Pitu ulun na pidi mat gi pelayanan khusus ¹ tangar andrau-andrau hio,katika jumlah murid tarus batambah,isa wada an timul tekei ulun-ulun Helenis nadap ulun-ulun Ibrani asli gene walu-walu here haot na abai huang pelayanan kutaan tiap andrau. ² Balalu,ka rueh belas rasul hio nerau kaluhan murid palus ngeau,"bakoi wuah mat gi kami mat nga abai Firman Tuhan gi melayani meja. ³ Gene hio,pulaksanai-pulaksanai,pidi bo pitu ulun ta helang kaon sa ta bukti maeh,penu nihi Roh Kudus namput hikmat,sa sagar na enat kami mat tugas iti. ⁴ rahat lei,kami sagar bertekun huang doa nihi huang pelayanan Firman." ⁵ paneran hio nampasanang atei kaluhan ulun.Balalu,here midi Stefanus,ulun sa penu nihi iman namput Roh Kudus,nihi Filipus,Prokhorus,Nikanor,Timon,Parmenas,nihi Nikolaus,erang kulun proselit tekei Antiokia. ⁶ Here iti nunda napot hadap here rasul,udi hio badoa,here rasul menumpangkan tangan here entu kapitu ulun hio. ⁷ Firman Allah tarus ta hampe nihi jumlah murid ta Yerusalem magin batambah.bahkan,sa kalompok hante imam jari nuu napot iman hio."Stefanus na japut ⁸ Balalu, Stefanus,penu nihi anugrah nelang kuasa,haot ngulah hal menakjubkan nihi tanda-tanda ajaib ta pulau ulun ajoh. ⁹ Tapi,papire ulun tekei Sinagoge sa na antuh ulun-ulun Libertini,maeh ulun-ulun Kirene atawa ulun-ulun Aleksandria,nihi papire tekei Kilikia namput Asia,buan palus ba soal nihi Stefanus. ¹⁰ Tapi,here hio bakoi kiuh nawan kebijaksanaan nihi Roh sa nihi Aye Stefanus ba paner-paner. ¹¹ Balalu,nihi suni-suni here nyansawung papire ulun mat ngeau,"kami haot ngarengei ulun iti ngantuh paneran-paneran hujatan nadap Musa nihi Allah!" ¹² Balalu,here nyuun ulun ajoh,tueh-tueh,namput ahli-ahli Taurat,balalu nutah Stefanus,nyaput e,balalu nunda e gi hadap Sanhedrin. ¹³ Here ngahadap saksi-saksi palsu sa ngeau,"ulun iti bakoi piji tadoh ngantuh hal-hal sa nawan uneng Kudus iti nihi hukum Taurat. ¹⁴ Gene,kami haot karengei aye ngantuh bahwa Yeus tekei Nazaret sagar nampa lenuh uneng iti nihi mangubah adat istiadat sa haot na wariskan Musa napot takam." ¹⁵ Balalu,katika nginni rai Stefanus,kaluhan ulun sa maharung huang Sanhedrin kakinni rai e sameh rai malaikat.