Paulus ba layar gi kota Roma ¹ Udi na putuskan bahwa kami sagar balayar gi Italia,here manyarahkan Paulus nihi papire tahanan lain e napot erang kulun perwira pasukan Agustan,sa bangaran Yulius. ² kami mambai isa kua kapal tekei Adramitium sa sagar balayar gi ajoh pelabuhan ta sa ka ngamau pantai Asia.kami balayar na hengau ulah Aristarkus,ulun Makedonia tekei Tesalonika. ³ Ta andrau narian e,kami hampe ta Sidon.Yulius ngulah Paulus nihi penu perhatian palus ngami ijin Paulus ganta hengau-hengau e mat ngurus keperluan Paulus. ⁴ Tekei aro,kami tilak nihi belayar malupui Siprus gene angin nyiwu balawanan arah. ⁵ Udi kami balayar nangkah pantai ta saka ngamau pantai Kilikia nihi Famfilia,kami hampe ta Mira ta Likia. ⁶ Ta aro,perwira hio kahalu isa ka wua kapal tekei Aleksandria sa rahat balayar gi Italia,balalu aye nampindah kami gi kapal hio. ⁷ kami balayar nihi lamat salawah papire andrau,balalu nihi uyuh tuu kami hampe ta Knidus.gene angin bakoi memungkinkan kami mat tulak magin lawit ,kami balayar nutah pantai Kreta gi arah tanjung Salmone. ⁸ kami balayar nangkah tanjung hio nihi uyuh tuu balalu hampe ta isa kua uneng bangaran Pelabuhan Indah,sa naan ta riet kota Lasea. ⁹ Gene kami menyadari haot ajoh kajawoh waktu,balalu wayah iti,kiaan nangkah laut hio babahaya gene wayah puasa ulun Yahudi haot nangkah,Paulus menasehati here, ¹⁰ balalu ngeau napot here,"pulaksanai-pulaksanai,kuki ngini bahwa pelayaran iti sagar namput karusakan nihi karugian sa hante,bakoi ekat muatan nihi kapal e,tapi lei nyawa takam." ¹¹ Tapi,perwira hio labih harap napot nakhoda nihi sa ampun kapal tekei paneran Paulus. ¹² gene bakoi maeh muneng tangar pelabuhan hio salawah musim marisak,ajoh tekei ulun satuju mat tulak balayar tekei aro balalu amun-amun here tau hampe Feniks,isa kua pelabuhan ta Kreta,sa nadap gi arah barat daya nihi barat laut,balalu muneng ta aro salawah musim marisak.Angin mehet tuu nukun kapal Paulus ¹³ Katika angin sepoi-sepoi nyiwui tekei selatan,here bapikir bahwa here haot hampe tujuan here.gene hio,here nyujut jangkar balalu balayar ta saka ngamau pantai Kreta. ¹⁴ Tapi,bakoi lawah udi hio,angin sameh topan,sa na antuh Euroklidon,nyiwui tekei pulau hio. ¹⁵ Katika kapal kami na tukun ulah angin hio balalu bakoi sanggup lagi nadap halauanya,kami manyarah balalu ngaret kapal kami terombang ambing. ¹⁶ rahat kami bagarak nutah pulau halus sa bangaran Kauda,nihi uyuh tuu kami bahasil mengendalikan sekoci kapal kami. ¹⁷ Udi awak kapal nujut sekoci gi entu kapal,here makai tadi-tadi pangawat mat nampakuat kapal hio. gene here bakoi heei ta panggang ta Sirtis,here nampinau alat-alat kapal hampe ngaret kapal here terombang ambing. ¹⁸ Ta andrau narian e,gene kami terombang ambingkan nihi terjangan badai sa kalahio mehet,ulun-ulun mulai ngumpe muatan kapal. ¹⁹ Balalu,ta andrau sa katelu,here ngumpe alat-alat kapal nihi tangan here kakareb. ²⁰ gene maeh mate andrau atawa bintang-bintang bakoi balua salawah papire andrau balalu badai sa bakoi halus nukun kami,jawoh lah haot harapan kami mat salamat. ²¹ gene ajoh ulun haot tulak kalawah iti bakoi naan panguta,Paulus mindri ta penah-penah here palus ngeau,"pulaksanai-pulaksanai,seharus e kayo nuu nasehat kuki balalu bakoi berlayar tekei Kreta hampe nginam karusakan nihi karugian sameh iti. ²² Tapi wayah iti,kuki nyuun kayo mat tatap tabah gene tangar penah kayo bakoi naan sa sagar jawoh nyawa e,kecuali ekat ka jawoh kapal. ²³ Gene, malem huni,naan malaikat Allah,sa ampun kuki balalu sa na sembah kuki,mindri tangar hadapan kuki, ²⁴ nelang ngeau,`ada takut Paulus.kayo harus mindri ta hadapan Kaisar.Balalu,inni,Allah haot ba maeh atei napot kayo nihi kaluhan ulun sa balayar hayak kayo.` ²⁵ gene hio,pulaksanai-pulaksanai,tabahkan bo atei nu gene kuki harap ta huang Allah bahwa kaluhan sagar jari sameh sa haot na wara e napot kuki. ²⁶ Tapi takam harus ta dampar tangar isa pulau." ²⁷ Tapi,ta malem ka epat belas,rahat kami terombang ambing ta sa ka ngamau laut Adria,kira-kira penah malem,here awak kapal ngono bahwa here rahat ngarieet entuan. ²⁸ here nyansolor watu duga balalu kahalu bahwa kalalem ranu e ruam pulu repe.katika,here maju dohot lagi,here waleng nawut watu duga palus karasa kalalem ranu e dime belas repe. ²⁹ gene kami takut sagar ta pangang ta watu karang,here nampinau epat jangkar tekei para nihi lako doa mat hinang kaandrau. ³⁰ Tapi,rehet papire awak kapal bausaha mat mahulu areb e tekei kapal balalu haot nampinau sekoci gi laut nihi papaura nampinau jangkar-jangkar nekei haluan, ³¹ Paulus ngeau napot perwira hio namput here prajurit e,"amun ulun-ulun hio bakoi muneng ta huang kapal,kayo bakoi kiuh na selamatkan." ³² Udi hio,here prajurit netek tadi sekoci hio balalu ngaret e taping. ³³ Katika kiat kakan hampe,Paulus ngalako here kaluhan mat ngalap papire panguta,nihi ngeau,"andrau iti aye hio andrau ka epat belas kayo tarus manarus huang kanakut balalu ngaret kaluan gene bakoi nguta inon-inon. ³⁴ Gene hio,kuki ngalao kayo mat ngalap papire panguta mat keselamatan kayo.gene bakoi naan isa hijir wulu lei sa sagar jawoh tekei penah kaon." ³⁵ Udi ngantuh sameh hio,Paulus ngalap roti nihi mengucap syukur napot Allah ta hadapan here kaluhan,nuhi-nuhi roti hio,balalu mulai kuman. ³⁶ Balalu,here kaluhan na tampa kuat atei e palus here kuman lei. ³⁷ jumlah kami kaluhan sa naan huang kapal hio naan 276 ulun. ³⁸ Udi kuman hampe wising,here nampa nean kapal nihi ngumpe gandum gi laut.Kapal hancur balalu kaluhan ulun selamat ³⁹ Katika mulai kaandrau,here bakoi karasa naan entuan,tapi here memperhatikan isa kawua teluk sa bapantai,uneng here mamutuskan mat malabuhkan kapal ta aro mun memungkinkan. ⁴⁰ Balalu,udi nawut jangkar-jangkar,here nanan e ta huang laut,balalu ta wayah sa hayak,napas tadi-tadi kemudi balalu nampambai layar ta bagian muka kapal mat angin nunda here hampe gi pantai. ⁴¹ Tapi,kapal nampuh karang uneng panalu e rueh laut hampe kapal ta pangang.Haluan kapal ta sangkut palus bakoi tau bagarak,balalu para kapal lenuh gene hantaman gelombang. ⁴² Here prajurit naan aheng mat munu here tahanan mat bakoi erang kulun lei sa katambah mahulu areb e. ⁴³ Tapi,perwira hio,ba aheng kiuh nyalamat Paulus,nahalang aheng here.aye nuyu mat ulun-ulun sa tau katambah mat nampetu panga dahulu tekei kapal napot entuan. ⁴⁴ Balalu,tisai e naan sa ta entu papan,naan lei sa makai banda-banda lain e tekei kapal.Nihi sameh hio,kaluhan ulun hampe gi entuan nihi selamat.