¹ Ubọhunẹọ, nyi kula kihiji, ma kẹ miẹ kuyhemi ka ruẹma a zọ Anthensi. ² Meve Itimothy, ọwhọ ma ọnọ họzẹ kẹlẹ kogun onyo akaya Oyhiokose zọ egua uyho mu nuyhemi uwi Ikristi, naha pukpazẹwa, aha fọzọwha egua ubohu uyheyho muwa, ³ Ubọko onyo kika zigizi onyokogu cha uzhun unu gẹdẹ unọ. Kuwhawa nẹ, kubọhunọ naha jema ⁴ Atanọ, ẹshẹ me sosiwa lihena, ma whehewa zọ aru kualia ruusun ẹhwua, nyọ ẹlaria, nyi wa zilanẹzẹ. ⁵ Ubọhunọ, ẹbaku mi ki hiji, miki ve uyho, mẹhẹ nẹzẹ ẹgua ufuea muwa. Nakẹ ọfẹlẹzẹ kẹ fẹlẹzẹ wa vo, akaya ma eka zokpa. ⁶ Ama, Iyimothy ogbi ichiwa damazi, ọzu uyhomunuyhemi uwẹ-ufuea kẹlẹki uguda muwa naema. ọwhẹhẹma kuwa zanama ẹshẹ zakpa, kuwa da ku wa miema, nyi kumama lada ku ma miẹwa. ⁷ Ubọhunọ, ibomẹ ẹnẹ họzẹ, afozẹ maegua ubọhu ufuea muwa, cha egua ẹguẹ zakpa, ẹhala kẹlẹ kẹ ẹhwua mẹ ma. ⁸ We kihi ziza gban zọ egua Oyhanẹ, ẹnọ ẹhama hena. ⁹ Kanyi malẹla habọ whẹhẹ Oyhiokose nawa, ẹtanah mẹzakpa mayarie zi ilo Oyhiokose, iku ubọhu wa nọ? ¹⁰ Azun ku sha ma pukpa sẹgbẹ vhinao kumahẹ mie ilo wa makẹlẹ hi dabọ emia negbe eyheyho awa zea. ¹¹ Oyhiokose ẹni Iyhama pa, ẹnẹ ọnọ Oyhanẹma Ijesu, ọhẹ kọzẹ okpokpo ọma zọ waọ. ¹² Onoyhanẹ ọlẹ hawọ yauyha wakẹlẹ mọna uguda nava kẹlẹ na ibuka, nyi kumama maliri sọwaọ. ¹³ Oyhiokose ọlẹ ruẹ egua wa agun uboki wekika ri memezea zọ egua ufuẹma zọ arua Oyhiokose iyha ẹshẹ ni Oyhanẹ ma Ijesu oki izi ẹnẹ ibo ọni, ẹnẹfuẹma.