¹ Tos ma ne atiagat? Ma a ne kiyoktoi? tos tomo aro Kiptaiyandenyo Jeso Kristo?: Tos ma o boisienyu akwe eng' kiptayat? ² Ngot ko mo i ne kiyoktoi eng' alak,ko a ne kiyoktoi eng' okwe.; amu ng'oksetab kayoktoinatennyu ko akwe eng' Kiptaiyat . ³ Osoruneke nito eng' icheget che kina ⁴ Tos makitinye kimnatet keesie ak keamisie? ⁵ Tos makitinye kimnatet kemutate , osotio ne iyanat ,ko u alak che kiyoktoi , ak tupchosiek che bo Kiptaiyat, ak Kepa? ⁶ Anan anegei kityo ak barnaba,che makitinye kimnatet kebagakte boisiet? ⁷ Ng'o ne wendi luget ak koboisie tukukychi?ng'o ne kole kabinguit ama amei logoek? Anan ng'o ne iyoki okwet ama lu chekab kiagichoto? ⁸ Tos amwoe tokuchu ko u biteetab biko? Anan mwoe ng'atutiet akine? ⁹ Amu sirat eng' ng'atutietab Musa kole, mat irat kutitab eito ye tiechei beko koborei. Tos ibwoti Jehovah mising' akobo eik? ¹⁰ Anan mwoe kityo amu ache? Momi mosmuset sirat nito kole inendet ne ibototisie, kobotis eng' komong'unet, ak inendet ne bore kobor komon’gu kole sige kiy. ¹¹ Ng'ot ko kigigoliok tukukab tumirmiriet, ko tos kiy ne o ng'ot ngeges tugukwok che bo borto? ¹² Ng'ot kotinye biko alak yamdaet eng' kamugonito ,ko tos ma koboiywok ko tos ma ki siirtoot?Ago ma kiboisie ache kamugonito; ago kimuitoi eng' tuguk tugul si ma kigirinde logoiywek che kororon che bo Kristo. ¹³ Tos mongen ole icheget che boisie agobo tuguk che tililen koame tuguk che bo hekalut , ak icheget che ribe kaptisisiet kotinye kebebertangwai koboto kaptisisiet. ¹⁴ Kou noto ole king'at Jehovah kole icheket che amdoi lokoiywek che kororon kosopsot eng' logoiywek che kororon. ¹⁵ Ago tomo aboisie tuguchoto agot agenge : amasire tuguchu ale keyaiywo ko u noto : amu kata kaigai ame kosiir kowal chi torornatennyu koek buch. ¹⁶ Amu ngaamde logoiywek che kororon ¹⁷ Amu ye ayai eng' makenyu anege atinye malekto; ago ng'o ma bo magenyu anegei atinye ripest ne kigianwo. ¹⁸ Nee melektanyu? Noto ko ni, ye omdoi lokoiywechoto che kororon ayae koek che motinyei melekto. Si moboisie kimnatenyu mising' eng' lokoiywek che kororon. ¹⁹ Akot ng'atiakat eng' biko tugul, ko kiaegu otwogintetab togul, asi kobiit anyor che siirtoot . ²⁰ Eng' Yahudik, ko kioegu Yahudiot, si kobiit anyor Yahudik, eng' iche che mi eng' ng'atutiet ko kiaige agane nemi eng' ng'atutiet ama kele ami anendet eng' ng'atutiet ,ago si kobiit anyor icheket che mi eng' ng'atutiet. ²¹ Eng' icheket che momi eng' Ng'atutiet ko kiotebi ko u yo momi eng' ng'atutiet(ma kue ami eng' ng'atutik eng'Jehovah ako ami eng' ng'atutik eng' Kristo. Si anyor iche che momi eng' ng'atutik. ²² Kotebi kou ne nyalulat eng' che nyaluliotin asi anyor che, nyolulyotin, kiaegu tuguk tugul eng' biko tugul asi amuch osor alak eng' oret age tugul. ²³ Ayae nito anyun amu amdaetab lokoiywek che kororon asi anyor yamdaet eng' chuto ak akwe. ²⁴ Tos mongen ole icheket che rwae eng' labatet ko chang', ago nyoru melekto akenge? Ara orwai asi onyoru. ²⁵ Ak chi ake tugul ne ikilige eng' ureriosek koribege eng' tuguk tugul, yae anyun ko u noto si konyor kutwet ne ng'emaksei ako ache ko ne mong'emokse. ²⁶ Aloboti anyun ma ko u chi ne tinyei saket. Ak abarsoti ma ko u chi ne birei. Olo buch. ²⁷ Ako obire bortanyu ak obou, asi matikin ko ye koomchi alak koma kimeto