¹ Lomba Naomi enze na abululu ba alume bake, mwanalume wacume wa mkoka wa Alimeleki, wamene zina lake enze Boazi. ² Rute mwanakazi waku Moabu, eciti kwa Naomi, "lomba lekani nikokuya kuyocita mashanga pa vosalila va mbeu mu minda. Nikokonkha aliyense wamene m'menso wanikondela."Teto Naomi eciti kwa eve, "nkhoya mwana wangu." ³ Rute eluta kuyocita mashanga pa vosalira muminda kufuma kukolola. Cecitika kuti ewela ku mbali ya munda wa Boazi, enze wa mkoka wa Elimeleki. ⁴ Langani, Boazi efumila ku Betelehemu na kuti kwa okunkha, "lekani Yehova abe namwe." bemuyankha, "lekani Yehova akudaliseni." ⁵ Ndipo Boazi kwa wanchito wake enzo sogolera okunkha, "ni mwanalume otyani mwine wa mwanakzi uyu?" ⁶ msogoleri wa okunkha eyankha na kuti, "ni msimbi waku Moabu ewela na Naomi kufuma ku calo ca Moabu. ⁷ Eciti kwa neo, 'lekani nicitako mashanga mu munda banchito bakafumyamo mbeu.' Teto wawela kuno ndipo wapilitilizya kufuma m'mawa mpaka lomba, kufumyako kuti wenze wapumulako patontho mng'anda." ⁸ Ndipo Boazi eciti kwa Rute, "unimvilira, mwana wangu? osaluta kuyocita mashanga m'munda muyakine; osasiya munda wangu. M'malo mwake nkhala muno ukosebenzela pamozi na banchito bangu anakazi. ⁹ Ukoika tyala menso bako m'munda mwane banalume osebenzela na kukonkha pavuli pa anakazi ayakine. Ko niliye lamulire analume kuti asakukate? Paliponse ngati wamvwa njota ukokuya ku vinkhombe va manzi na kumwa manzi bibatapa analume." ¹⁰ teto emubelamila pansi Boazi, kuika cinsi cake pansi. Eciti kwa eve, "cifukwa ni cinji napeza kuwamiliwa mtima pamenso panu kuti muike nzeru pali neo, mlwendo?" ¹¹ Boazi enyankha na kuti kwa eve, "zenifwika kuti, zonse ziwecita kucokera pecifwa alume bako. Wesiya auso, anyoko, na calo ciwebadwilamo na kukonkha apongozi bake na kuwela ku banthu bausaziba. Lekani Yehova akuwezyele pavuwecita. ¹² Leka ulandile mphto yokwanila kwa Yehova, Mulungu wa a Israeli, wamene pansi pa maphaphiko bake wapeza pothabila." ¹³ Ndipo eciti lekani nipeze kuwamiliwa mtima m'menso mwanu bwana wangu, pakuti mwanibindiaha, ndipo mwalabila mofewa kwa neo, olo kuti nine lini umozi wa banchito banu anakazi." ¹⁴ Pa nthawi yacakulya Boazi eciti kwa Rute, "wela kuno, na kulyako buledi uyakine, na kususika mbamu yaku mu viniga." Enkhala pafupi na Okunkha, ndipo emupasa mbeu zoshoka. Ecilya mpaka kukuta nakusiya viyakine. ¹⁵ Penzounjika mbeu, Boazi elamulira anyamata bake, kuti, "lekani akounjika mbeu olo zala zili mu ma nthutu, ndipo musamuleshe. ¹⁶ Soti mukomucosele matu ya mbeu zili kale mu nthutu, ndipo mukomusiila kuti eve akounjika, ndipo osamuzuzula." ¹⁷ Teto ecita mashanga mpaka mcingulo. Ndipo epuntha matu ya mbeu zeciika pamozi, ndipo mbeu zenze monga efa wa Barele. ¹⁸ Ezinyamula na kuya kumzinda. Ndipo apongozi bake eona veciika pamozi. Rute efumya soti cakulya coshoka cesalira ku vakulya vake na kubapasa. ¹⁹ Apongozi bake eciti kwa eve, "mwacita kuni mashanga lero? lekani mwanalume wakuthandiza adalisike." Teto Rute euzya apongozi bake za mwanalume wamene munda wake besebenzelako. Eciti, "zina la mwanalume wamene munda wake nenze nayosebenzelako lero ni Boazi." ²⁰ Naomi ecii kwa mpongozi wake, "lekani Yehova amudalise, wamene aliye siye kumvwila bamoyo na bakufwa. Munthu ula niwacibanja na seo, umozi wa apulumusi ba banja yansu." ²¹ Rute mwanakazi waku Moabu eciti, "cendi, eciti kwa neo, 'unkhale pafupi na anyamata bangu mpaka basilizye kucosa.'" ²² Naomi eciti kwa Rute mpongozi wake mwanakazi, "nicabwino, mwana wangu, nicabwino kuti weo ukoluta na banchito bake asimbi, kuti weo usacitiwe ciipa ukaluta m'munda mwa munthu muyakine. ²³ Teto enkhala pafupi na banchito ba banakazi ba Boazi kuti bachite mashanga mpaka kosilizya kucosa barele na tirigu. Enzonkhala na apongozi bake anakazi.