¹ Naomi, apongozi bake eciti kwa eve, "mwana wangu, ko nisakire malo kuti weo uppumuke, koteto kuti vinthu vikuyendele bwino? ² Lomba Bowazi, wamene uwaon na banchito banakazi, ko niwacibululu lini wasu? langa, lero usiku okopepeta barere pa malo opepetela. ³ Teto, usambe kumenso kwako, uzizoz, uvwale vovwla vako vabwino, na kuluta ku malo opepetela. Koma usazizibishe ku munthu uyu mpaka asilizye kulya na kumwa. ⁴ Koma nagati walala, kuikeko nzeru pa malo ati alale kuti pakapita nthawi ungalute kwa eve, nakuvula kumendo kwake na kulala pamene apo. Ndipo akakuuzye vati ukacite." ⁵ Rute eciti kwa Naomi, "nicite vonse vimwaniuzya." ⁶ Teto eluta pamalo opunthila, ndipo ekonkha malangizo ba apongozi bake. ⁷ Boazi pecila na kumwa ndopo mtima wake wekondwela, eluta kuyolala kosilizyila kwa nthutu ya mbeu. Ndiponewela mwakacete-cete, nakuvula kumendo kwake, na kulala. ⁸ Yefwika nthawi ya usiku kuti wala munthu ezizizmuka. Epindimuka, ndipo pamene pala mwanakazi elala kumendo kwake! ⁹ Eciti, "niwe bani?" eyankha, "nine Rute, wanchito wanu. Tambusulani cofunda canu pali wanchito wanu pakuti nimwe wacibululu." ¹⁰ Boazi eciti, "mwana wangu, leka Mulungu akudalise. Waonesha ngako cifundo cako kosilizyila kupambana koyambilira, cifukwa uliye konkhe anyamata, wosauka kapena olemera. ¹¹ Lomba, mwana wangu, usayope! nikucitile zonse ziwalabila, cifukwa mzinda wonse wa banthu uziba kuti niwe mwanakazi woyenela. ¹² Ko ni cendi kuti nine wacibululu wapafupi, koma kuli wapafupu wacipubululu kupambana neo. ¹³ Nkhala pano lero usiku na m'mawa, ngati akucitile nchito za wacibululu, cabwino, leka acite nchito za wacibululu. Koma ngati akucitire lini nchito za wachibululu, niye kuti nicite, pa moyo wa Yehova. Lala mpaka m'mawa." ¹⁴ Teto elala kumendo kwake mpaka. Koma eukapamene aliyense angazibe munthu muyakine. Pakuti Boazi eciti, "cisazibike kuti mwanakazi walala popunthila mbeu." ¹⁵ Ndipo Boazi eiciti, "leta nyula yako na kuiyanzika."Pecicita teto, eikapo mipimo sikisi ya barere na kumuika pamutu pake. Ndipo eluta mumzinda. ¹⁶ Rute pecifwika kwa apongozi bake, eciti, "wanyenda tyani mwana wangu?" Ndipo emuuzya vonse vecicimucitila mwanalume. ¹⁷ Eciti, mipimo sikisi ya barere niye yawanipasa pakuti walabila kut, 'usalute lute kwa apongozi bako uliye kanthu.'" ¹⁸ Ndipo Naomi eciti, "nkhala pano, mwana wangu, mpaka uzibe mwati acitile abwana bako, pakuti wala munthu alale lini mpaka asilizye icic cinthu lero."