¹ Kosunot Komie kele mi kwenung'wong' ibetabge mising' kosiir okot ole u eng' Bororiosiek, kot koit koibge chi ak osotiotab Kwanit. ² Ak omendosi amocholye kele inendet ne kiyai youtioni keisto eng' kwenung'wong'?. ³ Eng' iman ko momi eng' borto, ako omi eng' tamirmiriet, ko korugchi inendet ne kiyai youtionoto kou yo kio mite. ⁴ Eng' kainetab Kiptaiyandenyo Jeiso Kristo, yo kotuiye kibakenge ak tamimirienyu eng' kamuketab Kiptaiyandenyo Jeiso Kristo. ⁵ Okochi Oindet Chito ne u noto si keng'em borto, asi kesor tamirmiriet eng' betutab kiptayat Jeiso. ⁶ Ma kararan kolosuneng'wong'. Tos Mongen ole Mermerek tutigin kokutu kererutiet komugul?. ⁷ Oiste anyun mermerek che osen asi oegu kererutiet ne leel, amu momi mermerek eng' akwe, amu Kristo ne Pasaka ko korosionyo. ⁸ Noto anyun, ongerib igorto, ma eng' mermerek che bo keny anan ko che bo yaitiet ak tengekto, ako eng' makatiat ne momi mermerek ne motinye kenisiet ak lembechta. ⁹ Kiasirwak eng' baruenyu ale amo namg'e ak che soksei. ¹⁰ Akot che yaei ibetabge ne bo ng'wenyuni anan kipkeinik anan, soikab kanamonik amu nda u noto nda kenyoichok omande eng' ng'weny. ¹¹ Ago kasirwak anyun ale amonamg'e ak chi ake tugul ne kiguure tupchet ako yae sokset anan kipng''et kong'ia anan kosoei kanamonik anan ko ne chubisie anan ko kibokityot anan rebindet. Amoamisie ak chito ne u noto. ¹² Omoke nee orwokchi iche che mi sang'? Tos moruokchini akwe ichk che mito go? ¹³ Ago iche che motinye Jehovah koruogchini choto. Ara anyun oiste chichoto sigoran eng' kwenung'wong'.