¹ Ikokiri ka kpahunbo ezhi egua Ikristi, afozhegua na chae gue ugunda, ezhio, eria kwugbe egua, Eho ezhio, egua nafo kele ki ukonodo uzhio, ² Ehakhaze kutanahh mu mhe umo omolomo, chae ayhane egua gun, ayhane ugunda mugun, eri ogun vhae egua eho, akele yhane ekwa emia gun. ³ Ikhiri emiagun cha erulo nake egua alezhe makpa. Eyhaano, he atezhegbe khozi ibukha zhọ venẹ egbewha. ⁴ Wha khe rue onyo kogun ole yhane uwhoni pa, ama ole yhane kele kuwhi buka. ⁵ Rue egua ino ashewhoo, nyin ala zhe Ikristi Ijesu o, oriyo nohema nyin Oyiokhose, ⁶ Oru Oyiokhose yhane asha, nyin emia noleha whulasha. ⁷ Eyhano, otezhe egboni, ehegbe ri nyushala, alakili biani nyin ogbikhama. ⁸ Otezhe egbe oni ha yhuzho kabulelegun, keleni elegun awusha uzun. ⁹ Ubohuneo, Oyiokgose ozhahoini han, onani enene nevhene enene ezhakpa. ¹⁰ Orinokpa ri, ubokhi chae enene Ijesu, ikpozakpa ikwha, keni zhi aferi, kewhugbono, kele kenizhi egua ekhe ugbono. ¹¹ Orinokpa ri ubokuremu zhkpa ujozhali ki Ijesu Ikristi koyhane, ne elagede awho Oyiokhose iyha. ¹² Akele haboo, ewhemhe, nyin whazhila yhezho o, akhilo mhekpa, ama anana vhene eyhima mhe, whahilevhava gbakayha ufuea muwha chae uzunvha no kpelekpele. ¹³ Oyiokhose orue whahabo riayhema nyin ilayhemi zho nilo kele ki yin lamahoni. ¹⁴ Whe li ria khekhemi eriki whe hunhuna, wha yhanunu. ¹⁵ Ubokuwha fuema whekiliri kuwa yhane asike, ebia Oyiokose nike mazhegbea zho egua ugbon ube mukhea no, nuwhale saa nyin okpa zho egua ugbono. ¹⁶ Whe whulu akole augbo mua, uboki ada Ikristi ekhije, mhehele vhena ki akayha mhe kele ki iyhi lamemhe iri ofea egbe. ¹⁷ Ke pati hamu ri emia uvhie kele kemia akayha ubohufuea muwha,mhe tanah, egua mhenema zho whaezhakpa o. ¹⁸ Chaokpopo oguone, khele kuwhaha rumu yhane etanah kele kegua unemah. ¹⁹ Mhe yhane ukhehe zho Oyhaneo, kumhe li vhe Itimothy zhowhoa anana, ubokhe ahabo pahemubo nezhe egue ni jewhao. ²⁰ Mheke yhana onyo nyoni, nuguwha ori yhokpa muegbe. ²¹ Egue egbejakpa nikwha, ikhegue Ijesu Ikristi. ²² Ama wha ne zhe nyola whichi je, nyin omohozhe nozhozhi iya she, nyokpa ola rumu gbakayha uyhomunuyhemi. ²³ Mhe yhane zhoegua kumhe lehae vhoni naiwha nyin egue ikilia ria namu. ²⁴ Ama mhe hena Oyhane, kele khu mhemhe, mhili hae jewhao. ²⁵ Ama no, mhikhozi kurugbegbe kumhi vhe Epaphroditusi chemia zhowhao. Owhomhe, okpezhemu zho akayha, obahenu zho elahun, kele kevhuyho mawha ene ushala zho egue irimhabe. ²⁶ Uwoni ekhahekhegbe, nyo lada kodawhazhi, ama wheyho ko vhane. ²⁷ Atano, oja vhane ruka, ozhi gua. Ama Oyiokhose oviehoni ukhunodo, khele khu mhe mhe, uboki mhika yhane egunemezhe enebu zho. ²⁸ Ubohune mhezhe tuama zhegbe kumhe he vhoni zhowhao, ubukuwha kha mioni whehe le tamah, whayhene ememezhegua epezha. ²⁹ Whe kwu Epaphroditus ema cha egua Oyhane enutanah mu zhakpa. Whe kozhi onyo nyoni zho. ³⁰ Ubohakhaya Ikristi ocha jule legun. Ohugboni zho ufiah ohagbakayha namu okele zhafia akayha kuwhe higbenamu.