11 ¹ Matsi Dios icapa njajĩ corriperritsa inaitaca matsia, catima lricapa njajĩ inaitacape matsia. ² Lrioca cadanaco njajĩ padalrete lrinotsakja jliajĩ macodadalritsa, mitsa yañjikjetji inoca nainai njajĩ mapadalre-caperritsa. ³ Njajĩ matsiaperri yeepaca ajadalri nacantaca, mitsa napowa njajĩ matsiperrin natsakja imañetacape nawayaketacatsa, ⁴ Inaniti iwayacacaotsao waminalrri inocadanacoatsa, mitsanjajĩ inaitacada matsia manacocaotsani. ⁵ Njajĩ atsianai matsiaperri icamitsa nawaopiaca lrinaconjajĩ matsiadalri, mitsa njajĩ matsiperrin icamitsa nawaopia nacashatacarro. ⁶ Lriañji nanaitanda matsiadalri njajĩ icatjimatacape Dios lrimanacotacana, mitsa njajĩ cashaperri nawayacacaotsao ikemikjetjirrico ⁷ Mayami cadanaco apada matsidlrin, lriwayacacao njajĩ lriwapalri lricapa. ⁸ Njajĩ matsiaperri naofacaotsa teeco matsidalri ioya, mitsa matsidalri inoca nanaco njajĩ matsiperri. ⁹ Nanomasho, njajĩ corriperri irso Dios nawayaketa nacodapiperri, mitsa njajĩkesho njajĩ matsiaperri nayomjetaca. ¹⁰ Nawacadanaco njajĩ matsiaperri, catjima njajĩ yacaalre ricope; mayamicadanaco matsidalrin nanaita fiesta. ¹¹ Namatsiaca nakjoite njajĩ icatjimatacape Dios, lrimacadalritaca njajĩ yacalre; mitsa naco ima njajĩ matsiperri lriwayacaca njajĩ yacalre. ¹² Lriañji inaiki matsidalri caco matsini lrikitsinda naco; mitsanjajĩ matsiadalri corin caco matsini. ¹³ Jliaji yajicada icaitepeca, mitsa njajĩ matsiadalri corrin lricaitepeca nanaco njaji lrianjirri inaco apada irso. ¹⁴ Cajikjedalri cada njajĩ iwapacada yacalre corriwatsa lriwayacaco, nini capoa aima icaitecape yacotji matsiaperri. ¹⁵ Jliaji icaitecada icaweñaca apada icoenton lrimatsicaacacao jliwacatsa, mitsa njajĩ corridalri yaca lripalratan apada irso corriwatsa jlirrapjita. ¹⁶ Rsoajĩ inarro capondarro matsia roacona, mitsa njajĩ maponperri naoma pja narsowawatsa nanaaniwa. ¹⁷ Lriañji catjimadalri lrimatsietacacao lriwacatsa, mitsalriañji mapondalri lriwayaketacacao lriwacatsa. ¹⁸ Lriañji cashadalrinnjajĩ tsa lricashateta lritacarso nanani njajĩ apjetsida, mitsa kjeyatsa lriwaca lrioya; lriañji inaitacada matsia matsiperri minitsa lriwapa. ¹⁹ Lriañji inaiki inaitacada matsia corriwatsa mayamican kjeya, mitsanjajĩ inaitacada matsi mayamicaotsani. ²⁰ Matsi Dios icapa njajĩ inaiki irsocape nawaopiakje matsidalri, mitsa lricatjimatacao nainai njajĩ inaitacape matsia. ²¹ Ajadalri nocaite, corriwatsa corricarso lrirrapjitacanjajĩ inaitacada matsi, mitsa njajĩ nanacoiteperri njajĩ matsiaperri manacocaotsana. ²² Cayojĩ icapirsotji owirsoda narsoetanda cotsi jitaconaco rsoajĩ inarro matsiadarso corridarso irso yañjikjetji. ²³ Jliaji nawaopiakje njajĩ matsiaperri lrimoto matsiao, mitsa njajĩ matsiperrin icamitsa nawapa irsoati. ²⁴ Jliaji yapanacaita ipaniatji, lriwaketacarropja aima; mitsanjajĩ pada corrin lripanaca nini kjenacan. ²⁵ Lriañji maifarrokjedalritsa aima lriyarroanje njite njajĩ yacada onitsa apada irso oni tsakjaotsa lriwapa. ²⁶ Inaiki icaite matsi lrinaconjajĩ ifarrocada lriwendeca lriñaoda, mitsa nacaitape matsia lrinaconjajĩ iwendecada lriñjaope. ²⁷ Lriañji inaitjacada matsia matsia inaiki icapaca lrirso, mitsa njajĩ inaitacada matsi, lrioketaotsa matsirri. ²⁸ Njajĩ icadape icaolreo nayarsonje naco nawayacacaotsao. ²⁹ Jliañji corridalri iwapa matsia lripana corriwatsa coca lrirso njite jliajĩ mañjicadalri lrirsodalti caotsa jliaji kanjikjedalri icaolre ricó. ³⁰ Jliañji lrinaitjanda jliajĩ matsiadalri caicaniji lricayosho jliaji jaico iacada pacaficao. ³¹ Ajadalri jliajĩ matsiadalri lrirsoatsa lricoadao; njite njajĩ matsiperrin njite nja tsakja njaji inaitjacape namatsicanao aimapjaotsa narsoca nanaitjana lricoada.