¹ Emuikhana egue zhakpa, ewhemhe, wha rue etanah eshe whao zho egua Oyhane. Kumhe khele che egue nyingun zhowhao, egbemhgbe gbe, ama egagazhe wha. ² Wha biuolu eluwa. Wha biolu ibo nigbakayha abe. Whabiolu ibo ni mhemhezhasha newhe kafika whazhewha whala fuea. ³ Mhamha numa zha ikhama chae egua Eho, mha mha neja whazhe. Mha heina emiani Ikristi Ijesu orinana. uheina mumha ushubo ogbogbe. ⁴ Kelekio, kumhemhe zhe yhane eheinamegbe. Akimie onyo no kosi konone ohe heina egbe, mhemhe mezhe yhane vha. ⁵ Mhiri omo akanie, awhazhemu, nyin ono Isreali, ugbamu Ibenjamin, uwhi Hiburu atahekhozi ogba zho, mhe riogun ibo Ipharisee. ⁶ Egue imugbe no, mhe biama ishoshi; zho egue ori eguenecha chae ogba, mhi riezhazho. ⁷ Ama egua mhi khozhi ri esoo, mhi kichezhe uboki Ikristi. ⁸ Nyono, mhi khozi kekemi zhofe ubohi iyhemi inizhi anezhe Ikiristi Ijesu ono yhane mu. Ubohoni mhiehezhe krkrmhi , mhi khili khozhi isua iyhokpazho nyin iku, uboku mhihi Ikirist riesoo. ⁹ Mhaone mhi ri egua, mhi ki khozhi ufuema umhe chae eyhuzho chae uyheyho zho egua Ikristi. Okpokpo no Oyiokhose cha hamhari ugunucha, izhizho uyheyho. ¹⁰ Ubohuneo, mhe da khume nezheno khole kekpupa mewhawhehinazho mani, keleki eriakugbe awi uzhunu oni, kumhe hejukpa zho eleguani, ¹¹ Uboki nyin nyin ikiri, mhelekehe jukpa zho awhehinazho gbelegun vhahazhi. ¹² Akoriki egueno nirianamu vho, naki mhe funmazhevho, amano mhe yhanegbe ubokhi mhi he yhe ufuemah nuzho, ni Ijesu osha hanamu. ¹³ Ewhemhe, mhi kozhi kuria na Ijesu kumemhhe vho, ama mhe zhilogbehe egue niki zharun. ¹⁴ Mhe yhane egbe chaezharun zho, mhihi je uvhuleyhi iyhala mena mhiliyhe enahene whafa Oyiokhose, chae eguemen Oyiokhose eguemha chae ubo Ikristi Ijesu. ¹⁵ Arue ebozhakpa ne yaunyan zho egua eho, ehegua riagun negueno. Akuwha yhane unu zho ikhama egue joo, mhi yheyho Oyiokhose oleha hole wha. ¹⁶ Amano, iyhemi kuma whulu aja mhakala zegue je vho. ¹⁷ Whawha ewheme enehoze, ke nezha, wha gbehemu li hena, whekele gbe ubo ibo neghehemua hena le vhezhina. ¹⁸ Nyin mhe whehwu gbeyhizhi, keleki nyin mhe la kele whe chae nyazhi ilo mhe, pe ke ebojoo izhio neriki elehaeja ahakhazhe ke atah no, efia usha-uzun uwhi Ikristi niri. ¹⁹ Uvhuleyhemeja ofuno, egua ko Oyiokhose wheja, keleke elakpayhe ja eneke ukbo eja. Egue ugbono pa niyheja ekhozi han. ²⁰ Ama afo Oyiokhose mha jukoa zho, aja ni mhegbe khehe oshanema, one koyhane Ijesu Ikristi. ²¹ Oyha vue egbemha nidegle no zho egbe elagede mha nyin eni, ekpukpamegun ene nozhahae shi khekhemi zho ichoni.