10 ¹ Icatsa njajĩ yacoti Salomón icaitenji: jliajĩ yempeti cajikjedalri lricatimata jlinirri; mitsa jliajĩ manjicadalrim icamitsa lrideeca coyolrekjeti jlidoa irso. ² Njajĩ iganacape palrata matsitsa corrin kepenacarroca narso, mitsa jliajĩ inaitjacada matsia teeco lrioya mayamicalri. ³ Corrin Dio icadaa njerrapitaca mawitacai sho njajĩ matsiaperri, mitsa njajĩ inaitjacape máatsi Lricadaa njerrapitaca mawitacai. ⁴ Jliajĩ apada inaiki inodalri idejica icamitsa kenacani, mitsa jliajĩ ipeyocada idejica lrishoatsa lriyarroaji ⁵ Lriaji iwaopiacada lrideji camoirrico, mitsa capaimannadalrica jliajĩ imawadacacadatsa naoya naaji lripania ⁶ Dio icadaa macoadatsa Lriyarro nakjoite narso njaji inaiki matsiaperri, mitsa njajĩ inaiki matsiperri nadawa jliajĩ nanaitjanda matsi. ⁷ Lriaji inaiki matsiadalri lricatimata njajĩ inaiki, mitsa jliajĩ matsidalri inaikica cayoca niji eecodalrim sho. ⁸ Njajĩ tamiaperritsa neepa jliajĩ nacaiterri,mitsa apada majicadalrin icatepecada lrwacatsaotsa imatsicacao. ⁹ Lriaji inaiki ajadalri corri coca lrifio iwana , mitsa jliajĩ corridalri matsita iofacao nacapaotsa lrinaco. ¹⁰ Lriañji icashatacada lrikitsinda ltinaita aima matsidlri,mitsanjajĩ matsidalrin njite lriatsakjanjajĩ cacodalri macadatsa lriwayacacaotsao. ¹¹ Jliaji inaiki matsiadalri lrimotoeta lrinoma lrico yacoti caafi shopa pja, mitsa lriaco jliaji inaiki inaitjacada matsiperri icamitsa pakjamica iñakjeti sho. ¹² Lriañji irsoatji lricada nainoacao,mitsanjajĩ ipeyokjetji corri coadao lrirso njajĩ matsiperri. ¹³ Lrinomalricoitenjajĩ atsia matsiadalri paoketa yacotji matsiaperri,mitsanjajĩ jirrapjitakjetji lrirsowalre jliajĩ apada tarradalri iwaopiakje. ¹⁴ Njajĩ atsianai cañjikjeperri namatsietaca narsowaonjajĩ yañjikjeti,mitsa naco imatsa njajĩ matsiperri nawayacacao. ¹⁵ Lriañji cananidakri corritsa cocanaco lrirrapjita,mitsanjajĩ kjenadalri lrirrapjitaca corricapoa coca lrirso. ¹⁶ Cocaotsa lrirsonjajĩ atsia matsiadalri lrirsocaotsa lridada mawayacacadalri;cocaotsa lrirsonjajĩ matsidalrin lrimatsicana yowaca lrinaco. ¹⁷ Lriañji sheepacada nacaitecan wiawatsa lriowacao,mitsanjajĩ corridalri shepa nacaitecan kjeyaotsa lriwayacacao ¹⁸ njajĩ cashaaperri corrin cañatanjajĩ neerroa ,mitsa njajĩ mawaopiakjeperri pjiomi nacaitepeca. ¹⁹ Lriañji cacodalri aima yacotji ninitsa yacotji matsiperri,mitsanjajĩ cacodalri tsotsa kañjikjedalrican. ²⁰ Cacoadadalrica lriaconjajĩ atsia matsiadalri cayojĩ palratasho,macoadadalritsa lriwaopiakjenjajĩ atsia matsidalrin. ²¹ Lriacosho kriañji atsia matsiadalri lricananta aima inaiki,mitsa njajĩ mañjicaperri nawayacacao corricapoa narso njajĩkjeo. ²² Lrimatsiacanacoinjajĩ wa-Minalri lricadawatsa pirso iyarrotji wade pjirrapjitaca. ²³ Lriañji matsidalrin lricatjimacao lrishonjajĩ matsidalri,mitsanjajĩ atsia kañjikjedalri lricatjitacao lrishonjajĩ yañjikjetji. ²⁴ Njajĩ lrifioñji iwananjajĩ matsidalrin natsaotsa iwakjetan, mitsanjajĩ atsia matsiadalri lrioketaotsa njajĩ lriomalri. ²⁵ Njajĩ matsiperrin caicanjajĩ caolri jiyapacadasho, njite corritsa pacaona, mitsa njajĩ matsiaperri naowacaotsa caidelriwetsa. ²⁶ Lriañji iinodalri ideca yacotji lricada matsi cacocapja lrinaco, njite matsi pacapaca lrirso. ²⁷ Lriañji ifiocada Dios iwana lriowaotsa wia jalredacalrico, mitsa njajĩ inaitacape matsi corriwatsa naowaca wia jalredaolrico. ²⁸ Mitsanjajĩ nawapalri njajĩ inaiki matsiaperri icatsanjajĩ itjimatji, mitsa naofacaotsa medatsa jalredaoca njajĩ inaiki matsiperrin. ²⁹ Wa-Minalri iwapaca njajĩ inaitacape cayojĩ lricaitecapisho, mitsa lriwaketaca njajĩ matsiperrin. ³⁰ Mitsa njajĩ matsiaperri corriwatsa nawayacacao, mitsanjajĩ matsidalrin corriwatsa lriofacao añji jalredaocalrico. ³¹ Nanoma lricoite njajĩ matsiaperri namotoa njajĩ yacotji cañjikjeperri, mitsa lriaconjajĩ mañjicadalrin namacoadatan. ³² Lriañji matsiaperri nacaite yacotji matsiaperri, mitsa njajĩ inaiki matsiperri nacaite yacotji macadadalritsa.