, Tobijah, na Jedaiah- nokuya ubu bushiku bumo bwine noku utwala mung'anda yakwa Josiah umwana mwaume wakwa Zephaniah, uwaisa ukufuma mu babylon. ¹¹ Elo upite silfele na golide, upange ici sote noku cibika pa mutwe wakwa Joshua umwana mwaume wakwa Jozadak, shimapepo mukalamba. ¹² Sosa kuli wo noku landa, 'Yahweh wamilalo alandile ifi: Uyu muntu, ishina lyakwe mu sambo! Aka kulila apopene ali kabili elo aka kula itempele lyakwa Yahweh! ¹³ Niwo eukula itempele lyakwa Yahweh, kabli aka fwikwa nobu cindami bwa bu fumu, kabili akekala nokunteka pa cipuna cakwe. Akaba shima pepo pa cipuna cakwe, noku senda icumfwano ca mu tende pakati ka babili. ¹⁴ Icisote cika pelwa kuli Heldai, Tobijah, Jedaiah na Hen umwana mwaume wakwa Zephaniah ngeca kwibukishishapo mwi tempele lyakwa Yahweh. ¹⁵ Elo abo abali ukutali bakesa kuk kula itempele lyakwa Yahweh, eco mukeshiba ukuti Yahweh wa milalo alintuma kuli mwe; pantu ifi fika citikafye umfwa mucine mwaumfwa kwi shiwi lyakwa Yahweh Lesa wenu!'''