¹ Nẹ osisiye ne Osibina ẹro ọnwọnwọn, ama sẹbọwo ka ẹwọra nẹnọ. ² Idin wọ unini, ne isiokakara no Emasidoniaro. Egan neba Achaia bẹ tọme akwẹsa kabiya. Wo eṣanasiye wọrẹ isiye no abe ọyọyọ. ³ Akana ifile te iforo abe ubaka tọ ọkakara nẹwo emedi bu folo, aka ubaka kwẹsa, akọme isiye ga ka ọdaria. ⁴ Ọrọben, esu Emasedonia ro abe a yẹrẹmo ṣa agba wo u ma kwẹsa, epan naka kọtọ ima gawọ kẹnakide ni siyako sọ ọyẹrayen nọ na. ⁵ Ka iroroka eyerayerika egbe ẹda iforoabe ka be ṣa towu ka bẹkwẹsa ikwije nọ ọva oworunrun ne usiye owọrun runna. Ọne siye ganda kudin kwẹsa aka ukukurubile, aka amabale aka ẹpẹn. ⁶ Ọnẹ wa pėone pẹnẹ nanẹ. Ọnẹ bire tete yin aka kpare teteyin, aka ọnẹ bire kadakada edin gba ukukurubile na eke diya kpare ukukurubile. ⁷ Tebi orororẹ a va ako e siye roro iyu lokona, ama aka ibe ẹbọrẹbọrẹ sa aka iwogben, ka Osibina ni ẹfẹna fibore ava na. ⁸ Aka Osibina edine siye ese fẹnyan ara anowo, ubaka, ọgba fenyan, ẹpan fenyan, nu diye su fẹnyan nunina. Ọnẹ akadẹga ubaka udin san oboro fẹnyan osisiye. ⁹ Awa ako bi siye wọrẹ na: "Eruwa ya ron ano uyenri ro abẹ. Yọ ọṣẹrẹ edine fu." ¹⁰ Aye ne va erunro ibire nede bire aka ebread nọ ijen na aka va aka san we bire ẹpẹn no obibere. Eeke kurubile wẹ kpare newo ọṣẹrẹ ẹkana. ¹¹ Weke su ọrẹ fẹnyan ubaka udi sọ va. Ọnẹ a àka fẹ bọ gẹgan nosibina itiyin. ¹² Ka usiye enane ama Osibina ero Ọnwọnwọn abare usiye nọ ama ara ọrẹ ọyọyọ ẹba ọgẹgan nosibina. ¹³ Ubaka wọ mabale aka ọfọyen utun mọnẹ, ka waka fugbugbodi nọsibina ẹpan nọtọtọme iwo nowo no umumu no boro Ẹkraist. Wẹ kẹ dina fugbugbodi nosibina ne ojinuba iwava neba aka ẹrofenyan. ¹⁴ Bẹ fayen wọrẹ no, aka bẹ gba dura anọ. Bisiyọnẹ ubaka ẹkẹ́ ẹ̀ka newo Osibina ese wewiwuna. ¹⁵ Eba awa nosibina nẹ yọ va ne me sọfọwọgana!