¹ Iroro ka ni diya fo iwu na abere osisiye aka áme. Ama egbe ka ni mẹ di fiwu na. ² Ubaka me gbe wo ogbere. Egbe ogbere ọnwọnwọn ubaka awọ, ogbonebé ronmọwow nẹ wo Areda ka oforo oyere ya. É ronmowow efo no yen ako oyegben owowọ nọ Ẹkraist. ³ Ama ámé asọmorore ka adaka, akone epen nodudu siye wọre Ivi akọ ayẹn nogbegben, nọ iroro niya bilano fura ọsisi ako ọnwọw newọ osisiye Ẹkraist ẹka na. ⁴ Adaka esu ka oro-oben sa akẹ pọ ẹpẹnpan Ẹkraist obẹn nẹ penpan nama wa onene tẹ manọ ga na. Ósa egbwka ne nọ ẹfunwẹnfunwẹn nọben, ogbone bẹ ekena ne naa na. Sa egbeka ẹpẹnpan nọ obo, nene ona na. Ọ kọ esa wo epen nenane akene e siye bona. ⁵ Ubaka iroro ka ame ameguwe enane bẹ ye Apostu ekeka na. ⁶ Esi suka, ame emesu opipaya ẹga ọgega, emesu su opipiya etayin. Ore fenyan fenyan aka epen fenyan ti tebi ka one asa no odindin. ⁷ Ami luwe hon ka mi wolo miwu sa ijen ubaka bi di fe no po? Ubaka itebi mi wu wo-ijen ka iya pọ Osibina ẹpepan nẹ nọ. ⁸ É yire furu Echarxh eben ubaka oguguwe ka edisiye no okoto. ⁹ Ọgbọnẹ iwo inefa na aka isu onini na, ema fo mu uúse sunwa koro oyere. Ubaka mo onini wo ekena mo oda abe nẹnẹ wo Emacedonia. Epen fenyan efo mi wu fura ke da eyan kata neno, aka ma ka teyepan kisiye egan. ¹⁰ Akọ nẹnẹ ikuwa Ẹkraist ẹka siye wo imi wu, mowo ọrọnrọn ma agumabọ one eke wo ususu ẹfẹna wo Achia na. ¹¹ Ẹna wọrẹ? Ubaka ime ni nẹ ga? Osibina din. ¹² Aka ẹkẹna me siye na, ẹ́reyepan na yao amo, ubaka tidin turu fura afamebnewo enane eni afame ka bi din ke gba babe ako ato na ẹpen nene biya ko agunmabo na. ¹³ Ubaka ero-enane wo isoma apostu aka awore uútunro. Bi da fo biwu benben ako Apostu Ẹkraist eka. ¹⁴ Aka one miwa ojinoro owo fuwa adaka yo ẹgbenurunmẹka fo biwu benben ako Angel ọsọ eka. ¹⁵ Ama eke nawọbojinoro fuwa yo ikotoro abe eki biliwu ako ikotoro ọnwọnwọn ẹka. Bo ọnawọ ake kibwa ko bo osisiye wa. ¹⁶ Ide fuwe ga: koro oyere emeroro ka abeye ewa. Ama we siye. Namo ako abeye na, ubaka idibkobagumabo keke. ¹⁷ Eke na ma ga agumabo okeko one ọyẹrẹ - ayen Ima genka akone Idu eke. Siye ge ka abeye na. ¹⁸ Akone e siye gbeka ero ọyọyọ akọ agumabo iwupe ore na. ¹⁹ Ubaka ako ebenben siye fo ako abeye na. Ne gben nayen ne-newu. ²⁰ Ubaka we ke yan no efena asewo ako owan na ánawo ọogba, afowe pọ, sa ákuruwu ebayen na. ²¹ Ma ka mo uusi ge ka, ti welegede osisiye. Adaka orokoro akogumabo-amaá ge ega ako abeye na - ayen egbeka ma ko agumabo. ²² Ehebrew bewa? one ewa Israelites bewa hon? Abraham ubane bewa? egan newa. ²³ Ibe wo okotoro Ẹkraist eka? (Ege akone e siye roro imo okon na) efore egan uutun mọ oṣiṣile, ewa nibe, obebe fore, ka egon mayen ako ufo ejen noyoyo. ²⁴ Fura ijuwuro ena, isa upi "Ibore onini bi tiye oyere fura." ²⁵ Iseta oboro, befọ ọso benmọ. Isoyere be gbamo otare. Iseta ena onini nebe fo onemo iwu-pe siye na. Ilọ ujoguwe oyere ako isubu oyere ebi osi. ²⁶ Iwo ejen nosi ogba fenyan, ọ orore ebi osi, ọ orore oyiri abe, orore imero abe, orore fura Ẹgentilero abe, orore iken nayen, orore ọ odama o bile eka, ọ orore ebi eka, orore emo oda abe. ²⁷ E siye okoto utun mọrẹ aka oya ojija, awon ebi aka ebi ọpore, ogba oyoyo awẹ onena, ifu aka iwu ufolo bilọ awọ̀n akọ ebi ọkọrẹ, bilo awẹ, ifu akọ wiu ufolo. ²⁸ Efura epen fenyan one, esu osisiye nẹnẹ efayen tana nọ Osibina Ẹṣọṣi na. ²⁹ Era owelegede á, aka eme welegede? ẹfẹna bi suwa adan ka ejuguna, aka ema kene? ³⁰ Adaka ma ka ko ogumabo, ma ka ko agumabo imo ureren. ³¹ Osibina akọ tẹda Idu Ijisọs Ẹkraist, ọnẹ su okurubile ne me sọta, din ka ima ṣisọma. ³² Eè Ẹdamasikọsi, Ẹgovọno ni wọ obin Aretasi igben na sele iken newo. Ẹdamasaikọsi ka bẹ sẹ mọ. ³³ Ama be fọ apogi wolo mu wọ uferese wo opin, aka efa fura yo uba.