¹ Ubohuneo, ewhemhe ne hozhe kenezha mhe duagu eja, wha hatah oyhane li hena. Mhe dugun wha mhe kele dakumhe miewha kele kewhu elekpayhe mhiyhe zho akayan mhe. ² Anana mhe zhalo Euodia ne Isyutyche, Agugwa, uboke owhoyane wheri, whe voli Iyhomenizhi ehawha. ³ Mhi vhinahi wha, whawha nuwha whejahatah pezhemu, kuwha pahe ezhame vhavha no ubo, uboke erumu pukpazhegbe gbakaya, awu yhomuniyhemi ja. Eruki Iclemti keleke ibo mhe ni me kwa gbakaya, rugbakaya, ibo ne enene eja ezhi ube ewhugbe. ⁴ Wha eshezakpa mone etanah whoyhane. Mhe kele whe, whaletanah. ⁵ Wha kokoyon olemie kuwhe whulugberi, emiamia nuwhe ria. Whazhana, Oyhane oleha zhi. ⁶ Whekhika gbegbe zho emiajoo. Eyhaono, whale dilo Oyiokhose zho ikhama kemikemi. Whahe Oyiokhose emia uda, kele zhabo nani zho egua zhakpo nokalairi. ⁷ Eshene uviah mu Oyiokhose uyheria nau, nekene emiemia nahehole ekhozhama. Uviah moni uwha lekezhe ulo whe ke egua whe nyin kilai heni egua Ikiristi Ijesu. ⁸ Anana, ewheme ehozhe ne zha mhe dugueja, ugunu pokuno. Rue ekhozi whe ezhizha natah, kele ke riayhemah, ke ugunucha, ke ufuemah,ke ugunda kele kugunyhemizhilo ugbo. Whale siko egua egue niyhemivha kele kegue ni hiyheshezhe. ⁹ Wha zhelehe lihena, egue zakpa whe gbubo mhe vhezina - egue zhakpa whe yho kele kenuamie mhukhimiliria. Eshene no Oyiokhose owhuviah oyhe zhizha pezhewha. ¹⁰ Mhe yhane etanah megbenu zho egua oyhane, obukhe anana, eyhimae egue zhakpa, ugumhe uki ri whabe. Ugun mhe uriwhabe yhiyho, ama ashashogbe nuwha leha riafozhubo. ¹¹ Akumhe khola uboku mheyhane emia mhe da. Mhe ke whezhina mhe hea nyin onyo layha zhi khana kekemi. ¹² Eholemu emia ki ayhane kelek ayhanepoloa. Zho okpkpo kokpopo, kemi kemi, mhe vhete whenzhina nyin na vhalapa yha nake onyo zhi ucha, kele kinyin onyo lila yhane poloa nake onyo sho ayhane. ¹³ Mhili ri egue zhakpa cha onyo nohe pukpazhemu. ¹⁴ Kunekune, wheri yhemi nuwha rumu jukpa zho nyin egue lakpukpa nawhu. ¹⁵ Whawha ewi Iphilippians eholewha ke utezhina zho uyhomuniyhemi, eba fi Imacedonia zhi onyo mieIshoshi ni ri afozheubo enahe kele keyie, kaku whawhapa. ¹⁶ Keba numheshe Ithessalonica, wheve apahubu naimhu vene iyagun. ¹⁷ Akhe emia enave mhe hulokpezhe, eyhamo mheda uto nu yheuyhalezho neriyhemi a whaa. ¹⁸ Mheyhe kekemi zho vho ama kele ko omolomo, ahanamu buehe amana mhi gbubo Epaphroditusi yhe isua wha vhoni zhomo. Isua niyah yhema, uvie nuyhemi no Oyiokhose oyhe. ¹⁹ Oyiokhose omhe oeriwhaezho nemiamia neriwhabe chae iyhemi ewhe elagede awi Ikristi Ijesu. ²⁰ Anana, no Oyiokhose omha kele ki iyhana, elagede nani perepere! Nyono! ²¹ Mhe whehe ibo Oyiokhose ezhakpa ne fuemah zho egua Ikristi Ijesu. Ewhe ene hozhe nekpe zhemu ewhehe wha. ²² Ibo Oyiokhose ezhakpa nefuemah nizhana, ewhehe wha, egbegbe eniri ibo ukpo Ikazhari. ²³ Azhofe awhe Oyhane Ijesu Ikiristi akpezhe eho wha.