¹ Tos mi chi kwenung'wong' ne ngotinye ng'loyo chitab kokwet komuti kapgiruok eng' taitab che mo bo imanda? Ama eng' taitab che tililen. ² Tos monget ole iruogchini che tililen ng'weny? Ago ngot oruokchini anyun ng'weny ko tos mayolu oruakchi tukuk che mengechen? ³ Tos monget ole tun keruokchini malaikaisiek? Siirei anyun ne tia tuguk che bo soboni! ⁴ Ng'ot omuchi oruokchi tuguk che tinyeke ak soboni, ko to oiiti ole kiruogik iche che ma kiiti kele kiy eng' kaniset?. ⁵ Amwowok anyun ale si kobiit olilonse momi chi ne ng'om eng' kwenung'wong' akot agenge ne imuchi kotil ng'alek eng' kwenutab tupchosiek? ⁶ Ako imuti tupchet kapkiruok tupchet age eng' taitab che maiyonotin? ⁷ Achicha. Kagoek nguno lelut eng' akwe, amu orukychinike akwege.Amu nee si mochamtege kinyalilak? Kalya si mochamtege kesarenak tuguk? ⁸ Achicha akweket che oyae ne ya ak osarisiei akot eng' tupchosiekwok. ⁹ Tos mongen ole mochute che mo bo iman bounotetab Jehovah? Amat kegenak. Akot che yae sokset anan soikab kanamonik anan che yae ibetabge anan chemulkwonyik, anan chemogorgoinik. ¹⁰ Anan choric anan kipng''etkong'inik anan kibokitinik anan chubik anan rebik che nyoru bounatetab Jehovah. ¹¹ Ago ki u choto alak eng' akwe ago kikeunok ak ketililok ak kikiityok imanda eng' kainetab Kiptaiyat Jeiso ak eng' tamirmiretab Jehovah. ¹² Chomtootin tuguk tugul eng' ane, ama tuguk tugul che nyolu, chomtootin tuguk tugul eng' ane ama boiywo ake tugul eng' choto ¹³ Bo omitwokik moet, ak bo moet omitwokik ako ngeme Jehovah choto tugul. Nguno anyun mobo borto sokset ako bo Kiptaiyat ago bo Kiptaiyat borto. ¹⁴ Kingeet Jehovah Kiptayat ak tun ingeetech ak ache eng' kimnatenyi. ¹⁵ Tos mongen ole borwekwok ko kebebertab Kristo! ara anyun aiste kabeberwekab Kristo, ak ayai koek kebebertab chepkukoniot? Olo mo u noto. ¹⁶ Anan tos mongen ole indendet ne nameke ak chepkukoniot ko borto akenge. Amu mwaat kele eku tuwai borto akenge. ¹⁷ Ago indendet ne kituisot ak kiptayat koegu tamirmiriet akenge. ¹⁸ Omwee anyun sokset,tengekwokik alak komi sang'utab borto, ako inendet ne yae sokset koyachin bortanyi tengekto ¹⁹ Anan tos mongen ole borwekwok ko hekalutab tamirmiriet ne mitok, ne otinye eng' Jehovah? Amo bo ge akweke. ²⁰ Amo kikialenak kamonutiet, ara otoror Jehovah eng' borwekwok.