¹ Ɓanoh shiram khungha Tahmun munghe mun weh munda yeni kha shibba nih Yamba, dan teh minan weh munda ɗiyani.Lunghu teh khu-phebe ah penmunim, ehlenkhu yeleh ah pennim. ² Khuman meh-molono ɓonje munuh shibba nih Yamba, dan bonje piran ah-alkwinim, weh munda wattuh diyanih. Munuh pennou mah palang weh Krshti tha mehrun, munda ɗiyan khigha shakki, dun munda weshini lab khegha weh shakki ɗiyih. ³ Pip memmeh weh kham khan mennan tih khu werah wattu tih tom liyan tih kwinih vudɗo-kwini khigha shakki vudɗani. ⁴ Memmeh weh yuyi ding tih piri dak-khulo weh ehlekhu an-ding mah dak-khilan weh. ⁵ Meh penou Krishti ahlokwini lunghu mah sharuh ding tih pirin shakki ehkhen ding. ⁶ Ekkhen ɗok werih diyan khan shakki yuh ding'him ekkhem ɗok keuchik diyah ahri weshinim koh pen-nim. ⁷ Yamminanoh chibba, khirem meh wochoh mannih mah sheghum kha meh. Linyah weh yuh weh kpang shakkhi wallah khigha krishti. ⁸ Linyah weh an-men ding an-khunih nin limbih elenkhu limbih yuh ding kha fohtom. Elenkhu khichei Lahnih Yamba ahlauh, elenkhu mah shakkhi dakkhuloh fohron-nih limbi. ⁹ Pip linya weh leun-nin Yamba ahr diyanih tha dinghm elenkhu chiram nih Yamba banbirih tiyattameh. ¹⁰ Shakkhi ahr diyahnih tiyah dingm elenkhu meh chimban Yambam ah shinih Yambam, khigha linya weh ah menji molonim. ¹¹ Teh minan fohshuran weh meh shilloh kha fohtom: mah mun men shabir mun ah khigha, Kayinu, wehtiyah jilim shu'ah weh kpaloh molonim. ¹² Elenkhu nih shakhi kpaloh molonih? Elenkhu nih fohronih, fohroh limbih, shakhi molonih shinih Yamba. ¹³ Kheren mekha lishilah tih fohk mem, meh mullanmun, mah khuphebe khurghemeh. ¹⁴ Meh pennou mun wocho muhroh mun mehruh diyah weh inghen muhrom,elenkhu mun menji mullanmun. ¹⁵ Linyah weh ah menji mah mullannim shakkhi an-gbukkwi, meh pennou ekkhen an-gbukkwi wehrah weh minnan Yamba. ¹⁶ Tih khu khichei mun penou mennan, ehlenkhu krishti mungho khunih elenkhumun. Mun mah mun khumun ehlenkhu mah mullanmun. ¹⁷ Meh pip shokkho-ɗin weh khan weh shilah, weh ninghi bidɗi mah mullannih weh akhan tem shakkhin linɗo mah mennanih Yamba wehrih yah ɓongmun mahrih tung? ¹⁸ Meh yittitih chimba mekha yuh mennan khufohghim, meh yuh chin khulli. ¹⁹ Tihkhu teyeh mun penou mun tih pirin khulli, mun menou khumun tipirin Yamba, ²⁰ Mah yahlochomun shu'ahlighemun Yamba kho-kho yahlochomunih shakkhi penou weh pip. ²¹ Meh mennan chenoh, mah yahlochomeh ah shu'ahlemmeh mekkhan gɓang shik waryah ɗoknih Yamba. ²² Pip weh muh ɗimmoh mun tha wehnih, tipirin shakkhi, elenkhu ɗaghiyoh weh mun yuhyi shuran kha tei khan yuh weh shakkhi menji. ²³ Che minnan ɗaghiyoh: tha mah mun menou shekkhi shummoh Lahni Yehsuu Krishti khan men shabir mun khigha munnan ɗaghiyoh tipirin khan munuh. ²⁴ Mih weh linyoh ɗaghiyon Yamba ɗiyoh an-shinih Yamba mah tha ɗiyoh an-shinih. Elenkhu kichei mn penou shakkhi kham tiyahtahmun elenkhu jilim weh shakkhi munghemun.