¹ Yihtih chiɓah neh pir ɓallemeh wehyeh elenkhu meh kha ɗiyoh an-ɗing, mah ɗok you ɗing, mun khan an milah Yamba, Yehsuu Krishti, shakkhi weh ingen ɗing tihshinim. ² shakkhi khunih shakkhiminan an-vudɗo ɗing shimun, ah shimun ɗokmun-nim khan khupirah pip. ³ Elenkhu kichei mun penniyi mun pengenih; Mahmun biyou kho-khonih. ⁴ Linyah weh tah "shakkhi penoh Yamba," ah kheshi kho-khonim, miyareh an-shawah, ekhen wehnkhulli, tih pirin shakkhim. ⁵ Pip linyah weh buttuh paronih, khulli, tih pirin khan miyareh mennan-noh Yamba ɗiyanih. ⁶ Mah ɗok tek-khou shakkhi ɗiyih kha mennan-nih Yamba, mah shakkhi yuh chiram meleh nih Yehsuu Krishti. ⁷ Meh molohno khummenno; ehkhe manin weh mun fohyo wahli wenera ballemeh.kheren theshe wahlli we ungholo mei penneu thun liyajihn. ⁸ lunghu theshe wahli minnan alparo we me shilo. pedan neri balleme wahli mun fohyo, we minan khulli paroni Krishti tih pirin me, lunghu dili tih piri khoro bonje pe mun kpang tih piri ahlani. ⁹ teh-kho tha shakhi diyi tih ya peh dang khuri moloni shakhi diyi tih ya dili. ¹⁰ Linyah weh menji moloni ɓanbiri tiyah peh yapiri, shakkhi inghen khan toɓoh khunim. ¹¹ Linyah mah khuroh kha moloni shakkhi tiyah dilih, shakhi tiyuh meleh tiyah dilih, shakhi ah pen pirrin weh tih waranim, elenkhu dilih dimmoh an-ɗonim. ¹² Neh piri ɓallehmeh chiɓanoh, elenkhu ding shimeh vudɗanih elenkhu shommonih. ¹³ Neh pir ɓallemeh an-len Tah elenkhu meh penou linyah weh shakkhi kham pishi. Neh pir ɓallemeh Yeɗeleh, elenkhu meh ahkhon shomeh tih khu jilim shuwah. Neh pir ɓallehmeh Yittitih chibɓa, elenkhu meh penou Tah. ¹⁴ Neh pir an-len Kpattin, elenkhu meh penou linyan pishi. Neh pir ɓallemeh Yeɗileh elenkhu meh ɓang, paron Yamba mah ɗiyoh tiyatameh, meh au-shomeh tikhu jilim shuwah. ¹⁵ Meh kha men khu-phebe khan weh yatarom. Mah linyah mennou khu-phebe, mennan-nih Tah inghen tiyatanim. ¹⁶ Pip weh tih khu-phebe tiyah loshik, shol-ɗoh, khan ɗakkhilan khui ah tipirin Tahmun, tih khu phebe. ¹⁷ Khu-phebe khan weh yataro tah kwanih. Linyah weh you fohronih Yamba ahr Ɗakhilahnim. ¹⁸ Yititih chiba, theye takkan piri.khigha weh meh shilo tah an-khur Almashiha tih piri watuh. bonje an-khur Almashiha enkhulo fohnah. ehlenkhu teh munu penno yapiri kpado. ¹⁹ yeleh pero tih thallamu, dan yeleh ah diyi khan munu ma yeleh tha nakho diya kha munu yeleh tha diyo khan munu. imma yeleh peri gheyu, teh shukhemu yeleh ahri pirimunim ²⁰ Ehlekhu shakke me khamolli tih piri wallah jilim, dan pip me peno khulli. ²¹ Nari piri yume ballaya ah tha lunghu men penu khulli, dan lunghu ehkhen tchawa tih yatha khullim. ²² Manon anshawa imma meye we khuru tha Yeshuu ah Almashiha? meyare ankhenno ni Almashiha,ehlenghu shakki khuro tah khan lau. ²³ Ehkhen manni we khuro lau dan kham khan Tah.Pip meya penu lau shakki ma kham khan Tah. ²⁴ Tih pirin me, mei wosho we weme shilo milan ma diya tha loshome, imma we me shilo milan ma mambiri tha loshome dan mera diya khan lau khan tih yathan Tah. ²⁵ Teh minan munanfoh we shakki munghemun:minah piri deini. ²⁶ Ne ballo we tih me ehlenkhu meyan war men yahwe ²⁷ Tih meh, weh shakkhe meh mol wemeh khekho tih piri ni ɗighon tih piri meh, ɓonje mah menji mani mah shubpemeh, shakka molni shubpeghe meh kha weh pip dan khulli ah shawan. khiche khagha weh shub-peghemeh ɗiyan tiyathani. ²⁸ Ɓonje,meh shibano, mah ɗiyo tiyatha ni, lunghu ma shakki pennah,munda weh gbang yah vulum, munu ahri yuh mani shewo tha ɗonih, mah shakki fohnna. ²⁹ Immah khe penno shakki an-yalosho, khera pennou meyah weh yuyih weh wallah leghenih-nin shakki.