¹ Balalu Saulus lei manyetujui pampatei Stefanus hio.Saulus membinasakan Jemaat ta Yerusalem ta andrau hio,isa penganiayaan hante jari nadap Jemaat ta Yerusalem,balalu here kaluhan ta pisah gi wilayah-wilayah Yudea nihi Samaria,kecuali here rasul. ² papire ulun saleh ngogang bangkai Stefanus nelang ma hawi kiak akai sa kaliho hante nadap e. ³ Tapi,Saulus ba usaha nampatei jemaat nihi suluk gi lewu lei lewu.aye nyujut laki nihi wawei,balalu nyarah here gi penjara."Filipus membritakan Injil ta Samaria ⁴ Balalu,here sa haot ta pisah hio ba kaliling nelang membritakan Injil. ⁵ Filifus minau gi isa kota ta Samaria nelang nampe hal Kristus. ⁶ Balalu,ulun ajoh nihi sa atei memperhati inon sa Filipus panner katika here ngarengei nihi nginni tanda-tanda ajaib sa na ulah e. ⁷ Gene,roh-roh jahat balua tekei ulun-ulun sa na suluk e,nelang kamiak nihi lengan sa mehet,nelang ajoh ulun lumpuh sa kepa sa na samare. ⁸ Gene hio,naan tangar kota hio. ⁹ Tapi,naan erang kulun laki ba ngaran Simon sa samete e haot ngulah sihir ta kota nihi ngulah dodor kaluhan ulun Samaria,nihi ngantuh bahwa areb e ulun hante. ¹⁰ kaluhan ulun,mulai tekei sa panga halus hampe ulun panga hante,ngeau,"ulun iti aye hio kuasa Allah sa na antuh `Hante`." ¹¹ Maka,here ngami perhatian napot aye gene haot kalina lawah e aye haot ngulah here dodor nihi ilmu sihir e. ¹² Tapi,udi ulun-ulun hio harap Filipus sa membritakan Injil gene kerajaan Allah balalu aran Kristus Yesus,here na baptis,maeh laki atawa wawei. ¹³ Bahkan,Simon kakareb harap nihi udi aye na baptis,aye tarus bakarieet nihi Filipus,balalu katika ngini ajoh mukjizat nihi tanda-tanda ajaib sa jari,aye jari kagum. ¹⁴ Tangar waktu hio,katika rasul-rasul ta Yerusalem ngarengei aye hio ulun-ulun Samaria haot narime Firman Allah,here mangutus Petrus nihi Yohanes napot ulun-ulun ta aro, ¹⁵ sa hawi palus badoa gi here mat here narime Roh Kudus. ¹⁶ Gene,Roh Kudus mete minau entu erang kulun lei tekei here,here ekat haot na baptis ta huang aran Tuhan Yesus. ¹⁷ Balalu,Petrus nihi Yohanes ngandak tangan e entu here balalu here narime Roh Kudus. ¹⁸ Katika Simon nginni bahwa Roh Kudus na ami nangkah andakan tangan rasul-rasul,Simon manawari duit napot rasul-rasul hio, ¹⁹ nihi ngeau,"ami lei ga kuki kuasa iti mat satiap ulun sa napot aye kuki ngandak tanganku sagar narime Roh Kudus." ²⁰ Tapi,Petrus ngeau napot Simon,"mudahan duitnu hio binasa hayak kayo gene kayo ngono kayo haot kiuh karunia Allah nihi duit! ²¹ kayo bakoi naan bagian atawa hak huang hal iti gene atei nu bakoi witu ta hadap Allah. ²² Jari, batobatlah tekei kejahatan nu iti nihi berdoalah napot Tuhan mat,amun mungkin,aheng atei nu kiuh na ampun kan napot kayo. ²³ Gene,kuki nginni bahwa kayo naan ta huang amperu sa mapait nihi huang jarat kejahatan." ²⁴ Tapi,Simon nuing palus ngeau,"ba doalah napot Tuhan mat gi kuki mat inon sa haot na antuh kayo bakoi nukun kuki." ²⁵ Balalu,udi Petrus nihi Yohanes bersaksi nihi bujur-bujur nihi ngantuh Firman Tuhan,here waleng gi Yerusalem nelang membritakan Injil gi ajoh tumpuk ulun Samaria.Filipus Napandrus Ulun Etopia ²⁶ Udi hio,malaikat Tuhan bapander napot Filipus,eau e,"buan bo balalu tulak bo gi selatan,gi lalan sa minau tekei Yerusalem napot Gaza.lalan hio aye lalan sa suni." ²⁷ Filipus balalu buan palus tulak.balalu katena lah ulun Etopia,sa ye hio sida-sida tekei pejabat pengadilan Sri Kandake,Ratu Kerajaan Etopia.aye batanggung jawab entu kaluhan harta sang ratu.aye haot hawi gi Yerusalem mat beribadah, ²⁸ balalu rahat waleng mudi,nelang maharung ta huang kereta e nihi ngabaca kitab Nabi Yesaya. ²⁹ Balalu,Roh ngeau napot Filipus,"tulak palus ba gabunglah nihi kereta hio." ³⁰ Balalu,Filipus nempat napot kereta hio nihi karengei ulun hio rahat ngabaca kitab Nabi Yesaya.Filipus nane nihi aye,"inonkah tuan paham inon sa rahat na baca tuan?" ³¹ Balalu,ulun hio nuing,"kalawe kuki tau,kecuali erang kulun ngabimbing kuki?" balalu,aye mangundang Filipus mat mambai nihi maharung hayak aye. ³² tangar wayah hio,bagian tekei Kitab Suci sa rahat na baca e iti,"aye na tunda sameh erang kikui domba napot uneng penyembelihan,balalu sameh erang kikui anak domba samete na gunting wulu e nga muna hampe aye nguka wawa E. ³³ Huang kahinaan E, ka bakoi adilan na siau tekei Aye.Hie sa kiuh ngesah katurunan E. hie sa kiuh ngesah katurunan E ? gene,welum E haot na siau tekei bumi." Yes. 53:7-8 ³⁴ Udi hio,sida-sida hio nuing nihi ngeau napot Filipus,"Kuki lako napot kayo,hal hie sa nabi ngeau iti,hal areb e kakareb atawa gene ulun lain?" ³⁵ Balalu,Filipus nguka wawa e,balalu mulai tekei Kitab Suci iti,aye berkhotbah gene Yesus napot aye. ³⁶ Balalu,waktu here tulak nebu lalan here hampe sa baranu,nihi sida-sida hio ngeau,"inni bo,naan ranu!inon sa ngahalang kuki mat napandrus?" ³⁷ [Balalu,Filipus ngeau,"amun tuan harap nihi sa penu atei tuan,tuan kiuh."Balalu,aye nuing nihi ngeau,"kuki harap bahwa Kristus Yesus aye hio Anak Allah."] ³⁸ Udi hio,sida-sida hio nunyu kereta mat tunduk.Balalu,here barueh minau gi ranu,Filipus nihi sida-sida hio,balalu Filipus napandrus e. ³⁹ Udi here rueh balua tekei ranu,Roh Tuhan nunda Filipus tulak,balalu sida-sida hio bakoi nginni e lagi,balalu nampalus kiaan here nelang sanang atei. ⁴⁰ Tapi,Filipus kahaba areb e naan ta Asdod,nihi katika aye nangkah uneng hio,aye membritakan Injil gi kaluhan kota hampe aye hawi ta Kaisarea.