¹ Ako kianyonjok, tupchosiechu, ko ki ma anyo eng' anyinyindab n'galalet anan ne bo ng'omnotet, anyo aboruok baornatetab Jehovah. ² Amu kiatil ale ko manai kiy ake tugul eng' kwenung'wong' kobate Jeiso Kristo ne kigigartat. ³ Ak kiami kobotook eng' nyalulnatet, ak eng' kaiyweisiet ak eng' botanet neo. ⁴ Ako ng'alalennyu ak ng'olyondennyu ne kiaamdoi ko kima ko ng'alekab kagaigaet che bo ng'omnotet,ago eng' kaborunetab Tamirmiriet ak ne bo kamuktaet. ⁵ Asimatelele kayaneng'wong' ng'omnotetab biko ako eng' kamuktaetab Jehovah. ⁶ Ako kimwoe ng'omnotet eng' kwenutab che itititotin ama eng' ng'omnatetab ng'weny, anan ne bo bouinikab ng'weny che eku buch. ⁷ Ako king'ololi ng'omnatetab Jehovah eng' ung'otiet, notone kigeuny ,ne kiga sib kong'at Jehovah agobo torornatennyo ye kitomo kobiit ng'weny. ⁸ Ne kimanai age tugul eng' bounikab ng'wenyuni, amu nda kiganai nda kimokokortoti Kiptaiyat ne bo torornatet. ⁹ Ako ko u ye siraat," Mami kong' ne kikokeer anan itit ne kikokas, ana kochut mugulel ne bo chi tuguchu che kikochobchi Jehovah icheket che chamei indendet". ¹⁰ Ako king'ong'wech Jehovah achek eng' tamirmirienyi, amu isiachi tamirmriet tuguk tugul akot tuguk che ung'otin che bo Jehovah. ¹¹ Tos ng'o ne ingen tugukab chi kobate tamirmirietab chichoto, u noto, tukukab Jehovah ko mengen chi kobate tamirmirietab Jehovah. ¹² Ago kima kitaach tamirmirietab ng'weny, ako tamirmirietab Jehovah, asi kekuiye ¹³ Tuguk che kimwoe, ko ma ng'alek che ineti ng'omnotetab chi, ako che ineti tamirmiriet tugukab ne tilil, kiroke tugukab tamirmiriet. ¹⁴ Ako matoche chito ne mi eng' borto tuguk che bo tamirmirietab Jehovah, amu berberiet eng' inendet amemuchi koguiyo amu kiguitos eng' tamirmiriet. ¹⁵ inendet ne mi eng' tamirmiriet koruokchin tuguk tugul, ameruokchini chi indendet. ¹⁶ Amu ng'o ne kigonai kabwatutikab Kiptaiyat, Si kobiit konet indendet? ago kitinye ache kabwatutikab Kristo.