¹ Kuwhawha nẹzẹ, ẹwhuẹ mẹ nẹ họzẹẹ, ulecha ma, chadalawazi, uriọ ọkpa gbẹ. ² Eyhanọ, nyi wa lẹ nẹzẹ, ọka riki ma ruuzọ vo ẹshẹjọhọ, akẹlẹ hu uka swazẹma Iphilippi, awhu awo Oyhiokose maha whẹ uyhomu nu yhemi uwho Oyhiokose sọwaọ, igbe maẹgbẹ gbi. ³ Akọlẹ maha pahẹwaubọ, iki na cha ọvẹzẹ, iki awẹ iyheleze, nakẹ egua alẹzẹ. ⁴ Eyhanọ, nyi Oyhikose ọzila jẹma, nọ miẹhẹ mazọ kumalẹhẹ wẹ uyhomu nu yhemi nọ, nyọ malawẹ, ikuhọgbọ, ama ubọhọ Oyhiokose. Ọnẹ konyo nọ chazẹ egua ma. ⁵ Ma hunu enemeze akọlẹ dawazi gbẹ, nyi la nẹzẹ, aki kẹlẹki alẹzẹ na ha yhoyhemi-Oyhiokose kọ ọzhale ọma. ⁶ Mada ẹzhẹzẹ ubọ ọgbọ, ko ri ubọ wa, kọlari ubọ ibuka. Mazẹhabọ lẹ vẹna ke bia eyhima Ikristi meri. ⁷ Eyha anọ, me gwẹ ẹgbẹ zọ ẹhawha nyi ọlọ nọ fọzẹ ebiani egua. ⁸ Cha inọpa, ma yhanẹ uguda nawa. Egua ma eyhemiso, aki uyho nu yhemi uwo Oyhikose pa mazadawazi, maka ku ugbo ma zoẹkẹ nawa. Uboku wa kwhichi ezezho nama. ⁹ Ewhẹma, ẹnẹhozẹ, wa zana, akaya kẹlẹ ayan ma cha. Asun kowu usha meli gba akaya, ubo ku mekila ri usun na onyo kogun owa, nyi la whẹ uyho nu yhemi ẹwo Oyhiokose. ¹⁰ Wawa ko ozhalẹ, kẹlẹ ko Oyhiokose, nyi elehe ama ala fuema, acha, ekili yhemije nuwawa ibo ni yheyho. ¹¹ Cha okpokpo ogun onẹ, wa nẹzẹ nyi mala ziza pẹzẹ onyo ogun-ogun owa, nyi iyha alakpẹzẹ ebia ni, ¹² Mazhalowa, makẹlẹ fozẹ waegua, makẹlẹ gbe kabegua yheeleze nawa kuwa lẹ cha, ulucha no Oyhiokose hubo zo, Onyo no gwẹwa zo egua ẹlakpayhe nẹ ẹlagẹdẹ mani. ¹³ Ubo huno, ma zhabo no Oyhiokose ẹshẹ zhakpa, ki, ẹshẹ wakẹ cha unuma yho uyho mo Oyhiokose, we yhe, akanyi akolẹ awo ogbo, ama nyi azila rie atah, akolẹ awo Oyhikose, aneriki egbakaya ugbowa, wawa we yheyho. ¹⁴ Na wawa, ẹwhuẹ nẹ hozẹ, weki ri agbẹhẹ hena ẹwi ishoshi Oyhiokose enezi Ijuda, ne sho egua Ikristi Ijesu. Nyo Ku wawa la ruzun ubo ibo eyhala ewa, nyi nazilari egbe ibo Ijew ¹⁵ Nigbe ko Oyhane Ijesu keleke emiaru, ene iku kumama fiwaha. Ehe egua Oyhiokose nemi. Eyha ano, eruegbe elo ugbo. ¹⁶ Icheze kuma kole ze ibo ni ke neze Oyhiokose, ki fua. Emia neria ke, ekulezhe asia aje omolomo ju umamazhi. Ama ufa Oyhiokose uwhe zegbe eja eshe neki rivo. ¹⁷ Ama, mama ẹwhẹ ẹnẹhọzẹ, aga ẹma shenaọ gbe ichi wa shee, ẹshẹ kaẹ, cha ẹgbẹ ike egua. Ma mama, cha imahẹ nẹgẹdẹ, ubọ kuma hẹ mie ilo wa. ¹⁸ Madano kuma dawazi - ẹgbẹ gbẹ mẹmẹ, Ipaulu, iyhagu kẹlẹ ki ẹshẹ jọhọ zọ - amanọ eshu ozu ma asha. ¹⁹ Ene neri ẹkẹhẹ nama, ẹnẹ ẹtanah, ẹnẹ ehu elakpyhẹ ama, zọ arun ọnọ yhanẹ ma Ijesu ẹshẹ uzimoni? Aku wawa zenọ? ²⁰ Wawa zẹkẹ aza abọ kẹlẹ ke utanah mu ma.