¹ Elyo napilibukile nokwinuna amenso yandi, kabili namwene, moneni, ibuku lya cimpombwa likopupuka! ² Malaika alandile kuli nebo, ''Nindo wamona? Naysukile ati, ''Namona ibuku lya cimpombwa ilikopupuka, ama cubiki amaakumi yabili mubutali nacubiki ikumi limo mubukulu.'' ³ Elyo alandile kuli ne, ''Ici ecitipu ico icaya pesonde lyonse. Kabolala onse akaputulwako ukulingana nefyo cilanda palubali lumo, kabili onse uwalapa umulapo wabufi akaputulwako ukulingana nefyo cilanda pa lubali lumbi. ⁴ Ndinokucituma- uku ekulanda kwa kwa Yahweh Lesa wamilalo- eco cikengila mu ng'anda yakwa kabolala na mu ng'anda ya uyo uulapile ubufi pe shina lyandi. Cikabelelela mu ng'anda yakwe kabili nokulofya imbao na mabwe yaciko. ⁵ Elyo malaika uwalikulanda nandi afumine nokulanda kuli nebo, ''Imya amenso yobe nokumona ifikoiasa! ⁶ ''Nandile ati, '''Bushe cindo ici?'' alandile ati, ''Uyu museke uulimo ifishibilo ifyo ifikoisa. Ubu ebubi bwabo mu calo conse.'' ⁷ Elyo inkupiko yalifumishiwepo pa museke kabili kulya kwali umwanakashi uwaikele mu museke! ⁸ Malaika atile, ''Ubu bubifi!'' Ali mubweshekemo mu museke, kabili nokubikapo inkupiko pa mulu wa museke. ⁹ Nainwine amenso yandi nokumona abanakashi babili bakoisa ukondi, kabili umwela wali mumapindo yabo- pantu bakwete amapindo kwati mapindo ya nkowa. Baimishe umuseke pakati ke sonde no mulu. ¹⁰ Eco nalandile kuli malaika uwalikulanda kuli ne, ''Bushe nikwisa bakotwala umuseke?'' ¹¹ Atile kuli ne, ''Kuku cikulila itempele mu calo ca Shinali, eco ilyo itempele likapwa, umuseke ukabikwa pa ncende ba upekanishisha.''