Paulus tangar hadap Raja Agripa ¹ Balalu,Agripa ngeau napot Paulus,"kayo na ijinkan bapander mat ngabela areb."udi hio,Paulus ngansang tangan e balalu nyantena pembelaan e. ² "sahubungan nihi kaluhan hal sa na tuduhkan napot kuki ulah ulun-ulun Yahudi,kuki ngono areb ku bauntung,Raja Agripa,gene kuki sagar nyantena pembelaan ku tangar hadap kayo andrau iti, ³ khusus e gene kuki aye hio ulun sa bujur-bujur karasa kaluhan kebiasaan nihi persoalan ta penah ulun-ulun Yahudi.gene hio,kuki lako napot kayo mat ngarengei kuki nihi sabar. ⁴ Kaluhan ulun Yahudi karasa cara welum ku nekei wayah nakia ku,sa nekei asal nangalis welumku ta penah bangsaku kakreb nihi ta Yerusalem. ⁵ gene haot lawah here karasa hal areb ku,amun here kakan,here kiuh bersaksi bahwa kuki welum susuk nihi ajaran kalompok sa panga mape tekei agama takam,kuki welum jari ulun Farisi. ⁶ Balalu wayah iti,kuki mindri ta iti mat na adili gene pengharapan ku sagar janji sa na jarikan Allah napot itak uyut takam. ⁷ janji hiolah sa na harapkan ulah ka rueh belas suku bangsa takam kiuh ta hampe,nelang here menyembah Allah nihi bujur-bujur kaandrau namput kamalem.Balalu,gena pengharapan iti lah kuki na tuduh ulah ulun-ulun Yahudi,ui Raja. ⁸ wuah inon kayo ngono mustahil bahwa Allah nambuan ulun matei? ⁹ Gene hio lah,kuki kakareb ngono bahwa kuki harus ngulah ajoh hal sa manentang aran Yesus tekei Nazaret. ¹⁰ Balalu,hio lah sa na ulah kuki ta Yerusalem.kuki bakoi ekat nampasuluk ulun-ulun kudus gi huang penjara,udi narime wewenang tekei imam-imam kepala,tapi lei katika here nahukum matei,kuki satuju e. ¹¹ Balalu,kuki gaha nukum here ta Sinagoge-Sinagoge nihi bausaha maksa here mat menghujat.balalu,nihi ka sangit sa hante nadap here,kuki nampahanang here,bahkan hampe gi kota-kota asing."Paulus ba kesah gene Pamanalu e nihi Yesus ¹² "mat aheng hio lei,kuki rahat huang kiaan gi Damsyik,nihi wewenang palus penugasan tekei imam-imam kepala. ¹³ wayah penah andrau,ui Raja,ta penah lalan ku,kuki kakinni isa cahaya tekei langit,labih tarang tekei mate andrau,sa basinar ta sakaliling ku nihi ulun sa takia hayak kuki. ¹⁴ Balalu,katika kami kaluhan tasungkur ta entu tane,kuki ngarengei isa lengan ngeau napot kuki huang bahasa Ibrani,`Saulus,Saulus,wuah inon kayo nampahanang Kuki?mahadin gi kayo mat nyepak galah rangsang.` ¹⁵ Balalu kuki nane,`Hie kah Kayo,Tuhan?`udi hio,Tuhan nuing,`Kuki Yesus,sa rahat kayo tampahanang. ¹⁶ Tapi,buan palus mindri bo nihi pee nu.gene kuki haot nyantarang areb napot kayo mat aheng iti,aye hio menetapkan kayo jari pelayan nihi saksi,bakoi ekat mat hal-hal sa haot na inni kayo,tapi lei mat hal-hal sa sagar na tuti Ku napot kayo. ¹⁷ Kuki sagar nyalamatkan kayo tekei bangsa nu iti nihi tekei bangsa-bangsa lain,sa napot here kuki mangutus kayo, ¹⁸ mat nguka mate here hampe here ba waleng tekei sa mieng napot tarang nihi tekei kuasa iblis napot Allah mat here narime pengampunan entu dosa-dosa namput narime bagian ta penah ulun-ulun sa haot na kuduskan ulah iman ta huang Kuki."Paulus ngajelaskan gene Gawian e ¹⁹ "Balalu,Raja Agripa,kuki bakoi piji bakoi nuu nadap panginni surgawi hio, ²⁰ Tapi,sa kaisa,kuki membritakan e napot here sa naan ta Damsyik,balalu ta Yerusalem nihi ta kaluhan Yudea,lei napot bangsa-bangsa lain,bahwa here harus bertobatpalus ba waleng napot Allah,nihi ngulah gawian-gawian sa susuk nihi pertobatan here. ²¹ hio lah gene e,ulun-ulun Yahudi nyaput kuki ta Bait Allah palus ba usaha munu kuki. ²² Hampe andrau iti,kuki haot narime pangawat tekei Allah hampe kuki mindri ta iti mat bersaksi,maeh napot ulun-ulun halus atawa ulun-ulun hante nihi bakoi ngantuh hal lain,kecuali inon sa na antuh ulah here nabi nihi Musa gene sa sagar jari, ²³ bahwa Kristus harus rara nihi bahwa,palus alasan jari sa panga dahulu buan tekei penah ulun matei,Aye sagar membritakan maraai,maeh napot ulun-ulun Yahudi atawa napot bangsa-bangsa lain."Paulus ba usaha nampa yakin Agripa ²⁴ Rahat Paulus magun nampe hal-hal huang pembelaan e,Festus ngeau nihi lengan sa mehet,"Paulus,kayo haot rapui!pangarasa nu da ajoh tuu hio ngulah kayo bakoi waras." ²⁵ Tapi,Paulus nuing,"Sa Mulia Festus,kuki bakoi rapui,tapi kuki nampe sa wuah nihi paneran-paneran sa suluk akal. ²⁶ Gene,Raja karasa hal-hal iti nihi napot aye kuki lei bapander nihi ehei.Gene kuki yakin bahwa bakoi naan isa lei tekei hal-hal iti sa lepah tekei perhatian e gene iti bakoi jari ta uneng sa suni. ²⁷ Raja Agripa,inon kah kayo percaya nabi?kuki karasa kayo percaya." ²⁸ Raja Agripa ngeau napot Paulus,"huang wayah sa tawelek,kayo haot nampa yakin kuki mat jari ulun Kristen." ²⁹ Balalu, Paulus nuing,"kuki ngalako napot Allah mat hinang atawa lambat,bakoi ekat kayo,tapi lei kaluhan ulun sa ngarengei kuki andrau iti,tau jari sameh kuki,kecuali rantai-rantai iti." ³⁰ Udi hio,raja mindri.sameh hio lei Gubernur,Bernike,balalu kaluhan ulun sa maharung hayak here. ³¹ Balalu,rahat here nanan ruangan hio,here bapander isa nihi sa lain,"ulun iti bakoi ngulah inon lei sa pas nabanding nihi hukuman matei atawa penjara." ³² Balalu,Agripa ngeau napot Festus,"ulun iti haot kiuh na bebaskan amun aye bakoi mambai banding napot Kaisar."