¹ Blătc woa Zâu Yê-su jămc njăngv jămc stâyz-phangz jămc Muôngf ninyh lănv Tênb-Hungh ayx Zâu cun munh nyăngz cuđ jeenx, nzof nănh nyăngz săpc nyâyc lanh stâyb sây lauf lêpc nănh ninyh." ² Naih batz lanh munh nzif lêpc nănh ninyh, Nâyx đomc munh nzif lôx noib tuz nănh zany gumc gongx, yâuc luiđ manđ seetb, Năngđ Ma-li-ya, Năngx hipđ ayx Ma-đa-la, Nâyx tauh munh nzif six tuz nănh luiđ nhlic tauh manđ seetb.” ³ Yô-a-na, zu-sa nyăngz au, Nănh ayx quanz cun nzuf Hê-lôtv Hungh nyăngz nyanh coh, Su-san-na, Cloon đungx lanh munh nzif cănh nongc nănh Stiz nyăngz nyanh stăngc Zâu Yê-su buz.” ⁴ Naih munh đungx! Taih căpc dlonf, yâuc naih muif nomz stengv nyăngz munh taih lov Zâu Yê-su, Nănh songđ lănv woac pây phunz nănh stiz Mungv. ⁵ Naih ah lanh munh seetb ninyh hav nhlimb, Nănh hav woax zanyf, Naih ah po nhlimb, Tuih zuc jau đămc, Yâuc zuc munh zaic, nzof noc yâuc taih ston Nhlync nzuf.” ⁶ Naih ah po nhlimb tuih zuc njauz sic mync, Nhlimb bêux taih yâuc njengh caođ nzuf, wâyc zuc max naih nib Phănx nyăngz womz đoonz. Songđ wâyc nib gaib.” ⁷ Naih ah po tuih nzac mađ nzym, Bêux taih yâuc zanb nzym, nzym lub taih plongz yâuc Nzymx.” ⁸ Naih ah đomc Nhlimb tuih zuc nib gongx, Bêux taih yâuc săngh tuz nyauh. ah comf sâub tuz ah pez stynz. lănv nzuf nâyx woac pây, Zâu Yê-su tongb siv lub yâuc coong, “Toix laiv tauh naih bah noomh six zuc nzaz bah noomh mungv năngx gongx.” ⁹ Stâyb-sây buz taih naic Zâu Yê-su coong, “Nâyx đomc woac pây nyăngz âyz gâyf six năngđ laix? ¹⁰ Nănh tauz coong, “Tênb-Côkz six năngđ nzu pinyx phăn nyăngz dlayc, Tênb-Hungh sađ Phunz nyâuh pâyz, “Six cungh ngwoaic munh cungb numđ pênx woac pâyz. yaz lănv phunz nănh stiz hănđ mangc yâuc max phătc, hănđ mungv yâuc max saz.” ¹¹ Nâyx đomc woac pây nyăngz âyz gâyf six năngđ nâyx, woax đomc nhlimb six Tênb-Hungh nyăngz woac. ¹² Nhlimb tuih zuc jau woax đomc six pây munh mungv munh nzaox Tênb-Hungh nyăngz woac, zuc manđ nyăngz Hungh taih zab zoz yămz nyâuđ woax đomc woac. ayx phunz nănh stiz max hayh zeen tuz Njâuv nyăngz jau.” ¹³ Nhlimb tuih zuc njauz sic mync woax đomc Six pây munh mungv numđ munh nzaox Tênb-Hungh nyăngz Cuđ jeenx, yâuc numđ nyađ stipx, Nănh stiz max zoz ănz nzac nyâuđ đôz, Cungb zeen ah dlapc, pongh zuc zâuđ nanc, Songđ taux woa quengx.” ¹⁴ Nhlimb tuih zuc nzym plungz woax đomc pây munh mungv Tênb-Hungh nyăngz woac, wâyc quenđ nyâuđ stâyv sangc nyăngz dlayc, mah six nyâyh stynh nyanh, mah Six wâyc njynh-njâuh mauh puv quâyx nyăngz jau plongz songđ pênx blauh max jauh.” ¹⁵ Tuih zuc nib gongx woax đomc nhlimb six pây munh numđ Tênb-Hungh nyăngz woac, Nongc nyâuđ netb Stymz zeen, yâuc nongc nyâuđ ayx âyz, songđ pây woax đomc săngh tuz jauh.” ¹⁶ Max naih laiv tauh pu tuz toongz sac bix năngx zoz tongc zoom, mah six nzâyz ninyh zaub ănz woa zâuv đi, Toongz six pu tuz Sac bix nzâyz ninyh tăpx ănz woa toongz nzanc, phunz syux Gwăngz pyau njaf munh hayh mangc tuz phătc jau.” ¹⁷ Max naih lungđ pinyx tuz max bây seetb yăngh, yâuc max naih nhleenz tâuv sămx tuz munh max pâyz.” ¹⁸ Năngđ naz nyâuh six zuc năngđ cayb buôngh, wâyc zuc toix laiv tauh naih six tuz pâu năngx đungx têx, Six toix laiv tauh max naih, Nănh hănđ naih ah tix, Yâuc zuc zoz seetb ninyh nzuf.” ¹⁹ Zâu Yê-su nyăngz nzif cloon nănh nyăngz yâuf ninyh lov nănh, Six munh đungx nzongf zeetx woa, max hayh ninyh tuz tauv nănh woa. ²⁰ Naih munh bux Zâu Yê-su coong, “Mâyh nyăngz nzif clon mâyh nyăngz yâuc taih stâuđ lâyc cungh ngwoaic oix pongh stênx Stengb mâyh.” ²¹ Zâu Yê-su coong bux songx munh, Yaz nyăngz nzif cloon yaz nyăngz Yâuf, six âyz Tênb-Hungh nyăngz woac ayx woax đomc Munh. ²² Naih ah noib, Zâu Yê-su cloon nănh nyăngz Stâyb-sây buz nzac Đangđ ninyh, nănh bux coong, “Pănh ninyh woax nganc wăngx synh gôh naz, “Nănh stiz songđ tâuc Đangđ ninyh.” ²³ Ninyh tauv đămx cănv Zâu Yê-su phâyx mâyc njoomh, max laic nyâyh pongh ah tâu bungc nzaox lub, sâyb clangh womz bomf gapb loongc Vatb nzac Đangđ njaf womz caiđ pong, Nănh stiz seenz Cumh nzav nzongf.” ²⁴ Stâyb-sây buz ninyh êu Zâu Yê-su nyoongz quef, Nănh stiz coong, “Stâyb-Pha lex! Stâyb-Pha! Pănh cayx zuc tuih womz tayc gôh!” Zâu Yê-su nyoongz quef ninyh zăpx êu nzaox cloon womz tingc, Nzaox cloon glangh womz lênh dlih tingc nzuf Stinyb njâuh byăngh têx.” ²⁵ Zâu Yê-su naic stâyb sây buz coong, “nyâuh nyăngz seenz stymz quaix laiv tix ninyh nzuf nzof weh? Nănh stiz yâuc cumh nzav! Yâuc phătc njingc, Songđ lanh naic lanh, Lâyc tauh six toix mănv bix nzongf nâyv? Nănh seetb lanyf zăpx êu nzaox cloon womz tingc, Nzaox cloon womz lauf mungv nănh nyăngz woac nâyv?” ²⁶ Zâu Yê-su cloon Stâyb-sây buz tâuc Đangđ clăngv quaix Giê-la-sê, Ninyh tauv Ga-li-lê Stâyz-Phangz glangh synh. toix nganc.” ²⁷ Nănh stiz seetb Đangđ staox wăngx synh ninyh woax zanyf, Naih ah tauh yămz woax nomz muôngf nyăngz munh seetb taih pongh Zâu Yê-su, nâyx tauh munh naih manđ yămz nănh nyăngz stynb lauh nzongf. max zuz Gwuyz quav, yâuc max yămz woa pyau, Cungb yămz woa stâu jêmh cungv.” ²⁸ Nâyx tauh munh jenx Phătc Zâu Yê-su coonx hamv ah stingb lub phakz têx, songđ coonx quâyc nzac Zâu Yê-su nyăngz cah đangc ninyh yâuc hamv coong, “Yămz njăngb quaix nyăngz tync woax tauh Tênb-Hungh nyăngz toonz Zâu Yê-su lex! Mâyh cayx taih nây ayx lungđ? Mâyh cayx taih nây wâyb buz mah?” ²⁹ Nănh coong năngđ nâyx, Six wâyc Zâu Yê-su seetb lanyf zăpx êu stanyv manđ seetb nâyx tauh ya munh nyăngz stynb, max cun hănđ naih njab langb stayb puf stayb staux, Năngx naih munh zu, Six manđ lou tauv nănh yâuc tăkc njab langb seetc nzuf, Luiđ nănh tyuv ninyh yămz woa stâyz-phangz blănf.” ³⁰ Zâu Yê-su naic nănh, “Mâyh nyăngz bux hipđ ayx lungđ? Nănh tauz, buz six hipđ ayx peob, wâyc zuc manđ taih nzac nănh nyăngz stynb đungx nzongf! ³¹ Woax đomc manđ jođ nănh coong, “Năngx Gâyf luiđ nănh stiz tuih nzac đôz nzongf nyăngz cotb yămz woa stâyv-quâyx stâyv Đaic.*” ³² Naih ah peob tungc yămz woa zoongz lov Nhlync hongđ nzongf, woax đomc manđ jođ Zâu Yê-su, êu Phunz Nănh stiz ninyh nzac woax peob tungf, nănh songđ phunz phepb nănh stiz.” ³³ Manđ songđ seetb woax lanh munh, Ninyh nyâpc nzac woax peob tungc, njynh săngh peob tungf tyuv ninyh đanyz ngom tuih womz tayc nzuf.” ³⁴ Yungf tungf nyăngz munh phătc nâyx đomc dlayc seetb taih, Nănh stiz songđ tyuv muf lănv bux cah njaf stengv, cloon cungh ngwoaic njăngv sangc nyăngz munh mungv.” ³⁵ Munh numđ nzuf nâyx đomc dlayc, Songđ tinyh đoih seetb ninyh tex mangc, Ninyh tauv Zâu Yê-su woa, Mangc phătc woax tauh blaz manđ nyăngz munh, Plongx munh Đăngb zengh zuz gwuyz quav stâyv Zâu Yê-su woa cah synh, Nănh stiz seenz numđ cumh nzav nzongf.” ³⁶ Ptătc nâyx đomc dlayc seetb taih nyăngz munh ayx zanyx jênx lănv Phunz songx munh pâyz tuz manđ nzac woax tauh munh tuz gongx taih năngđ laix. ³⁷ Gê-la-sê stâyz-phangz* nyăngz songx munh jođ Zâu Yê-su ninyh gâyh nănh stiz. Wâyc zuc nănh stiz cumh nzav nzongf. Zâu Yê-su songđ nzac Đangđ ninyh phunb đangz lauf Ga-li-lê stâyz-phangz” ³⁸ Tuz manđ seetb gâyh woax lanh munh jođ lêpc Zâu Yê-su ninyh, Six Zâu Yê-su êu nănh muf pyau.” ³⁹ Tah mâyh bix muf pyau, âyz Zâu Tênb-Hungh stăngc mâyh nâyx đomc lub nzongf nyăngz dlayc, lănv nzuf bux songx munh mungv bec! Nâyx tauh munh songđ phunb đangz muf pyau, âyz Zâu Yê-su Stăngc nănh nyăngz jau, yâuc âyz Zâu bux nănh nyăngz woac lănv nzuf bux ah nomz stengv nyăngz Munh mungv.” ⁴⁰ Zâu Yê-su tăng woa phunb đangz lauf tauv Ga-li-lê Stâyz-phangz, songx munh đungx taih đeh styipx nănh, wâyc zuc nănh stiz taih yămz woa zu nănh.” ⁴¹ Naih ah tauh cun Huyđ-toongh nyăngz munh, bux hipđ ayx Yai-ru, Nănh taih tauv pongh Zâu Yê-su, Songđ pub nzac Zâu nyăngz staux synh ninyh, jođ Zâu Yê-su ninyh nănh nyăngz pyau.” ⁴² Wâyc zuc Yai-ru nyăngz sab Săngh gumc cayx tayc gôh, Nâyx tauh sây nyăngz nyăngv tauh gâyh max côz săpc nyâyc nyăngv. Zâu Yê-su lêpc Yai-ru ninyh tauv bah đămx jau, munh đungx taih nzapc nănh.” ⁴³ Woax peob munh naih ah lanh munh nzif, săngh stynb lotb gumc tuz săpc nyâyc nyăngv, Nănh lov mađ stayb zany nănh nyăngz gumc, seenz paic nyanh stynh đungx nzongf, yâuc max naih toix laiv tauh hayh zany tuz nănh nyăngz gumc gongx” ⁴⁴ Nănh songđ bengx ninyh tauv Zâu Yê-su nyăngz cah đangz, clatc Zâu Yê-su nyăgz Gwuyz saz. gumc songđ lênh dlih tingc gongx nzuf..” ⁴⁵ Zâu Yê-su naic, “toix laiv tauh clatc zuc yaz? Yâuc max naih laiv tauh nzađ tauz, Phê-e-rơ coong, “stâyb-Pha lex! Săngb đuiz munh wâyh mâyh quenđ zuc mâyh lêđ sta? ⁴⁶ Six Zâu Yê-su coong, “Seenz naih munh clatc zuc yaz lêđ đêh, wâyc zuc yaz pâyz tuz yaz nyăngz ah phănc jab seetb ninyh stăngc munh zany gumc.” ⁴⁷ Nâyx tauh munh nzif ănx mungv hănđ pinyx yâuc max vâyv, Nănh songđ cumh nzav tuz Stynh synx nzuf songđ coonx taih quâyc nzac Zâu Yê-su nyăngz staux synh, Nănh toongx songx munh lănv bux Zâu Yê-su, Nănh wâyc săngh laix bix zuc taih clatc Zâu Yê-su nyăngz gwuyz Saz, yâuc coong nănh nyăngz gumc tuz lênh dlih gongx nzuf. ⁴⁸ Zâu Yê-su bux woax tauh munh nzif coong, “ô lex, wâyc mâyh naih seenz stymz zeen yaz, Mâyh nyăngz gumc nzăngđ tuz gongx, Phanv pungx stymz muf pyau gôh. ⁴⁹ Zâu Yê-su năngx coong nâyx đomc woac woax zanyf, Naih ah lanh munh tăng cun Huyđ-toongh woax Tauh Yai-ru nyăngz pyau, Taih pongh Yai-ru bux nănh coong, “Mâyh nyăngz sab tayc blătc nzof gôh, max nongc wâyb stênx stengb nzof gôh. ⁵⁰ Six Zâu Yê-su numđ nâyx đomc woac songđ bux Yai-ru, năngx gâyf cumh nzav, Cungb oix zuc zeen, Mâyh nyăngz sây six tuz săngh.” ⁵¹ Ninyh tauv Yai-ru nyăngz pyau, Nănh max phunz toix laiv tauh lêpc nănh nzac ninyh, Nănh cungb ênz Phê-e-ru, Cloon Giăng, Cloon Gia-cơ lêpc nănh nzac ninyh. ⁵² Songx munh yămz cungh ngwoaic haoh njămz-njămz têx, Zâu Yê-su bux coong, “max nongc haoh đêh, Nănh max tayc đêh, Nănh mâyc njomh lêđ đêh.” ⁵³ Songx munh songđ jeetx Zâu Yê-su, wâyc zuc nănh stiz pâyz tuz woax tauh sab seenz tayc blătc nzof gôh. ⁵⁴ Six Zâu Yê-su nzauf woax tauh munh sab nyăngz puf êu coong, “Sab lex! nyoongz quef zef gôh! ⁵⁵ Woax tauh munh sab săngh phunb stengb taih, lênh dlih nyoongz quef, Zâu Yê-su bux êu Nănh stiz lov tax’ hungđ phunz woax tauh sây Nhlync. ⁵⁶ Nâyx tauh sây Sab nyăngz nzif Pha phătc njingc nzongf, Six Zâu Yê-su bux Nănh stiz, nâyx đomc dlayc năngx gâyf lănv bux bây toix laiv tauh pâyz.”