¹ Eyhi ikhama ẹguẹ zakpa, ẹwhẹ nẹhọzẹ, ma hẹ ẹtanah zalọwa, ma kẹlẹ ẹgua oyhanẹ Ijesu pahẹwa ubọ. Nyi wala yhe ẹguẹ ma whẹhẹ wa kurigbegbe kuwa lẹcha nyi Oyhiokose alada, inọ walalẹ cha, wa pukpa zẹgbẹ zọ. ² Manẹ kuwa zana ẹguẹ ma whẹhẹwa, cha egua Oyhanẹ Ijesu. ³ Ẹnọ ki nyi no Oyhikose oda, ahawafuema, wehi cheze eyeleze ẹhẹna. ⁴ Koko onyo wa ọhẹnẹzẹ nyi ọlẹla ha ogho ọni fuẹma kẹlẹ ẹ kosizọ, ⁵ iki na ahasha zọ na emiahọlulo (nyi ibo asia nikẹ nẹzẹ Oyhiokose iria). ⁶ Onyo kọgun okika ziase, ọkẹlẹ ri ọwheni ọgunubẹ zọ ẹguẹnọ. Ubọki Oyhanẹ onyo no riekemia zọ ẹguẹ ino azakpa, nyi mazila shiwauzo pẹkẹ wẹ ẹguẹ fumazi na wa. ⁷ Oyhiokose oguẹma zọ egua iyheleze gbẹ, ama, ufuẹma nọ guẹma zọ. ⁸ Ubọ whẹ, onyo ki cheze ẹguẹnọ, ocheze ọgbọ gbẹ, ama, ucheze Oyhiokose, ọnọ ha Ehọni nẹ fuẹma na wa. ⁹ Zọ ẹguẹ uguda mẹ ehwuẹ, wayanẹ kule ligbẹgbẹ ko onyọjọ uchubẹ lẹnawa, nuwawakpa, Oyhiokose ọkazẹ kuwa dugu onyo ẹva. ¹⁰ Ejalẹwẹ, waha ugudanwnọ kazẹ ẹhwuẹ ẹnẹhọzẹ ẹzakpa nọ shẹ Imacedonia. Ama ma whewa, ẹwhwẹ nẹ họzẹ, kuwe kiliri vẹninọ. ¹¹ Makẹle whenawa, wa shẹhẹ zọ ke hena lẹẹ, we zuma zẹgbẹ zọ emia nu yhemi kuliria, habo awẹ ligbakaya, nyi mazila whewa kulevah liria, ¹² ubọku wa hẹ lẹ cha nyi layhemi ilo ibo ogbolo, weka ruzọ emia kagun. ¹³ Mada erikẹ ẹguẹ nọ ẹhọlẹwa, ẹhwuẹ nẹhọzẹ, ẹguẹ ibo nẹ muzhẹa, uboki weka memeze egua a nyi ibo nẹkpọ, ẹnike ẹyhanẹ akhẹhẹ. ¹⁴ Ikume ki yheyho ki Ijesu ogun, ọkẹlẹ kwọna zọ, nyọ ko Oyhiokose ọla zi Ijesu kẹlẹ ki ibo nẹ mhuzẹa zọ eguani vhahazi. ¹⁵ Enọ ma cha akọlẹ Oyanẹ whehe wa, peki mama ni me hena, mashọọ ẹshẹ nọ Oyhanẹ ọkilizi, uliria, akumama mesua whaha nẹ ibo nẹ mhu zẹa. ¹⁶ Oyhane pa noye gba aferi gbiazi. Uhana nọ haezi, ẹnẹ uhana uwẹ angeli nohan, ẹnẹ efe awo Oyhiokose, abanẹ iku mẹnigu zọ egua Ijesu, ishae vhahazi. ¹⁷ Ekerivo, mama nime hena, nẹkpọ, kumama kẹnigbẹja, emuma yhavhaha, lalẹ odudu okunoku yavhahẹ Oyhanẹ zo ẹhoreve. Cha okpokpo inokpa, maha ruẹ Oyanẹ heni livhaha. ¹⁸ Ubọhunẹọ, wa hẹ ẹguẹ nọ lẹ fọzẹ ẹgbẹ wo egua.