Ananias dan Safira mencoba Roh Tuhan ¹ tapi,naan erang kulun laki baaran Ananias,namput harau e,Safira,matang harata ampun e. ² Balalu,nihi pangarasa harau e,Ananias nyiok mehe e hasil sa na batang e mat tenga e kakareb,balalu ekat nunda mehe e,balalu ngandak e ta hadap pee here Rasul. ³ Tapi,Petrus ngeau,"Ananias,wuah inon Iblis nampenu atei nu hampe kayo namposo napot Roh Kudus balalu nangkeng mehe e hasil matang tane hio? ⁴ katika mete na batang,bakoi lah tane hio naan ta kapit kuasa nu?wuah inon kayo ngono uluhan iti tangar huang atei nu?kayo bakoi namposo napot murunsia,tapi napot Allah." ⁵ Balalu,katika ngarengei paneran hio,Ananias lawu nihi nyanapas hewuk e sa pangalis e.maka jari kanakut isa hante napot kaluhan ulun sa ngarengei hal hio. ⁶ paire ulun bujang hawi,mungkus e,balalu ngenat e gi wading,palus ngogang e. ⁷ Udi hio,huang waktu kira kira telu jam,harau Ananias hawi,tapi aye bakoi karasa inon sa haot jari. ⁸ Balalu,Petrus ngeau napot aye,"wara napot kuki,inonkah kayo matang tane hio nihi uman sa hante iti?" balalu Safira ngeau,"oi,sa hante hio." ⁹ Udi hio Petrus ngeau napot aye,"wuah inon kayo nihi wane nu mapakat sasameh mat mencoba Roh Tuhan?inni,bakas-bakas pee ulun sa haot ngogang wane nu pagun naan ta hadap wanawang palus here lei sagar ngaun kayo balua." ¹⁰ Salenga,Safira lawu ta hadap pee Petrus palus nampalua hewuk e sa pangalis.katika here ulun bujang suluk,here kakinni Safira haot matei,balalu here ngaun e balua palus ngogang e tangar tuhi wane e. ¹¹ Balalu,jari kanakut sa hante ta helang kaluhan Jemaat nihi ulun-ulun sa ngarengei hal iti."Tanda-tanda Ajaib tekei Allah ¹² Ajoh tanda ajaib nihi mukjizat jari ta helang ulun ajoh nangkah tangan here Rasul nihi here kaluhan nihi isa atei muneng tangar Serambi Salomo. ¹³ Bakoi naan tekei sa lain e nam pa maleh areb e mat bagabung nihi here,tapi ulun-ulun nawat here tuu. ¹⁴ Balalu,naan magin ajoh jumlah ulun harap huang Tuhan,sa jumlah hante,maeh hio laki namput wawei lei. ¹⁵ Gene hio,here lei ngaun ulun-ulun maringin gi lalan-lalan balalu nampakading here ta entu tandu nihi tilam jerami mat Petrus hawi,panga bakoi e amma e kiuh wuah papire tekei here. ¹⁶ Lei,naan ajoh ulun tekei kota-kota ta iring Yerusalem hawi ngahayak,nunda ulun -ulun maringin nihi here sa na rasuk roh-roh jahat.here keluhan na samare. "Here Rasul na japut ¹⁷ Tapi,here imam hante buan,hayak here sa nutah e,aye hio golongan Saduki,* nihi here na tampenu nihi atei bahiri. ¹⁸ Here nyaput kawan Rasul palus nampasuluk e gi huang penjara umum. ¹⁹ Tapi,ta kamalem andrau,erang kulun malaikat Tuhan nguka wanawang-wanawang penjara,ngayak here balua,palus ngeau, ²⁰ "Tulak,mindri,nihi wara bo nihi ulun - ulun ta Bait Allah kaluhan Firman gene pamelum iti." ²¹ Balalu,udi here ngarengei e,tangar waktu subuh,here suluk gi huang Bait Allah balalu mulai ngajar.katika imam hante nihi ulun-ulun sa hayak aye hampe,here mengumpulkan Sanhendrin nihi kaluhan tueh-tueh Israel,balalu nuyu ulun gi penjara mat nunda Rasul-rasul hio nadap here. ²² Tapi,katika ulun-ulun huyu an hio hampe,here bakoi kahalu karueh rasul hio ta penjara.Udi hio,here waleng balalu ngami laporan, ²³ nihi ngeau,"kami kahalu penjara hio ta kunci nihi kaluhan pengamanan nihi here penjaga mindri tangar hadap wanawang,tapi katika kami nguka e,kami bakoi kahalu erang kulun lei ta huang e." ²⁴ Balalu,katika kapala penjaga Bait Allah nihi here imam kepala ngarengei paneran hio,here bingung tuu nihi here rasul hio palus ba santane kala awe tau hal hio kiuh jari. ²⁵ Udi hio,erang kulun hawi balalu mawara gi here,"inni bo! ulun-ulun sa kayo pasuluk gi huang penjara rahat mindri ta Bait Allah nihi ngajar ulun ajoh." ²⁶ Balalu,kepala penjaga Bait Allah namput pengawal e tulak nihi nunda rasul-rasul hio,tapi bakoi nihi kakarasan gene here takut na pedak watu ulah ulun ajoh. ²⁷ Katika here haot nunda Petrus nihi Yohanes,here nampahadap here napot Sanhedrin.balalu,Imam hante nane here, ²⁸ eau e,"kami haot nguring kayo nihi mehet mat bakoi lagi ngajar ta huang aran hio,tapi kayo haot nampenu Yerusalem nihi ajaran nu palus kayo ba aheng mat mananggungkan ira ulun iti napot kami." ²⁹ Tapi,Petrus nihi here rasul nuing,"kami harus labih nuu Allah tekei murunsia. ³⁰ Allah itak uyut takam haot nambuan Yesus,sa haot na wunu kayo nihi ngagantung e ta kayu salib. ³¹ Allah nampa entu Aye ta tangan kawan E jari pemimpin nihi Juru Selamat mat ngami pertobatan gi Israel palus pangampunan entu dosa-dosa. ³² Balalu,kami aye hio saksi-saksi tekei kaluhan iti,balalu kala hio lei Roh Kudus,sa haot na ami Allah napot ulun-ulun sa nuu E." ³³ Katika here ngarengei hal hio,atei here ta sodok balalu ngaheng munu here rasul hio. ³⁴ Tapi,erang kulun Farisi bangaran Gamaliel,erang kulun guru Taurat sa na hormati kaluhan ulun,mindri tangar hadapan Sanhendrin balalu nuyu mat here rasul hio na tunda gi wading tawelek ³⁵ Balalu,aye ngeau napot here,"ui ulun-ulun Israel,na perhati nihi mamaeh inon sa sagar na ulah kayo nadap ulun-ulun iti. ³⁶ Gene,papire waktu sa ari,Teudas buan,mangaku areb e jari ulun penting balalu kira-kira naan epat jatuh ulun sa ba gabung nihi aye.tapi,aye na wunu balalu kaluhan sa uma aye pa hamur,hampe bakoi naan tisai e. ³⁷ Udi Teudas,Yudas tekei Galilea buan,ta andrau-andrau sensus,balalu nyujut ajoh ulun mat nutah aye.Aye na wunu lei nihi kaluhan ulun sa nutah aye pa hamur. ³⁸ Gene hio,huang hal iti,kuki menasehat kan kaon: sanawit ulun-ulun iti balalu elah e here.gene,amun aheng namput gawian iti ba asal tekei murunsia,hal hio bakoi sagar bahasil. ³⁹ Tapi,amun aheng iti baasal tekei Allah,kaon bakoi sagar kiuh nyantadoh e.bahkan kaon na tau na kahalu rahat nawan Allah." ⁴⁰ Here nuu nasihat Gamaliel.udi hio,udi nerau ka rueh belas rasul hio,here ngompak karueh e palus nguring here Rasul mat bapander huang aran Yesus,balalu nyanapas e, ⁴¹ Gene hio,rasul-rasul hio tulak tekei hadap Sanhedrin nihi sanang atei gene here na anggap susuk rara na hina gene aran E. ⁴² Balalu,satiap andrau,ta Bait Allah nihi ta lewu gi lewu,here bakoi piji tadoh ngajar nihi nampe kabar Injil abhwa Yeus aye hio Kristus.