Saulus jari pa nutah Yesus ¹ Tapi,Saulus,nelang tarus ngulah ancaman nihi munu here murid-murid Tuhan,tulak nadap Imam hante, ² Balalu lako surat tekei e,sa nuju napot Sinagoge-Sinagoge ta Damsyik hampe aye kahalu hie lei sa harap napot Lalan hio,maeh laki atawa wawei,aye kiuh nunda here mat na belenggu ta Yerusalem. ³ salawah aye rahat takia,aye magin riet nihi Damsyik,balalu salenga isa cahaya tekei langit mamancar ngaliling aye. ⁴ Balalu,aye lawu gi tane nihi karengei lengan sa ngeau napot aye,"Saulus,Saulus,wuah inon kayo nampahanang Kuki?" ⁵ Saulus nane,"hie sa Kayo,Tuan?" Balalu,Aye ngeau,"Kukilah Yesus,sa kayo tampahanang. ⁶ Tapi,buan bo palus suluk bo gi huang kota,balalu kayo sagar na wara inon sa harus kayo gawi." ⁷ Ulun-ulun sa tulak hayak nihi Saulus mindri bakoi naan eau udi karengei lengan hio,tapi bakoi kakinni hie lei. ⁸ Saulus mindri tekei tane,balalu biar bo mate e tauka tapi aye bakoi kakinni inon-inon.balalu ulun-ulun hio nga gandeng aye nihi tangan palus nunda aye suluk gi Dmasyik. ⁹ Balalu,salawah telu andrau,Saulus bakoi kiuh nginni nihi lei bakoi kuman atawa ngoot. ¹⁰ Ta wayah hio,naan erang kulun murid ta Damsyik,ba ngaran Ananias.Tuhan bapander napot aye huang isa panginni,"Ananias!"balalu Ananias ngeau,"iti kuki,Tuhan." ¹¹ Balalu,Tuhan ngeau napot aye,"buan palus tulak bo gi lalan sa naantuh lalan lurus,balalu ta lewu Yudas,lupui bo ulun Tarsus sa bangaran Saulus gene,inni bo,ulun hio rahat lako doa, ¹² balalu aye haot kakinni isa panginni bahwa erang kulun bangaran Ananias hawi ngandak tangan ta entu e mat aye tau nginni lagi." ¹³ Tapi,Ananias nuing,"Tuhan,kuki haot karengei tekei ajoh ulun gene ulun iti,kala awe ajoh e kajahat sa haot na ulah e nadap umat kudus nu ta Yerusalem, ¹⁴ balalu ta iti aye naan kuasa tekei imam-imam kepala mat membelenggu kaluhan ulun sa nerau aran Nu." ¹⁵ Tapi,Tuhan ngeau napot aye,"tulak bo gene ulun iti aye hio alat sa na pidi Ku mat nunda aran Ku gi hadap bangsa-bangsa lain,nihi raja-raja,namput bangsa Israel. ¹⁶ Gene,Kuki sagar nutui napot aye kalaawe ajoh e aye harus rara gene aran Ku." ¹⁷ Balalu,Ananias tulak palus suluk gi lewu hio,balalu udi aye ngandak tangan e ta entu Saulus,aye ngeau,"pulaksanai Saulus,Tuhan Yesus,sa nyantarang areb e napot kayo huang jalanan nu gi iti,haot ngutus kuki mat kayo kiuh ngini lagi balalu na tampenu nihi Roh Kudus." ¹⁸ Balalu,ta wayah hio lei,banda sameh sihi kenah lawu tekei mate e balalu aye kiuh ngini lagi.udi hio,udi hio aye buan palus na baptis.Saulus mulai Membritakan hal Yesus ¹⁹ Balalu,udi kuman,Saulus na kuatkan.aye hayak murid-murid ta Damsyik salawah papire andrau. ²⁰ Balalu,hinang aye membritakan Yesus ta Sinagoge-sinagoge nelang ngeau,"Yesus Aye lah Anak Allah." ²¹ Kaluhan ulun sa ngarengei e takjub balalu ngeau,"bakoi kah aye iti sa naan ta Yerusalem munu here sa ngantuh ngaran hio nihi sa haot hawi gi ina nihi aheng nunda here huang keadaan terbelenggu gi hadap imam-imam kepala?" ²² Tapi,Saulus jari magin gagah palus nampa bingung ulun-ulun Yahudi sa muneng ta Damsyik nihi ngabuktikan bahwa Yesus aye hio Kristus."Saulus lapas nekei papire kulun Yahudi ²³ Udi genep papire andrau,ulun-ulun Yahudi mapakat sasameh mat munu Saulus, ²⁴ tapi kesapakatan here hio haot na karasa ulah Saulus.here nyaga pintu-pintu gerbang kaandrau nihi kamalem mat here kiuh munu e. ²⁵ Tapi,murid-murid Saulus nunda e tangar malem balalu nampinau e nangkah isa tembok nelang nyansolor e gi leba ta huang keranjang."Saulus ta Yerusalem ²⁶ Katika Saulus hampe ta Yerusalem,aye mencoba ba gabung nihi here murid.tapi,here kaluhan takut nihi aye gene bakoi harap bahwa aye murid lei. ²⁷ Tapi Barnabas ngagandeng Saulus balalu nunda e napot her rasul,balalu ngesah napot here kalawe aye haot kakinni Tuhan huang jalanan e,balalu Tuhan haot bapander napot aye,nihi kalawe aye nihi heei haot bapander huang aran Yesus ta Damsyik. ²⁸ Balalu,Saulus sasameh nihi here katika here suluk nihi balua tekei Yerusalem nelang bapander nihi heei huang aran Tuhan. ²⁹ Aye bapander nihi ba soal nihi ulun Helenis,tapi bausaha munu aye. ³⁰ katika pulaksanai-pulaksanai isa iman karasa hal iti,here nunda e minau gi Kaisarea nihi mengutus e gi Tarsus. ³¹ Gene hio,jemaat ta kaluhan Yudea,nihi Galilea,nihi Samaria kiuh damai nihi welum.balalu,welum huang takut nihi Tuhan balalu huang penghiburan Roh Kudus,here tarus batambah ajoh.Petrus tangar kota Lida nihi kota Yope ³² ta isa waktu,rahat Petrus ngaliling kaluhan wilayah hio,aye lei ganta ulun-ulun kudus sa muneng ta Lida. ³³ Ta aro,aye panalu erang kulun sa bangaran Eneas,sa haot makading bo tangar uneng mandre e salawah walu taun gene lumpuh. ³⁴ Balalu,Petrus ngeau napot aye,"Eneas,Kristus Yesus nyamare kayo.buan bo palaus tangkaeh uneng mandre nu!" Balalu,seketika hio lei,Eneas buan. ³⁵ Balalu,kaluhan ulun sa muneng ta Lida nihi Saron kakinni e palus here waleng napot Tuhan. ³⁶ Isa wayah,ta Yope,naan erang kulun murid wawei bangaran Tabita,sa amun na terjemahkan baarti Dorkas.Aye penu nihi ulahan maeh nihi gawian sadakah. ³⁷ Tangar andrau-andrau hio jari lah,aye maringin palus matei.Balalu,katika ulun-ulun haot na pandrus aye ,here nampa kading e ta ruang entu. ³⁸ Karena Lida naan ta riet Yope,here murid,udi ngarengei bahwa Petrus naan at aro,mangutus rueh ulun napot Petrus nihi lako awat napot aye,"ada manunda tulak gi uneng kami!" ³⁹ Balalu,Petrus buan nihi tulak hayak here.Balalu,aye hampe,here nunda Petrus gi ruang entu.kaluhan walu mindri tangar iring Petrus nelang nangis,nihi nutui tunik-tunik namput pakaian-pakaian lain e sa biasa e na ulah Dorkas wayah aye masih hayak nihi here. ⁴⁰ Tapi,Petrus nuyu here kaluhan balua,balalu berlutut nihi lako doa.udi hio,aye bapaling napot bangkai Tabita palus ngeau,"Tabita,buan bo!"balalu,wawei hio nguka mate e balalu katika aye nginni Petrus,aye maharung. ⁴¹ Balalu,Petrus nyasolor tangan e napot aye nihi ngawat aye mindri.Udi hio,nelang nerau ulun-ulun Kudus namput here walu,aye nutui bahwa Tabita welum. ⁴² Balalu,kejadian hio tersebar tangar kaluhan Yope,balalu ajoh ulun harap nihi Tuhan. ⁴³ Balalu,Petrus muneng sadang ka lawah e ta Yope bya erang kulun bangaran Simon erang kulun penyamak kulit.