¹ Aki alẹwhẹ nyi ẹguẹ lacha, kẹlẹkẹ ẹshẹ ẹuhẹnẹ, wa yhanẹ ku walẹkẹhẹ, emia nakẹlẹ achẹ nawa. ² Kuwawa nẹzẹ funa ki ada uzhimu Oyhanẹ, uyheria nyi ẹbanẹ oji họlẹ asha ọwhazu. ³ Eshẹ nakẹli yoyosi, ''kẹ uviah kunọ kẹlẹkẹ ki ifuea'', iriavo, ẹlakalẹnẹ ofu zhegbe ẹja. Nya lẹgbẹ nyi ẹhwu mẹ elebia nẹ whaẹ ọzhamọnọmẹ. Iki ẹhabọ chaofi. ⁴ Ama whawa ẹhwuẹ ma, wa kẹ shọ ubi, nẹ ẹguẹno ikiezegbe wa nyo oji. ⁵ Ubọ ki whawa ẹzakpa, ebia okpa kẹlẹkẹ ebia uwhu sha. Aka ki ebia azhun nu ubi meri. ⁶ Ubọhunẹọ, whakẹ ruẹ umuzẹ zama nyi ibo nẹkpọ. Eyha anọ, arame zumazẹgbẹ makẹlẹ lẹ kẹhasha. ⁷ Ibo nẹ muzẹ, ọwa azhun nọ, kẹlẹkẹ ki ibo ẹwhọ ya owa azhun wọ. ⁸ Nyi ọlarikẹ ọusha majukpa zọ, urugbegbe kuma hu uyheyho sọọ, makẹlẹ hu uguda ri ugba ahun, makẹlẹ hu ukẹhẹ ufuea ma ri ugba-ehu. ⁹ Oyhiokose ọjẹma uboku ufa ni uzegbe ma, ama, obuku mahẹ mie ufuea cha egua Oyhanẹ Ijesu Kristi. ¹⁰ Ọnẹ ogun nama, ubọkẹ, ọlari ku ma whẹhinazọ, kumala musẹa, me hi kuẹgbẹ zhozo ni lihena. ¹¹ Ubọhumẹọ, whalẹ, fọzẹ ẹgbẹ egua, wa pahana ẹgbẹ ubọ riena lẹzọ, nyi we zi rianọ. ¹² Me tuhẹshẹnọ zhalọ wa, ẹwhẹ ma, wa hẹ ekhozizọ na ibo nigbakaya ẹhan wa, kẹlẹ kẹ ẹnẹ gazẹ wazọ, egua Oyhanẹ kẹlẹkẹ li ibo nẹ pahẹ wa ubọ. ¹³ Makili vhinahiwa kiwe kozhi ẹja hanzọ egua uguda, ubọhẹ akaya ẹja. wa ruẹ uguda ushẹ ẹhan wa. ¹⁴ Ma hakọlẹ zhazọwaẹma, ẹwhẹma, nibo ne hena ọwhakọwha, ẹhọzẹ, ibo memeze egua a, afọzẹ ẹja wgua, akpahubọ na ẹnẹ dẹgẹlẹa, wakẹlẹ yhanẹ efuezẹgbẹ zọna ugbọ zhakpa. ¹⁵ Wa miẹhẹzọ ki onyo kọgun, ọhu ugubẹ riaehe ugubẹ zo onyọ kọgun ọ. Eyhanọ, wheli kwa ugunuyhemi no onyo ẹva kẹlẹ ku ugbọ zhakpa. ¹⁶ Wa lẹtanah ẹshẹ kẹ shẹ. ¹⁷ Wa kẹ zhahubo, adilo Oyhiokose. ¹⁸ Ikhama ẹguẹ kuguẹ, whalẹ zhabọ. Ubọki nyi la yhami zilo oyhikose cha egua Ikiristi Ijesu nawa. ¹⁹ We ki ka vholi Ehọnẹ fuẹma a. ²⁰ Wa kẹ hilo gbe ẹmiaru. ²¹ Wa vhẹlẹzẹ kekemi gbẹhẹ, we whulu ane yhemi mua. ²² We zeli zọ ẹgẹ nẹbẹ ẹzhakpa. ²³ Oyhikose owu oria, ẹlẹ mọzẹwa ọmọlọmọ. Alaruẹ, ẹhọ wẹ, ku ulọọ wẹ, kẹlẹ kẹ ẹgbẹ wẹ agagazẹ cha eriyhemi na uzimu Oyhanẹ ma Ijesu Ikiristi. ²⁴ Owhẹoria, ọnẹ kon yo nọ guẹwa, ọnẹ konyo no kẹlẹ azharia. ²⁵ Ewhẹma nẹ họzẹ, we vhinai lẹma kumana. ²⁶ Wa hunu nufuema yhami na, wa whẹhẹ ẹwhẹma ẹzakpa. ²⁷ Mẹ vhi o cha Oyhanẹ kpa hẹ iveh enọ uwan khazẹ ẹwhẹ nẹ hozẹ. ²⁸ Azọfẹ awẹ Oyhanẹma, Ijesu Ikristi ezhiza pẹzhẹwa.