¹ Menan yaminano meh kha menou kha jilim Meh magho jilim meh ninghinah kho tipirin Yamba, elenkhu an-chuber shawwa linah khu-phebe. ² Elenkhu mehri penou jilim nih Yamba--pip jilim weh tha Yehsuu Krishti wannah shekkhi lohcik ɗan jilim rei tipirin Yamba, ɗan jilim weh ah-menom pirin tha Yehsuu ah-tipirin Yamba. ³ Chiram jilim rei an-kur krishti, weh meh shilou tih wattu, ɓonje yungoloh fohnah khuphebe. ⁴ Meh tih pirin Yamba, mh yittiti chibah, kham an-kho ɓang yehleh, elenkhu ɗok werih shakkhi meh gbureh tih wehrih khu phebe. ⁵ Yehleh weh tih khu phebe; elenkhu weh yehleh tehshi tih khu phebe, khu phebe shilih yehlei. ⁶ Mun tih pirin Yamba. Mih weh penou Yamba shiliyehmun. Mih weh ahr pirin Yamba yehleh ahr shilehmunim. khicei mun penou jilim khulli khan jilim mun shu'ah. ⁷ Menan yaminanoh khameh men shabir, menan tipirin Yamba, pip linyah an-menan anshinih Yamba leu ninYamba. ⁸ Linyah weh ah-khan menannim ah penou Yamba, elenkhu Yamba menan. ⁹ Elenkhu kichei menan-nih Yamba alghemun kwi, tha Yamba shunnah ɗok Lahnih tih khu phebe elenkhu mahmun ɗai lunkhunih. ¹⁰ Teyeh menan, ah lunkhu paro tha mun menou Yamba, elenkhu shakkhi menghemun, shakkhi shunnah Lahnih ɗalioh ɗing mun. ¹¹ Meh mullang noh, mah Yamba menjemun, munmah, mun menou shabirmun. ¹² Ekkhe miyah ɗok weh nakkho weh Yamba-m. Mah mun menou shabirmun,Yamba tih ɗiyan tih shekkimun, khan menan -nih mun kpang tih pirin khanmunu. ¹³ Elenkhu kichei mun penou mun tihyan tha nih shakkhi mah tih yattamun, elenkhu shakkhi munghemun jilim. ¹⁴ Mun banoh, mun weh kha duhmun khan ayan yabin Tahmun shunah Lahnih mah diyoh an-milah khu phebe. ¹⁵ pip meyah weh phenou tha Yesuu shakkhi lahni Yamba,Yamba ɗiyi khan shakkhi,Ɗan shakkhi diyi khan Yambai. ¹⁶ dan munu phenou munu khummi Yamba menghemun. Yamba menghemun, dan meyah weh diyi tih yah mennanye diyi khan Yamba, dan Yamba diyi khan shakkhi. ¹⁷ Ehlenkhu the mennan the yughero ɗoup tih pirin munu, lunghu mah mun diyinah kha gbang shik palang khon, khagha weh shakkhi diyi, khiche mun diyi tih khuphebe. ¹⁸ Ehkhen shẹwom tih yah mennanim. Mennan weh ɗoup-ɗoup khachi shewo dan peri, ehlenghu shewo wari lunghu jahnoh. Meyah weh yuyi shewo ehkhe khan menan. ¹⁹ Mun menan elenkhu Yamba beghemun kha menan. ²⁰ Mah Mani tekkhu," Shakkhi khan menan-nih Yamba" Shakkhi kur mah mullan-nih, shakkhi an-shawa. Mah dok meh khurou kha men mullan-nih, weh shakkhi weyih, ekkhen khan menan-nih Yamba, weh shakkhi ah weyih shikghim. ²¹ Teh, minan daghiyoh weh mun wew tih pirin shakkhi; Elenkhu pip an-menan nih Yamba shakkhimah, mah diyoh kha menan mah mullan-nih.