¹ Nguno anyun agobo tuguk che kioserwo ko kararan eng' muren ko ma ta twa chepyoso . ² Akot kora, si keistoege sokset ko ngotebi chi age tugul ak osotiondenyi ak kotebi kotebi kwony ake tugul ak manong'otiondenyi. ³ Ng'okochi maning'otiot osotiondenyi ko u ye nyoijini ak ko u noto agine osotiot eng' manin'gotiot. ⁴ Matinye kamuket osotiot eng' bortanyi ng'ot ko ma manin'gotiot, ko u noto akine maning'otiot kele motinye kamuket eng' bortanyi ng'ot ko ma osotiot. ⁵ Amotaege akwege, kobate yo kochamnyechi asi onyoru osa ak orukutg'e ak otuiyeke kogeny, si mayomak oindet amu motinye ribetabge. ⁶ Ako amwoe ni amu chamjinet ma ng'atutiet. ⁷ Nda ko sikchini nda komoche kegerkeitu ak murenik tukul, ako tinyei chi tugul konunenyi ne bunu Jehovah ko u ni, ko ake ko u no. ⁸ Amwochini icheket che tomo kotunis ak musogik alechini, kararan eng' iche ng'otebi ko u ane. ⁹ Ago ng'o mosikchini kotebi, kotunis , amu keigei kotunis kosiir maket ne lalei. ¹⁰ Ang'ote che kikotunge ma ane ago Kiptaiyat ale mameto osotiot maning'otiondenyi. ¹¹ Ago ng'ot kometo, ko ng'otebi komakitun ana kowegchike mani'gotiot osortiondenyi. ¹² Amwochini biko alak, ma Kiptaiyat ale ngo tinye tupchet kwondo ne maiyanat ak koboibochi kotebi tuwai. Kotebi mat iyon. ¹³ Ako kwondo ne tinyei manin’gotiot ne ma iyanat ak koboibochi komeng'is tuwai ko mat kometo manin’gotiondenyi. ¹⁴ Amu manin’gotiot ne maiyanat ketilile ak osotiot ne meyanat ketilile manin’gotiot, nda ma u noto nta ma tililen legukwok: ago tililen iche nguno. ¹⁵ Ak ng'wo ne meyanat, ko ng'wo, momi tupchet ne muren anan kwony ne ratat eng' ng'alek che u choto- Ako kiguurchech Jehovah ache tugul kalyet. ¹⁶ Ako inoe nee anyun inye osotiondoni ng'o tos isoru maning'otiotndeng'ung'? Anan inaitoi ano inye ,ee maning’otiondoni ngo tos mesoru osotiondeng'ung'? ¹⁷ Ago ko u ye kikopchechi kiptayat chi age tugul, ko u ye kigokuur Jehovah ake tugul, ingootebi ko u noto, ak ang'ate anyun ko u noto eng' kanisosiek tugul. ¹⁸ Tos kigikuur chi age tugul ko kakimuratan? Amat koige ne makimuratan, Tos. Kigikuur chi age tugul kotomo kemuratan. ¹⁹ Ma kiy kamuratanet, ako ng'o makimurtatan ko ma kiy, ako kerib ng’atutikab Jehovah. ²⁰ Ngo tebi chi age tugul ko u ye kiu ye kingekuure. ²¹ Tos kigikuurin i atwokin? Meimchike, ago ng'ot komukoske ketchachin iboisie. ²² Amu inendet ne kiguur ko otwokin kotyaket eng' kiptayat, ko u noto, inendet ne kigikuur kotyakat ko otwokindetab Kristo. ²³ Kikealak eng' kamanutiket, amat otoeku otwokikab biko. ²⁴ Tupchosiek ngotebi age togul eng' Jehovah ko u ye kiteptoi ye king'ekuure. ²⁵ Nguno anyun ale,motinye ng'atut eng' Kiptaiyat akobo berkeinik, ago akonu kereenyu ko u chi ne kigonyor rirenetab Kiptaiyat aek ne kiyoni. ²⁶ Abwothi anyun ale, kararan nito amu kaimetabge ne mi nguno ale ng'otebi chi tugul kou ole teptoi nguno. ²⁷ Tos kigerotyin osotiot? mecheng' anyun ketyachin Tos itiagat eng' osotiot amecheng' anyun osotiot. ²⁸ Ako ng'ot itunisie ko maiyai tengek, ak ngetun berkeiyat ko maiyai tengek, ago nyoru che u choto nyaliida eng' borwek amamoche ale si moiimge. ²⁹ Ago amwowok tupchosiek ale nwach kasarta ne ng'etunot, ng'otebi che tinyei osotik ko u ye motinyei. ³⁰ Ak Icheket che rirtos kot kou ne morirsot, ak icheket che boiboi kot kou che moboiboi ak che alisiei kot kou ye motinyei kiy. ³¹ Ak icheget che boisie ng'weny komoboisie mising', amu siirtoi itondab ng'weny. ³² Ako momoche oegu che iimotinge. Inendet ne moitunis kochirchirenjini tuguk che bo Kiptayat, ole imuchi kobaibaita Kiptaiyat. ³³ Ago inendet ne kigotunis kochirchirenjin tuguk che mi ng'weny ole imuchi kobaibaita osotiondenyi. ³⁴ Mi teerchinet kokeny eng' osotiot ak berkeiyat, inendet ne moitunot kochirchirengini tuguk, che bo Kiptaiyat, asi koek ne tilil eng' borto ak eng' tamirmiriet: ko inendet ne itunot kochirchirjini tuguk che mi ng'weny, ole imuchi kobaiba maning'otiondenyi. ³⁵ Amwowok nito akobo keluneng'wong', melin kele katorchok mestet, asi oboisiechi Kiptaiyat eng' oret ne chamat ma eng' kaiimetab ke. ³⁶ Ako ng'obwoti chi age tugul kole mayachin berkeiyandenyi ne nyolu, ak ng'o kakosiirto kororonindab minin’gnatenyi, ak ng'o mi kiy ne nyoljini, koiyai ko u ye moche. Mayai tengek ingotungei. ³⁷ Ago inendet ne lumdaat eng' moguleldanyi komuchi koboi mokutikchi ako kakotil eng' muguleidonyi koriib berkeinatenyi ko kayai ne kararan. ³⁸ Inendet ne ikoitoi berkeiyandenyi ketun ko yae ne kararan, ak inendet ne mekoito berkeiyundenyi ketun koyae ne kararan mising'. ³⁹ Ratat osotiot kote kotoko sobe manin’gotiot, ako ye kakome kotiakat kotun chi ko u chamenyi eng' kiptayat kityo. ⁴⁰ Ago baibai kosiir ng'o tebi ko u ye konye, ko u ye abwati: ak alin otinye tamirmirietab Jehovah.