¹ Lomba Boazi eluta pamlyango na kunkhala pansi pamene pala. Mosacelwa wabanja wamene Boazi elabila nae ewela. Boazi eciti kwa eve, "muyangu, wela pafupi ndipo unkhale pansi." Munthu ewela nonkhala pansi. ² Ndipo boazi etola analume teni bamumzinda na kuti, "nkhala pansi apa." Teto benkhala. ³ Boazi eciti kwa wabanaja wake, "naomi wamene ewelako ku calo ca Moabu, ogulisa mphaso ya calo yamene yenze yamkwasu Elimeleki. ⁴ Naganiza kukuzibishani na kuti kwa mweo, 'muigule pamenso pa banthu bali nkhale pano, na pamenso pa akulu akulu ba banthu bangu.' Ngati mufuna kuimobola, ndipo muniuzye, kuti ningazibe, pakuti kuliye oimbola opambana mweo, ndipo nili pavuli panu." ndipo mutnhu muyakine eciti, "niiobole." ⁵ Ndipo Boazi eciti, "pa siku lati ukagule munda kufuma m'manja mwa Naomi, ufunika kutola soti Rute mwanakazi waku Moabu, mfelekazi wa munthu wakufwa, kuti ukafumye zina la wakufwa pa coloba cake." ⁶ Ndipo wabanja wake eciti, "ningaiombole lini mwa neo neka mosaononga coloba cangu. Weo utole ufulu wa ciomboo cangu mwa weo weka, pakuti neo ningaimbole lini." ⁷ Lomba uyu wenze mwambo mu masiku bakuvuli mu Israeli pali ciombolo na kusintha kwa vinthu. Kuvomelezya vitnhu vonse, mwanalume enzotola sapato yake noipasa oyandika naye; uyu wenze mnkalidwe wopanga mgwiizano wacivomelezo mu Israeli. ⁸ Teto wabanja wa Boazi eciti, "uigule weo,"ndipo evula sapato zake. ⁹ Moteto Boazi eciti ku akulu akulu na banthu onse, "monse mwacitila umboni kut nagula vonse venze va Elimeleki, na vonse venze va Kiliyoni na Maloni mkwanja la naomi. ¹⁰ Soti na mwanakazi waku Moabu Rute, mwanakazi wa Maloni, namtola kuba mwanakazi wangu, kuti nifumye zina la munthu wakufwa pa coloba cake, kuti zina lake lisafumyika pakati pa azinekwao na pamlyango wa malo baake. Lero nimwe mboni!" ¹¹ banthu onse benze pamlyango na akulu akulubeciti, "nise mboni. Lekani mwanakazi wawela mng'anda mwako abe monga ni Leya na Rakele, babili bemanga ng'anda ya Israeli; ndipo ukadalisike ku Efrata na kuzibika soti ku Betelehemu. ¹² Leka ng'anda yako ikabe monga ni ng'anda ya Perezi, wamene Tamara emuvyalira Yuda, kupitilira mwa bana bemene yehova akakupase na mwanakazi uyu." ¹³ Teto boazi etla Rute nakunkhala mwanakazi wake. Eloba mwa eve, ndipo Yheova emnkhalisha na vumo, ndipo evyala mwana mwanalume. ¹⁴ Azimai eciti kwa Naomi, "lekani Yehova adalisike, aliye kusiye lero uliye wabanja, mwana uyu. Lekani zina lake likabe lozibika mu Israeli. ¹⁵ Lekani ankhale owezyela moyo kwa weo ndipo owamisha ukalamba wako, pali mpongozi wako, wokukonda, ali bwino kwa weo kupambana bana bako banalume bali seveni, uwavyala. ¹⁶ Naomi etola mwana nomuika mendo pake, nakumusamalira. ¹⁷ Anakazi bapafupi naye bemupasa zina, kuti, "mwana mwanalume wabadwa mwa Naomi," Bemuteya kuti Obedi. Enkhala wisi wa Jese, enkhala weisi wa Davite. ¹⁸ Lomba aba niye benze mibadwo ba Perezi: Pere enkhala wisi wa Hezroni, ¹⁹ Hezroni enkhala wisi wa Ramu, Ramu enkhala wisi wa Aminadabu, ²⁰ Aminadabu enkhala wisi wa Nasoni, Nasoni enkhala wisi wa Salimoni, ²¹ Salimoni enkhala wisi wa Boazi, Boazi enkhala wisi wa Obedi, ²² Obedi enkhala wisi wa Jese, ndipo Jese enkhala wisi wa Davite.