Pembelaan Stefanus 1 Udi hio,Imam hante ngeau,"inon kah bujur sameh hio?" 2 Balalu,Stefanus ngeau,"pulaksanai-pulaksanai namput Ambah-ambah,rengei kuki.Allah Sa Mahamulia tena napot itak uyut takam,Abraham,katika aye masih muneng ta Mesopotamia,sa mete aye tangar Haran, 3 balalu ngeau napot aye,`tulak bo tekei tane nu nihi kaluhan pulaksanai nu,balalu hawi bo gi tane sa sagar na tutui napot kayo.` 4 Udi hio,Abraham nanan tane ulun Kasdim balalu muneng ta Haran.balalu tekei aro,udi ambah e nanan,Allah nunyu e pindah gi tane iti,uneng wayah iti kayo muneng. 5 Tapi,Allah bakoi ngami warisan napot aye,bahkan satapak tane lei bakoi,tapi bajanji mat ngami e napot Abraham sebagai ampun aye nihi katurunan udi aye,biar lei Abraham mete naan anak. 6 Tapi,Allah ngeau sameh iti,bahwa katurunan e sagar jari ulun sa hawi ta tane sa asing nihi bahwa here sagar jari walah nihi na aniaya salawah epat jatuh taun. 7 Tapi,Kuki sagar nukum bangsa sa ngajari here walah,`eau Allah,`Balalu,udi hio here sagar balua tekei aro palus beribadah napot Kuki ta uneng iti.` 8 Balalu,Allah ngami napot Abraham perjanjian sunat,balalu Abraham jari ambah Ishak palus manyunat e waktu ba umur walu andrau,balalu Ishak jari ambah Yakub,nihi Yakub,ka rueh belas ambah leluhur. 9 Gene bahiri nihi Yusuf,ambah leluhur takam matang e gi Mesir.tapi,Allah ngahayak Yusuf, 10 balalu nyalamat e tekei kaluhan ka rara,namput ngami e anugrah nihi kebijaksanaan ta hadap Firaun,Raja Mesir nihi kaluhan istana e. 11 ta isa katika,bencana kaluan nukun ta kaluhan Mesir nihi Kanaan,balalu ngulah ka rara sa hante tuu,nihi itak uyut takam bakoi kiuh panguta. 12 Tapi,katika Yakub ngarengei bahwa naan gandum ta Mesir,aye nuyu itak uyut takam hawi gi aro mat kaisa kali e. 13 ta ka hawi sa karueh,Yusuf ngulah areb e na kataru ulah pulaksanai-pulaksanai e,nihi kaluarga Yusuf jari tena mat gi Firaun. 14 Udi hio,Yusuf ngirim pesen palus mengundang Yakub,amah e,nihi kaluhan sanak pulaksanai e,kaluhan e ba jumlah 75 jiwa. 15 Balalu,Yakub minau gi Mesir hampe matei ta aro,aye namput itak uyut takam. 16 Tekei aro,here na tapindah gi Sikhem palus ta tampakading ta ogang sa haot na widi Abraham nihi sa jumlah duit tekei anak-anak Homer ta Sikhem. 17 Tapi,katika magin riett waktu perjanjian hio,sa haot Allah ikrarkan napot Abraham,bangsa hio batambah nihi na lipat gandakan ta Mesir, 18 hampe naan raja lain buan entu kaluhan Mesir, sa bakoi karasa gene Yusuf. 19 Raja hio ngusik bangsa takam palus nampahanang itak uyut takam hampe mamaksa here ngumpe awau-awau here hampe here bakoi kiuh batahan welum 20 Ta wayah hio,Musa lahir nihi aye segah tuu ta mate Allah.Balalu Musa na asuh ta lewu ambah e salawa telu wulan. 21 Balalu,katika aye haot na umpe,putir Firaun ngalap e balalu nyamelum e sameh nihi anak e kakareb. 22 Balalu,Musa na didik huang kaluhan hikmat ulun-ulun Mesir nihi aye bakuasa huang pamaneran nihi gawian e. 23 Tapi,katika Musa genep ba umur enem pulu taun,balua tangar huang atei e mat ganta pulaksanai-pulaksanai e,aye hio katurunan Israel. 24 Balalu,katika kakinni isa tekei here na ulah nihi bakoi adil ulah ulun Mesir,Musa hawi ngabela ulun sa na tampahanang hio balalu ngabalas e nihi munu ulun Mesir hio. 25 Musa nanguh bahwa pulaksanai-pulaksanai e sagar paham bahwa Allah ngami here keselamatan nangkah areb e,tapi here bakoi paham. 26 tangar andrau katuni e,Musa hawi napot ulun Israel sa rahat palakat,balalu aye ba usaha ngahelang here,nihi ngeau,`ui,bakoi kah kaon naan hubungan pulaksanai,wuah inon sameh bakahanang? 27 Tapi ulun sa nampahanang pulaksanai e hio nyuun Musa gi pampang nelang ngeau,`hie sa ngajari kayo penguasa nihi hakim entu kami? 28 inonkah kayo kakan munu kuki sameh kayo munu ulun Mesir hio kariwe?` 29 Ngarengei paneran ulun hio,Musa mahulu areb e balalu jari pendatang ta tane Midian. Tangar aro,aye jari ambah rueh kulun nakia laki. 30 Hayak genep epat pulu taun,erang kulun Malikat nyantarang areb e napot Musa tangar pulau haket gunung Sinai,huang lela apui ta rikut runrui. 31 Katika Musa nginni e,aye waoh nihi panginni hio.Balalu,katika aye ngariet mat nyantena e,hawilah lengan Tuhan, 32 Kuki lah Allah itak uyut nu,Allah Abraham,nihi Allah Ishak,nihi Allah Yakub;Musa balalu neter katakut nihi bakoi heei mat nyantena e. 33 Udi hio,Tuhan bapander napot aye,`uka bo sandal tekei pee nu gene uneng sa taawe kayo mindri aye hio tane suci. 34 Kuki bujur-bujur haot kakiini ka rara umat Ku sa naan tangar Mesir balalu haot karengei rintihan here.Balalu,Kukihaot minau mat nyalamat here.Balalu wayah iti ayu bo,Kuki sagar mangutus kayo gi Mesir.` 35 Musa,sa haot na tulak here nihi ngeau,`hie kah sa ngajari kan kayo penguasa nihi hakim entu kami? Aye hiolah ulun sa Allah utus mat jari,maeh penguasa atawa penyelamat,nangkah tangan malaikat sa nyantarang kan tenga e napot aye tangar pulau haket runrui. 36 ulun iti mimpin here balua,nelang ngulah mujizat nihi tanda-tanda ajaib ta tane Mesir,nihi laut mariang,nihi tangar padang haket salawah epat pulu taun. 37 Musa iti lah sa ngeau napot bangsa Israel,`Allah sagar nampa buan napot kayo erang kulun Nabi sameh kuki tekei helang pulaksanai-pulaksanainu`. 38 Aye iti aye hio ulun sa naan ta penah jemaat ta pulau haket hayak malaikat sa bapander napot aye ta gunung Sinai,balalu hayak itak uyut takam,balalu aye haot narime Firman sa welum mat naami napot takam. 39 Itak uyut takam menolak amt taat napot musa,tapi manyingkir aye balalu ngaheng waleng gi Mesir huang atei here, 40 nihi ngeau napot Harun,`ulah gi kami dewa-dewa sa sagar takia tahadap kami gene Musa iti,sa mimpin kami balua tekei tane Mesir,kami bakoi kataru inon sa haot jari tangar aye,` 41 Tangar waktu hio,here ngulah erang kua patung anak lembu,balalu ngami persembahan napot berhala hio,nelang ba sorak sorai nihi ulahan tangan here. 42 Tapi,Allah ba waleng tekei here palus maladar here menyembah bala tentara langit,sameh sa ta tulis huang kitab here nabi,`inonkah kaon nunda napot Kuki satua samalis an nihi persembahan salawah epat pulu taun tangar pulau haket,ui umat Israel ? 43 Kayo nunda kemah Molokh nihi satua dewa nu,Refan,patung sa na ulah nu mat menyembah e,balalu Kuki sagar ngumpe kayo gi sabarang Babel.` Am.5 : 25-27 44 Itak uyut takam naan Kemah Kesaksian ta huang haket,sameh sa Allah huyu katika ba pander napot Musa,mat ngulah e sameh nihi gambaran sa na inni e. 45 Udi narime kemah hio,itak uyut takam nunda e suluk hayak Yosua,waktu nyiau tane here bangsa-bangsa lain,sa haot na singkir kan Allah tekei hadap itak uyut takam,hampe ta zaman Daud. 46 Daud kiuh ahi lelu tangar hadap Allah nihi lako mat kiuh uneng muneng mat gi Yakub. 47 Tapi,Salomo sa nambuan isa lewu mat gi Aye. 48 Tapi,Sa panga entu bakoi muneng huang lewu sa na ulah ulah tangan murunsia,sameh sa na antuh ulah Nabi, 49 `Langit aye hio tahkta Ku balalu Bumi aye hio tumpuaan pee Ku.lewu inon kah sa sagar na tambuan kayo mat gi Kuki? 50 Bakoi kah tangan Ku sa ngulah kaluhan iti? Yesaya 66 : 1-2 51 Ui,kayo ulun-ulun sa mape ulu,nihi atei nihi silu sa bakoi basunat,kayo nawan tarus Roh Kudus,sameh sa na ulah itak uyut nu! 52 Nabi-nabi awe sa bakoi na siksa ulah itak uyut nu? balalu,here munu ulun-ulun sa samete e haot mengumumkan pa hawian sangkebenaran,sa wayah iti haot ngajari tenga nu kakareb jari penghianat nihi pamunu. 53 Kayo,sa haot narime Hukum Taurat sameh haot na kahampe ulah here malaikat,tapi kayo bakoi ngajaga e ! "Stefanus na wunu 54 Katika here ngarengei hal-hal iti,atei here ta suduk balalu gagiri dipen here napot Stefanus. 55 Tapi,Stefanus sa na tampenu Roh Kudus dodor gi langit nihi kakinni kemuliaan Allah,nihi Yesus mindri tangar tuhi kawan Allah. 56 Stefanus ngeau,"Rengei! kuki kakinni langit ta uka balalu Anak Murunsia mindri ta tuhi kawan Allah." 57 Tapi,here kamiak kamakai nihi lengan mehet,balalu nutup silu here,balalu sapakat nyarang Stefanus. 58 Balalu,here nyujut e gi wading tumpuk balalu mulai medak aye nihi watu.Udi hio,here saksi mate nguka jubah here tangar pee erang kulun muda sa bangaran Saulus. 59 Balalu,here tarus nampahanang Stefanus sa rahat kamiak nelang ngeau,"Tuhan Yesus,tarime lah roh ku." 60 Udi hio,udi balutut,aye kamiak nihi lengan sa mehet,"Tuhan,ada nampa tanggung dosa iti gi here!"Balalu,udi ngantuh hio,aye lei matei.