¹ Yo iso otetaro ane ka ma sa no efa, "Ega fenyan ayen taka oan ako ekena wo na fura oro ebore sa ẹta owo onena. ² Ema enane luwe na ka sana aka no ero fenyan ogbona me wo efenebe i so ọboro aka e ge bilamo ogbone ma ka sa, ma ka sen koro ọyẹrẹ wo ijen. ³ Ega neno one ubaka neni ofo senre ka Ẹkraist ayẹn age ka imo iwu na. Áye éme welegede iwo iwu kegan, á geneda ewo iwu. ⁴ Ubaka be kanyan wo oti-ogbala iyo iwelegede, ama ama ewo ero ako Osibina iwo-ogbegben ubaka te wo iwelegede, ama taka ke maa aka áye ako Osibina iwo-ogbegben itọ ẹtin. ⁵ Ne pila niwu bale, ne gbenka niwo ọnawọ Ne ma niwu balẹ ani magba one iniwu họn? Ka Ijisọs Ẹkraist wọ nọ iwu? efura ka, esiye ka, ne me siye oboro ino-omabale. ⁶ Ama egben mọ áyen ka ni me roro ka eme wa ka ti me siye osenre ito omabale . ^{8 7} ana te siye aá dura ano Osibina ka ni me siye ekwna áma bo na. I me siyo Aádura ka ti áyen. Ka tegba siye ito omabale. ⁸ È siye gan da, í siye Aá dura ka ni di siye osenre, ediya baleka ti me siye ake-siyebo na, ito omabale. ⁹ Uba taben ogbone ti welegede na aka ni wo iwu-ogbegben. Ti á gba aádura ka ni di wo oguguwe ofife. ¹⁰ Ẹwọrẹ epen nenane aneno ogbonẹ éme wo inefa ubaka ogbone meke wo inetin éme di fo iwa ogbengben mano kisiye ako iburu - nene Idu ane mo na ubaka edi ke ma no po-ososi, aka nẹnẹ fono sa-ije. ¹¹ Iyọ-ọsepan, mo oda abe, neben! ni siyo uútun ne nọ okogese, neno opepere, niroro bile, ne mano ewu-obenbenre aka Osibina unini eka ato iwu-obenbenre ama no ke maa. ¹² Ne ga ma ben ako owoq ọnwọnwọn mo ogbẹgbere. ¹³ Osibina yo ero ọnwow egan no. ¹⁴ Ẹsenewo Idu Ijisọs Ẹkraist, unini Osibina eka aka osiye-bile Ẹfunwẹnfunwẹn ọnwọnwọn amano ke maa.