¹ Na désimu kintu anu di reinu di Tibériu Sezá; kandu Pônsiu Pilátus éra governador di pruvínsia di Judeia; Érodis Antípas ta governaba na pruvínsia di Galiléia; se irmon Filipi ta governaba na ks pruvínsia di Ituréia y Trakonítis; Lizânias ta governaba na pruvínsia di Abileni ² y Anas y Kaifas éra xefis di saserdotis. Foi nes altura li ki Djon fidju di Zakarías, rasebe palavra di Déus n dizértu ³ Djon ta andaba pa tudu ladu di Riu Jurdon y e ta pregaba es mensaji: "Nhos rapende di nhos pekadu, nhos rasebe batizmu y Déus ta pêrdua nhos pekadu". ⁴ Es kuza kontisi sima sta skritu na livru di palavras di pruféta Izaías: "Un pesoa sa ta grita na dizértu: 'Nhos pripara kaminhu pa Sinhor, nhos abri kaminhu rétu pa El. ⁵ Tudu rubera ta ser intxidu y tudu montanha ku monti ta ser niveladu. Tudu strada tórtu ta ser ndretadu y tudu strada mariadu ta ser konpodu; ⁶ Y tudu umanidadi ta ben odja salvason di Deus'". ⁷ Txeu multidon staba ta ben pa ser batizadu pa Djon. Nton, Djon staba ta fla-s: Anhos, fidjus di kóbra venenozu, kenha ki aviza nhos pa nhos fuji di kastigu ki sa ta ben? ⁸ Purtantu, nhos fika ta fazi kes kuza ki ta mostra ma nhos rapende di nhos pekadu, y ka nhos kumesa ta fla pa nhos mézmu: 'Anos é fidju di Abron!', pamodi n ta fla nhos, ma mézmu di kes pédra li, Déus pode labanta disendentis di Abron. ⁹ Y gósi li mézmu, matxadu sta prontu pa korta raís di arvis. Purtantu, tudu arvi ki ka ta da bon fruta, e ta kortadu y e ta botadu na lumi". ¹⁰ Y kes multidon ta purguntaba Djon, y es fla-l: "Nton, kuzé ki nu debe fazi?" ¹¹ Djon rasponde-s, y e fla-s: "Un pesoa ki teni dôs kamiza, e debe raparti ku un pesoa ki ta ten ninhun, y un pesoa ki ten kumida, e debe raparti ku un pesoa ki ka ten". ¹² Nton, alguns kobrador d' inpostu ben tanbe pes ser batizadu pa Djon, y es purgunta-l: "Méstri, kuzé ki nu debi fazi?" ¹³ Y Djon rasponde-s: "Nhos kobra kel ki govérnu ta manda, y nada más". ¹⁴ Y tanbe, soldadus ta purguntaba Djon: "Y anos tanbe, kuzé ki nu debi fazi?" Y Djon rasponde-s: "Ka nhos toma dinheru di ningén aforsa, nen ku falsu akuzason, y nhos fika konténti ku nhos saláriu". ¹⁵ Y povu kumesa ta ganha speransa, pamodi es staba ta purgunta na ses kurason si Djon ta podeba ser Misías. ¹⁶ Má Djon rasponde-s tudu, y e fla: "Ami, N ta batiza nhos ku agu, má kel ki sta pa ben, El é mutu más poderozu ki mi, tantu ki ami ka é dignu nen di dismara koreia di ses sandália. El ta batiza nhos ku Spritu Santu y ku fogu. ¹⁷ El ten balai na se mon pa bêntia midju na se bidon, má farélu, E ta kema-l ku lumi ki nunka ka ta paga". ¹⁸ Foi des manera li, y ku txeu otus palavra, ki Djon staba ta pruklama Notísia Sábi pa povu, y e txoma-s atenson. ¹⁹ Má kantu e txoma atenson pa governador Eródis Antípas, pamodi e ta viveba ku Erodías, mudjer di se irmon, y purkauza di tudu maldadi ki e fazi, ²⁰ e fazi inda más otu maldadi «, y e manda poi Djon na kadiâ. ²¹ Duranti kel ténpu ki Djon staba ta batiza tudu povu, Jezus batizadu tanbe, ²² kontisi ki, inkuantu Jezus staba ta ser batizadu, y E staba ta ora, séu abri; y Spritu Santu dixi riba d'El, na fórma di k órpu di un ponba. Y un vós ben di séu y e fla: "Abo é nha fidju amadu, bu ta da-M txeu alegria". ²³ Kantu Jezus kumesa se ministériu públiku, E tenba kuazi trinta anu di idadi. Povu ta pensaba ma Jezus éra fidju di Juzé. Y Juzé éra fidju di Elí, ²⁴ Y Elí éra fidju di Matate, y Matate éra fidju di, y Leví éra fidju di Melki, y Melki éra fidju di Janai, y Janai éra fidju di Juzé, ²⁵ y Juzé éra fidju diMatatias, y Matatias éra fidju di Amos, y Amos éra fidju di, y Naun éra fidju di y Esli éra fidju di Nagai, ²⁶ y Nagai éra fidju di Maate, y Maate éra fidju di Matatias, y Matatias éra fidju di Semei, y Semei éra fidju di Juzéki, y Juzéki éra fidju di Jodá, ²⁷ y Jodá éra fidju di Joanan, y Joanan éra fidju di, y Resa éra fidju di Zorobabel, y Zorobabel éra fidju di Salatiel, y Salatiel éra fidju di Neri, ²⁸ y Neri éra fidju di Melki, y Melki éra fidju di Adi, y Adi éra fidju di Kozan, y Kozã éra fidju di Elmadan, y Elmadan éra fidju di Er, ²⁹ y Er éra fidju di Juzué, y Juzué éra fidju di Eliézer, y Eliézer éra fidju di Jorin, y Jorin éra fidju di Matate, y Matate éra fidju di Leví, ³⁰ y Leví éra fidju di Simion, y Simion éra fidju di Judá, y Judá éra fidju di Juzé, y Juzé éra fidju di Jonan, y Jonan éra fidju di Eliakin, ³¹ Y Eliakin éra fidju di Meleá, Y Meleá éra fidju di Mená, y Mená éra fidju di Matatá, y Matatá éra fidju di Natan, y Natan éra fidju di Davidi, ³² y Davidi éra fidju di Jesé, y Jése éra fidju di Obedi, y Obedi éra fidju di Boaz, y Boaz éra fidju di Salá, y Salá éra fidju di Nason, ³³ y Nason éra fidju di Aminadabe, y Aminadabe éra fidju di Admin, y Admin éra fidju di Arni, y Arni éra fidju di Esron, y Esron éra fidju di Perez, y Perez éra fidju di Judá, ³⁴ y Judá éra fidju di Jakó, y Jakó éra fidju di Izaki, y Izaki éra fidju di Abron, y Abron éra fidju di Terá, y Terá éra fidju di Naor, ³⁵ y Naor éra fidju di Seruge, y Seruge éra fidju di Ragaú, y Ragaú éra fidju di Faleke, y Faleke éra fidju di Eber, y Eber éra fidju di Salá, ³⁶ y Salan éra fidju di Kainan, y Kainan éra fidju di Arxafadi, y Arxafadi éra fidju di Sen, y Sen éra fidju di Noé, y Noé éra fidju di Lameki, ³⁷ y Lameki éra fidju di Metuzalen, y Metuzalen éra fidju di Enoke, y Enoke éra fidju di Jaredi, y Jaredi éra fidju di Maleleel, y Maleleel éra fidju di Kainan, ³⁸ y Kainan éra fidju di Enos, y Enos éra fidju di Séti, y Séti éra fidju di Adon y Adon éra fidju di Déus.