¹ Ako anyun tupchosiek mong'ololwok ko u biko che mi eng' tamirmiriet ako che mi eng' borto ako leguk eng' Kristo. ² Kiaguenak cheko mabaenak omitwokik che uuen amu kitomo omuch; akot nguno kotom omuch oam. ³ Akot nguni ko tomi eng' borto, amu to komi ng'etkonda ak bariosiek ak kabesiosiek, tos momi eng' borto ak obendoti kou atebtab borto?. ⁴ Amu mwoe age kolen "arube Paulo", kolen alak "arube Apolos", tos momi eng' borto? ⁵ Paulo kong'o anyun, ko Apolos kong'o, kiboitinik che oyani ko u ye kiikochi kiptaiyat chi ake tugul. ⁶ Kiagole, kobisi Apolo; ak kobiit Jehovah. ⁷ Noto anyun ma kiy koliindet ama kiy kobisindet ako Jehovah ne ibiiti. ⁸ inendet ne kole ak neibisi ko akenge ako tun nyoru chitugul kogochinet korupke ak boisienyi. ⁹ Amu kii kiboitinikab Jehovah mbarenyi ak teksenyi. ¹⁰ Korupke ak miendaab Jehovah ne kigikono, kou teekindet neo ak ko ng'om, ako ng'om. Ko kialumde lumeiywot ne kiteekse barakunyi, ako ng'o keer ake tugul ole kategtaita barakunji. ¹¹ Amu momi lumeiywot ne imuchi kolumitochi kobate noto kigalumda Jeiso Kristo. ¹² Ak ngo teekse chi lumeiywondeni tahabu, feda, koik che bo komonut, ketiik, suswek ak mobek. ¹³ Tun kotoku boisietab chi ake tugul, amu tun komwoitoi betut, amu king'onye eng' mat ak ketieme mat si kotook ole u. ¹⁴ Ng'o nget boisietab chi ake tugul che kigateeke barakunyi, konyoru anyun melekto. ¹⁵ Ng'o loiyo boisionikab chi, kowendi asen, ako kisoru indendet eng' mat. ¹⁶ Tos mongen akwe ole oi hekalut ne bo Jehovah, ako menyok tamirmirietab Jehovah? ¹⁷ Ng'o ngem chi hekalutab Jehovah, kong'eme Jehovah amu tilil hekalutab Jehovah o u noto akwe. ¹⁸ Amagenke chi, ng'o mi chi kwenung'ung' ne tooku ko ng'om eng' ng'wenyuni ng'o koek ne berber asi koek ne ng'om. ¹⁹ Amu ng'omotetab ngwenyuni ko berberiet eng' Jehovah. Amu sirat kele, "inenedet ko namei che ng'omen eng' ng'aiseng'wai. ²⁰ Ingen Kiptayat kabwatutikab ng'amotik kokeny kole buch. ²¹ Noto anyun matotororke chi eng' biko amu chigwok tuguk tugul. ²² Ngo Paulo, ana Apolos, anan Kepa anan ng'weny anan sobondo anan meet, anan tuguk che mi, anan tuguk che bwoni. Tugul ko chekwok. ²³ ak obo Kristo ak Kristo ko bo Jehovah.