Petrus nyamare ulun lumpuh ¹ Ta isa andrau,Petrus nihi Yohanes tulak gi Bait Allah tangar jam doa,aye hio tangra jam suei. ² Balalu,erang kulun laki sa lumpuh tekei huang wuntung ine e na enat.Setiap andrau here ngandak e ta pintu Gerbang Indah mat ngalako sadakah tekei ulun-ulun sa sagar suluk gi Bait Allah. ³ Katika aye ngini Petrus nihi Yohanes kakan suluk gi Bait Allah,aye lako sadakah. ⁴ Balalu,Petrus,hayak nihi Yohanes,ngadodor aye palus ngeau,"inni kami." ⁵ ulun lumpuh hio ngadodor Petrus nihi Yohanes,nelang baharap narime inon-inon tekei here. ⁶ Tapi,Petrus ngeau,"Kuki bakoi naan perak atawa amas,tapi sa kuki naan sagar na amiku napot kayo.Huang aran Kristus Yesus ulun Nazaret hio,buan palus takia bo!" ⁷ Udi hio,Petrus negei tangan kawan ulun hio palus ngawat aye mindri.waktu hio lei,pee nihi pergelangan nya jari gagah. ⁸ nihi nampetu,aye mindri balalu mulai takia.Balalu,aye suluk gi huang Bait Allah hayak Petrus nihi Yohanes,nelang takia,nihi nampetu-nampetu,nelang memuji Allah. ⁹ Kaluhan ulun nginni e takia balalu nyanawat Allah, ¹⁰ Balalu here kataru aye ulun hio lah sa biasa e maharung ta Gerbang Indah Bait Allah mat lako sadakah.Here na tampenu nihi perasaan takjub nihi kagum entu hal sa haot jari napot aye.Petrus bapander napot ulun ajoh ¹¹ Nelang ulun hio bategei nihi Petrus nihi Yohanes,kaluhan ulun nempat napot here ta sarambi sa na antuh Sarambi Salomo,nihi rasa takjub. ¹² Balalu,katika Petrus nginni e,aye ngeau napot ulun ajoh hio,"ui ulun-ulun Israel,wuah inon kayo ngadodor kami sameh nihi kuasa atawa kesalehan kami kakareb,kami haot ngulah ulun iti takia? ¹³ Allah Abraham,nihi Ishak,nihi Yakub,Allah itak moyang takam haot memuliakan hamba E,Yesus,sa kaon sarah nihi tulak ta hadap Pilatus katika aye haot mamutus kan mat nampa bebaskan Aye. ¹⁴ Tapi,kayo nulak Sa Kudus nihi wuah,nihi kayo ngalako erang kulun pa munu na sanepah napot kayo, ¹⁵ Balalu kayomunu sang pangami welum,sa haot Allah tambuan tekei helang ulun matei.Gene iti,kami aye hio saksi-saksi. ¹⁶ Balalu badasar Iman huang aran E,aye hio aran Yesus,haot menguatkan laki sa na inni kayo nihi na kataru iti.Nihi,iman sa hawi nangkah Aye haot ngami kesehatan sa sampurna napot laki iti ta hadap kayo kaluhan. ¹⁷ Wayah iti,pulaksanai-pilaksanai ku,kuki karasa bahwa kayo ngagawi huang kabakoi karasaannu sameh sa lei na gawi ulah here pemimpin nu. ¹⁸ Tapi,sa na hampe Allah samete e nangkah wawa kaluhan nabi bahwa Kristus sagar rara haot na genep E. ¹⁹ Ulah gene hio,batobat lah nihi babalik lah mat dosa-dosa nu na sanyawoh, ²⁰ hampe waktu kelegaan hawi tekei ka hawian Tuhan,nihi mat Aye mengutus Kristus sa haot na tetapkan napot kayo,aye hio Yesus, ²¹ Sa harus na tarime Surga hampe ta waktu pemulihan kaluhan hal sameh sa haot na eau Allah nangkah here nabi E sa kudus tekei zaman sadi. ²² Musa ngeau,`Tuhan Allahnu sagar na tambuan napot kayo erang kulun nabi sameh kuki tekei antara pulaksanai-pulaksanai nu kakareb.kayo harus ngarengei kaluhan hal sa na antuh e napot kayo. <sup>23</sup> Balalu sagar jari,setiap jiwa,sa bakoi ngarengei nabi hio sagar na lenyapkan tekei helang bangsa,` ²⁴ Balalu,kaluhan nabi sa piji bapander,mulai tekei Samuel nihi here sa haot e lei mawara andrau-andrau iti. ²⁵ Kaon aye hio keturunan tekei here Nabi nihi tekei perjanjian sa haot Allah ngulah nihi itak uyut nu,nihi ngeau napot Abraham,`nangkah umang nu,kaluhan umang ta muka bumi sagar na berkati,` ²⁶ Allah,udi ngabangkitkan hamba E,ngirim E napot kayo panga dahulu mat ngaberkati nu nihi ngulah setiap ulun tekei helang nu waleng tekei kejahatan."