¹ Momoche anyun, che kitupche,ale oegu che mongen,ole kimito kwanisiekyo tugul ng'wenyutab bolted, ak kibun tugul araraita; ² ak kigibatisanji tugul Musa eng' boldet ak eng' araraita ³ ak kiamtugul amdit agenge ne bo tamirmiriet ; ⁴ ak kiee tugul eet agenge ne bo ne bo tamirmiriet: amu kiee tugul eng' ruandet ne bo tamirmiriet ne ni kirube iche:ak ruandanoto ko ki Kristo. ⁵ Ago kima baibaitune mising'Jehovah che chang' eng' iche : amu kigiserta eng' ong'atet. ⁶ Kiek tuguchu anyun kabarunoikyo, si makimakyige tugukn che yaachen ,kouye kimakyige iche mising'. ⁷ Amoegu che soe kanamonik, ko u alak eng'iche ;ko uye kigisir kele ,kitebi ng'weny biko koamis ak koeee , ak kong'eetyo kourerenyo. ⁸ Amongesokse ,ko u ye kiyai alak,ak kiibuyo eng' betut agenge elufusiek tiptemu ak somok.. ⁹ Anan ketiem Kiptaiyat , ko u ye kitiem alakeng' iche ,ak kibar erenok. ¹⁰ Amato ng'unyng'unye , ko u ye kiing'unyng'ungyo alak eng' iche , ak kibek eng' ng'emindet. ¹¹ Kiyaak anyun tuguchuto eng' iche si koek kaborunet ; akkigisir agobo kateunennyo,ache che kagonyonjech kagesunetab kenyisiek. ¹² Noto anyun ingoripge si maibut, inendet ne ibwoti kole tononi. ¹³ Kima namak yomset kobate noto ne imuchi komuitae chi tugul ;ago bo iman Jehovah ne machamdook keyomak kosiir ne te ne imuchi ;ago koboto yomsonoto koyae agine oret ne ochilile ,si kobit omuch omuite. ¹⁴ Noto anyun, chamanikyu, omwee biteetab kanamonik . ¹⁵ Ang'ololi kouye ang'ololjini biko che ng'omen; obesie kito ne amwoe . ¹⁶ Kikombet ne bo kaberuret ni keberuri , kotos ma amdaet ne bo korotikab Kristo?Makatiat ne kibutuli, ko tos ma amdaet ne bobortab Kristo? ¹⁷ Amuache che ki biko che chang' ,ko ki makatiat agenge. ¹⁸ Ogeer Israel-o eng' atebtab borto:tos matinye amdaet ak kaptisisiet iche che ame tiseiywek ¹⁹ Amwoe nee anyun ?amwa ale kiy kit ne kieng'jini kanamonik,anan tos kiy kanamwet? ²⁰ Ago tuguk che igoitoi Bororiosiek koeng'jini oik , ago ma Jehovah :amomoche oyai amdaet ak oik! ²¹ Momuchi oee kikombetab Kiptaiyat , ak kikombetab oik : momuchi oam eng' mesetab Kiptaiyat , ak mesetab oik . ²² Anan kitoche Kiptaiyat konyor ng'etkong'?Tos ki kimen kosiir inendet? ²³ Chamdaat tuguk tugul :ago ma tuguk tugul che nyolu . Chamdaat tuguk tugul ; ago ma tuguk tugul che teekse. ²⁴ Ama tocheng'jige chi chechi inegei , ago che bo chitab kokwennyi. ²⁵ Kiy age tugul ne kioldoieng' kabany , oam,amoteeb kiy amu kabwatet; ²⁶ amu bo Kiptaiyat ng'weny ,akche nyiitat ng'weny. ²⁷ Ngo kuurok age eng' iche che maiyoni kole kobaak , ak omoche obe : ko kiy age tugul anyun ne kaginde taing'wong' , oam, ama toteeb amu kabwatet: ²⁸ ago ngo lechok chi age tugul ,Kagigoitoi kii koek tiseiywot , ko moam ,amu inendet ne kagoborun , ak amu kabwatet: ²⁹ kabwatet ne amwoe ko ma neng'ung' , ago bo age ;amukalya si koruokyi katiagennyu kabwatet age? ³⁰ Ngot atooche eng' kongoi, ko amu nee si kemwaitaena yaitio eng' kitone koagoite kongoi? ³¹ Noto anyun ng'oame , anan ng'oee, anan agggot eng' kiy age tugul ne oyae , oyaii tugul ototori Jehovah . ³² Amonach Yahudikanan Yunanik ,anan kanisetab Jehovah: ³³ agot ko u ye aboiboi biko tugul eng' tuguk tugul, mocheng'e kelunennyu anege , ago kelunet ne bo che chang' ,si kobiit kesor.