¹ Amẹ Ẹpọl ẹbẹba kpẹrẹ nẹ, Ẹkraist ẹpanọtọtọmẹ bilọ yọ ọsọnsọn. Ewọ ẹfẹna bẹrẹ inọ ayẹn na ama ede gbuloko tonu me fura inetina. ² Ẹtẹ yẹ nekwin ka, ne wi nẹfa mé èke igbuloko aka ọyẹrẹmi - wayen. Ama irokoka meke ni ogbuloko ọgbọna mebka ṣen ne nane roroka iwukpe tiye seyena owo. ³ Esiri gbeka te siye iwukpe eka, ti ma gbamekon iwukpe. ⁴ Ka ẹkon mẹpen nebe ne tea gbamekona ama wọ iwukpe eka. Akadegan, bisu iwogbe obe ẹfa ọṣeṣile. Ede sẹ ya sina gbagba nẹ da wọra ọsakata na. ⁵ Ti de fu epen nọfọfọ fẹnyan bede fura emwgbeli nọ Osibina ẹdiyen na. Ọnẹ wọ ẹpan nọ totome Ẹkraist. ⁶ Aka ta kwẹsa ọfoyaje osisiye fẹnyan nẹwo e gule. Otun mo ṣiṣi ẹkana nepannọtọtọme egulena ⁷ Balẹ ẹkẹna fiwa yen iwerenna, esu ẹfẹna egbuloko ka atẹ wa Ẹkriast eke na, akọne e siye wọ Ẹkriast na egan ka ti siye wane. ⁸ Esi da ka ẹrọn mowo keke nẹ yọ̀ọ itọ buru, nẹ Idu ya nẹtọ ti di ya fọ nọ pọ ama wa ka tiye benufuwa, ẹpan epannakakọ mo. ⁹ Ime ni ka eweka ime ni ka ikokori nẹ ẹwọra na ata nọ ọrẹrẹ. ¹⁰ Ereben ka yọ ẹwọra sọkpe aka egbenneda, ama yiwukpe ọmatọma eme ṣile. Yẹ ga emesu opia tun nọ." ¹¹ Teyi ero ẹlẹna bẹ bi din ka ekena tẹ wa itẹga ọwọrana ọgbọna egan te ke siye da itọ osisiyene ọgbọna te yẹ fẹ nebe na. ¹² Ti me jejen fon mọrẹ akọ tẹ kwọ bile aka tẹ fọ ti wu kẹ ma ẹnanẹ ye yi biwu na. Ama ba fọ bi wu kẹ ma bẹn Ama ọgbọna ba ma biwu akq aberi na bi dia bale biwu ọrọrẹ na be me su ayẹn no gbigben. ¹³ Ama atọ, té èke siyọ ọkakara ṣun mọgben kedegan, te eke siyengan itetin ọnẹ Osibina filetuna. ¹⁴ Ka tima yọre tiwu fọrẹba ọgbọna ti to nu na, ata wo ero iṣoro nẹ re ka ba ẹfẹna nemana aka Ẹkraist ẹpẹpan oboro. ¹⁵ Tima gunmabọkpọ ṣun mọgben ne ero ibuba utun. Ọnẹbẹ, tọ fanyen yẹrẹ egwe kibilamo, tutun inetin é eke gwe. ¹⁶ Tẹ fanyan yẹrẹ ọnẹ, ubaka tidi kpẹpẹpan oboro ilo ọkaminasa enane wo nẹ renna. Té éke siye ọkakara utun ne di siye oṣin nẹ ben na. ¹⁷ "Ẹfẹna rọn mowo, arọnya ne Idu iwu. Ama biyi ọkakararo abe, siye ọkakara Idu. ¹⁸ Ka ama wa ẹfẹna fọ yi wu veṣa na bida fubawo akadegan, Ọnẹ ne Isu fọwẹren ra.