¹ Ishiwi lyakwa Yahweh wamilalo lyaishile kuli ne, likolanda, ² ''Yahweh wamilalo alandile ifi: Ndi nakalumwa pali Zion akalumwa akakalamba, kabili ndi nenkumbu pali wo ubukali sana! ³ Yahweh wamilalo alandile ifi: Nkabwelella mu Zioni kabili nkekala pakati ka Yerusalemu, pantu Yerusalemu ikakutwa umusumba wa cine kabili no lupili lwakwa Yahweh wamilalo lukakutwa ulupili lwamushilo! ⁴ Yahweh wamilalo alandile ifi: Abaume abakulu naba nakashi abakulu bakaba nakambi mutumisebo twamu Yerusalemu, kabili naonse umuntu akafwaya inkonto mumaboko yakwe pantu alikulile sana. ⁵ Utumisebo twamumusumba tukesulamo naba lumendo naba kashana bakoangalamo. ⁶ Yahweh wamilalo alandile ifi: Umfwa fimo fyamoneka kubati filikosele mumenso yabashelepo pali aba bantu munshiku shilya, bushe kuti camoneka ica kukosa namumenso yandi?- ici cisemo cakwa Yahweh. ⁷ Yahweh wamilalo alanda ifi: Mona, ndipakupususha abantu bandi ukufuma uko akasuba katulila kabili ukufuma uko akasuba kawila! ⁸ Pantu nkababweasha, kabili bakekala pakati ka Yerusalemu, eco nakambi bakaba bantu bandi, kabili nkaba Lesa wabo mucine namu bulungami! ⁹ Yahweh wa milalo alanda ifi: Mwebo mwe bakonkenyepo ukumfwa ama shiwi yamoyene ukufuma uk kanwa kaba kasesema ulo umufula wa ngánda yandi wa imishiwe- iyi ingánda yandi, Yahweh wa milalo: KOsheni ama boko yenu pakuti itempele lyakwa Yahweh linga kulwa. ¹⁰ Pantu panuma ya shilya nshiku tapali nangu umo uwali kletamo ifi twalo mukati, ta mwali bukumu nangula bwa bantu nangu bwa nama, kabili takwali mutende ukufuma kuba lwani kukli onse uwalekwingila nangu uwale kufuma. Ndi citile cila muntu ukwimina umwina mu mupalalano wakwe. ¹¹ Lelo nomba tacakabe nga munshiku shakale, nkaba nabashelepo pali aba bantu- ici eci semo cakwa Yahweh wa milalo. ¹² pantu imbuto sha mutende shikabyalwa; no mwangashi uwanina ukatwala ifitwalo ne calo cikapela ubu somboshi; imyulu shikapela imfula, pantu nkalenga abashelepo pali aba bantu ukupyana ifi fyonse ifintu. ¹³ Mwali muli cilangililo ku nko shimbi ica citipo, we ng'anda yakwa Yuda na Israeli. Eco nkakupususha kabili ukaba ipalo. Wiba uwamwenso; leka amboko yobe yashipe! ¹⁴ Pantu Yahweh wamilalo alanda ifi: Ngefyofye napingile kukucita ububi kuli mwe ulo ifikolwe fyenu fya sonsombele ubukali bwandi- efyalalnda Yahweh wamilalo- kabil tacinjishe mano, ¹⁵ eco nandi nalapinga ukucita icisuma muli ishi nshiku nakambi pali Yerusalemu ne ng'anda yakwa Yuda! Witina! ¹⁶ Ifi efintu ifyo mufwile ukucita: Soseni icine, umuntu onse nomwina mupalamano wakwe. Pinguleni ne cine, nomulinganya, no mutende mu mpongolo shenu. ¹⁷ Mwilakupinga ukucita icibi mumutima wenu pali cila umo nomunankwe, kabili mwilakutemwa mulapo wa bufi- pantu ifi efintu napata! ici cisemo cakwa Yahweh.'' ¹⁸ Elo ishiwi lyakwa Yahweh wamilalo lyaishile kuli ne, likolanda, ¹⁹ ''Yahweh wamilalo alanda ifi: Ukutalya kwa mweshi walenga bune, na busano, na cine lubali, kabili ne kumi bukaba ninshita yakusefya ne nsansa, ukusekelela, nokutemwa kwa ng'anda yakwa Israeli! ²⁰ Yahweh wamilalo alanda ifi: Abantu bakesa nakambi, naabo abakoikala mumisumba shimbi. ²¹ Abekala mushi bamuli umbi umusumba bakaya kuli umbi umusumba nokulanda, 'Katuye bwangu bwangu kukupapata pacinso cakwa Yahweh kukufwaya Yahweh wamilalo! Fwebene nafwe tukoya.' ²² Abantu abengi ne nko ishakukosa shikesa mukufwaya Yahweh wamilalo mu Yerusalemu nokupapata uluse lwakwa Yahweh! ²³ Yahweh wamilalo alanda ifi: Muli shilya inshiku abantu ikumi limo ukufuma ku mutundu ne nko shonse bakekatilila ku meingila wamu Yuda nokulanda, 'Natuye nobe, pantu tulyumfwile ukuti Lesa ali nobe!'''