¹ Isu agumabọ ọkẹka, esi gbeka esu ekere amọ ama ma ka yo no ememe ako emene fura ito Idu uba. ² Idin oforo ọbẹn Ẹkraist no ẹyen no-efoken wo-ueun sa, efena-sa ewo iwu-pe sa ama wo iwu-pe. Eme din, Osibina din - efena ben fo po yo Osibina esen no tetaro na. ³ Aka ámi din no oforo one-esuka iwu-pe, sa éme wo iwu-pe í me din, Osibina din. ⁴ Bẹ fọmọ pọ fọn mọ Eparadise aka áwọ ẹga oneme émesu orero ne su oyuru - ububuru no erokoro ga na. ⁵ Oro olega nore, ma ka ko agumabo. Áma nemo ma ka ko agumabo, emefara ka imo ureren. ⁶ Adaka Itiye ka eko agumabo, ma ka da abeye, ubaka ma ka ke gan ikuwa. Ama me ke fura agamabo okeko, ubaka koro-oyere eke roro mu, ogbone á magba imo ibe sa wo mo. ⁷ Eme din ke fo mi ke po ubaka afere okeka newo emane, ẹwo mo iwupe ibe biya nemo, uutunro fura esu uba ka a ronamayen - one uba ma ka ke fo mi wu po. ⁸ Isọ eta eteye nọ ẹpin ako Isu one uba, ubaka á di tiye fura ma iwu. ⁹ Ama aga newọ ka, "Mọ ese-gowu, ubaka iwo-ogbengbe be seya sino guwe ito uriren no-iwu. "One ma ka ke ko-agumabo imo uriren ni-wu, ubaka Ẹkraist yo iwu-ogbengbe edi ma mu ka maa. ¹⁰ Onuba amọ na nọ Ẹkraist uba ẹka urirẹn, etun, ẹga one-ore i wo ofifiye uriren nọ Ẹkraist, iyo-osiye yen, iyo-ọgbon, iyo-eyankata aka ibe-obeben. Ubaka ogbakogba nẹnẹ iwo uriren na, ogbone bẹ isile. ¹¹ Isinọ abeye! otamabea wone, ubaka abọ ka ofo uyeyi ne mọ. Ubaka ámi ma wa oro-gbogba no enane beye apostu na, esigben ka ima wo kenakide na. ¹² Ọyenyen nẹnẹ wo Apostu ekana biya yen ino ẹtin ako yo-uutun fenyan, ami aka ojinoro owow fuwa aka uútun mọnawọw. ¹³ Ubaka gana ume siye siye pataki ógbona Ẹṣọṣi ibuba, esi-gbeka i ma da úse neno? ne fepan gbu one-ime di siye! ¹⁴ Baleya! ami siye kuwe ka ini nu sa iso otetaro. Ma ka da eyankata neno, ubaka me ke ni ekena wa ne ka na. I ni nu. Ubaka Ẹgben ama no ukuba fan. Kegan, ukuba ano Egben na be fan. ¹⁵ Ama ka fọ ẹbẹn siye akọ siye bo na ubaka mọ úsi. Ini nu fore, aboka ni me ni mu họn? ¹⁶ Ama akọnẹ ẹseda na, ima ko eyankata to nu. Ama ogbone i siye su edayi na, ame awo ẹfẹna fo áwore ore se no na. ¹⁷ Isiye aforemo neno hon oro ni file neno na? ¹⁸ Ẹpẹrẹ Ẹtaitos ke ninu sa aka i filẹ bilo itọ ada oben. Ẹtaitos siye nu je họn? eme siye fọ bile nu? Iteme jejn ẹfunwẹnfunwẹn ọlọrẹ? uutun akọ ẹfunwẹnfunwẹn nẹnẹ te lọ na họn? Eme siye akọ ẹfunwẹnfunwẹn nẹnẹ te lo na siye tiye ose na họn? ¹⁹ Ine-roro ka ogban fenyan one, ita sele ti wu? Osibina áyen, mo-uniniro abe, ita ge ga enane fenyan ubaka ti din ki gbenu-iluko. ²⁰ Ubaka ẹsọmọ - ọrore ka ọgbone ma ka sa na ima gba no akọ esiye roro na. Esọmọ orore ka ni ma gba mo akone ni siye - roro na. ²¹ Esọmọ - orore ka sọ ẹfa, ogbere - ogbegbe, iwu-okekan, epen - nọwọwọ, ni-be aben ki fuwa, Isoma - osẹnsen aka ọtọmọ-sisi. Esọmọ-orore ka ogbona meke pilasa, mọ Osibina abere mọ ṣijen íno eren. Isomo - orore ka iwu-niya kan mo anọ ẹro oyoyo nẹnẹ luwe sano ogbone aka ẹfẹna ame roribe fura isinsin aka ogbamarako aka ekena amabo neme bike nemo uba file na.