¹ Noto anyun akobo tuguk ale kaginem koek korosekab kanmonik kingen tugul kele kitinye naet, menei naet ago teekse chamnyet. ² Ng'ot kobwatyi chi kole ingen kiy, ko mengen ko u ye makat kongen. ³ Ago ng'o chame chi ake tugul Jehovah ko naat chichoto eng' inendet. ⁴ Agobo ametab tuguk che kagienchi kanamonik koek korosek , kingen kele ma kiy konomuet eng' ng'weny, ama mi komuktoindet ake kobate akenge. ⁵ Akot ndo mi che keguure cheptailelisiek, ng'o kipsengwet anan ng'weny (kou ye mi ) cheptailelisiek che chang' ak kiptainik che chang'. ⁶ Ago eng' achek ko kamuktaindet ko akenge. Inendet kwanda ne bunu tuguk tukul, ak kemi eng' inendet, ak Kiptiayat akenge, Jeiso Kristoi, ne mi tuguk tugul amu inendet, ak ache eng' inendet. ⁷ Ako momi naonato eng' biko tugul, amu kigonaita agoi ng'uno eng' kabwotutikwai koame tuguk che kakibelchi koek korosek konomuet ak komuruoni kobwoto amu che nyolulyotin. ⁸ Ako amitwokik ko ma kit ne imutech kerikychi Jehovah anan ng'o magiamisie, ko mararuech kiy anan ng'eamisie ko matesak kiy. ⁹ Ako oribke asi monach che to ko nyaluliotin eng' kimnateng'wong'. ¹⁰ Ak ng'ot ko keerin chi inye ne tinye naet iamisiei eng' hekalutab kanamonik, kotoi manyikanit inendet ne nyalulat koam tuguk che kagienchin kanamonik: ¹¹ Ak lusei inenda ne nyalulat amu naeng'ung'; inendet ne kimechi kristo. ¹² Ak u noto anyun ye oyachini tengek topchosiek ak kobwotutikwai ne nyalulat, ko koyachi Kristo tengek. ¹³ Noto anyun ng'ot konachi amitwogik ne kitupche , koma aame banyeek agoi ,si manach ne kitupche.